17 1983

[EN]

Uimhir 17 de 1983

[EN]

AN tACHT UM CHRUACH NA hÉIREANN TEORANTA (LEASÚ), 1983

[An tiontú oifigiúil]

ACHT DO LEASÚ AGUS DO LEATHNÚ NA nACHTANNA UM GHABHÁLTAIS CHRUACH NA hÉIREANN TEOR-ANTA, 1960 GO 1982. [21 Meitheamh, 1983]

ACHTAÍTEAR AG AN OIREACHTAS MAR A LEANAS:

[EN]

Gearrtheideal agus comhlua.

1. —(1) Féadfar an tAcht um Chruach na hÉireann Teoranta (Leasú), 1983 , a ghairm den Acht seo.

[EN]

(2) Féadfar na hAchtanna um Chruach na hÉireann Teoranta, 1960 go 1983, a ghairm de na hAchtanna um Ghabháltais Chruach na hÉireann Teoranta, 1960 go 1982, agus den Acht seo le chéile, agus forléireofar le chéile iad mar aon Acht amháin.

[EN]

Leasú ar alt 9 den Acht um Ghabháltais Chruach na hÉireann Teoranta, 1960 .

2. —Leasaítear leis seo alt 9 den Acht um Ghabháltais Chruach na hÉireann Teoranta, 1960 (a chuireann £75,000,000 de theorainn leis an ráthaíocht ón Aire go n-aisíocfar airgead a gheobhaidh an Chuideachta ar iasacht) trí “£100,000,000” a chur, i bhfo-alt (3), in ionad “£75,000,000” (a cuireadh isteach le halt 4 den Acht um Ghabháltais Chruach na hÉireann Teoranta (Leasú), 1982 ), agus tá an fo-alt sin, arna leasú amhlaidh, leagtha amach sa Tábla a ghabhann leis an alt seo.

AN TÁBLA

(3) Ní dhéanfaidh an tAire na cumhachtaí a thugtar le fo-ailt (1) agus (2) den alt seo a fheidhmiú i slí go mbeidh méid, nó méid comhiomlán, na príomhshuime a dhlífidh sé aon tráth áirithe a aisíoc ar scór aon ráthaíochta nó ráthaíochtaí faoi na fo-ailt sin a bheidh i bhfeidhm de thuras na huaire, mar aon le méid na príomhshuime (más ann) a bheidh íoctha cheana ag an Aire ar scór aon ráthaíochtaí den sórt sin agus nach mbeidh aisíoctha ag an gCuideachta, níos mó ná £100,000,000.

Na hAchtanna dá dTagraítear

An tAcht um Ghabháltais Chruach na hÉireann Teoranta, 1960

1960, Uimh. 32

An tAcht um Ghabháltais Chruach na hÉireann Teoranta (Leasú), 1982

1982, Uimh. 13