 |
 |
| Baile Home | Cuardach Search | Réamhamharc Cló Print Preview | Cabhair Help |
|
||||
|
| Ar Aghaidh ( AN SCEIDEAL ) |
| [EN] | ||
| ||
Uimhir 16 de 2005 | ||
AN tACHT TOGHCHÁIN (LEASÚ) 2005 | ||
[An tiontú oifigiúil] |
RIAR NA nALT | |||||||||
Alt | |||||||||
1 . Léiriú. | |||||||||
2 . Líon comhaltaí Dháil Éireann. | |||||||||
3 . Dáilcheantair. | |||||||||
4 . An líon comhaltaí a thoghfar do dháilcheantar. | |||||||||
5 . Aisghairm. | |||||||||
6 . Leasú ar an Sceideal a ghabhann leis an Acht Toghcháin 1997. | |||||||||
7 . Gearrtheideal, comhlua agus forléiriú. | |||||||||
AN SCEIDEAL | |||||||||
|
Na hAchtanna dá dTagraítear | |||||||||
| |||||||||
| |||||||||
Uimhir 16 de 2005 | |||||||||
AN tACHT TOGHCHÁIN (LEASÚ) 2005 | |||||||||
[An tiontú oifigiúil] |
| ||
ACHT DO DHÉANAMH SOCRÚ LE hAGHAIDH LÍON COMHALTAÍ DHÁIL ÉIREANN AGUS CHUN DÁILCHEANTAIR A ATHMHEAS, DO LEASÚ AN DLÍ A BHAINEANN LE TOGHADH NA gCOMHALTAÍ SIN AGUS DO LEASÚ AN ACHTA TOGHCHÁIN 1997. | ||
[9 Iúil, 2005] |
ACHTAÍTEAR AG AN OIREACHTAS MAR A LEANAS: | ||
|
Léiriú. |
1 .— (1) San Acht seo ciallaíonn “ Aire” an tAire Comhshaoil, Oidhreachta agus Rialtais Áitiúil. | |
| [EN] | (2) Sa Sceideal a ghabhann leis an Acht seo— | |
| [EN] | (a) déanfar tagairt do shean-tuathcheantar a fhorléiriú mar thagairt don cheantar sin mar a bhí sé comhdhéanta díreach roimh an 1 Deireadh Fómhair 1925, agus | |
| [EN] | (b) déanfar tagairt do líne arna tarraingt ar feadh aon mhótarbhealaigh, bóthair, iarnróid nó sráide a fhorléiriú mar thagairt do líne arna tarraingt ar feadh lár an mhótarbhealaigh, an bhóthair, an iarnróid nó na sráide sin. | |
|
Líon comhaltaí Dháil Éireann. |
2 .— Tar éis an lánscor ar Dháil Éireann is túisce a tharlóidh tar éis an tAcht seo a rith, is 166 chomhalta an líon comhaltaí a bheidh i nDáil Éireann. | |
|
Dáilcheantair. |
3 .— (1) Tar éis an lánscor ar Dháil Éireann is túisce a tharlóidh tar éis an tAcht seo a rith, beidh comhaltaí Dháil Éireann ina n-ionadóirí do na dáilcheantair a shonraítear sa Sceideal a ghabhann leis an Acht seo. | |
| [EN] | (2) Aon limistéar a shonraítear sa Sceideal a ghabhann leis an Acht seo measfar gurb é an limistéar sin é mar a bhí an 28 Márta 2005, ach má éiríonn aon amhras i dtaobh cad é an dáilcheantar ina bhfuil aon toghroinn nó aon chuid de thoghroinn, nó aon bhaile fearainn nó aon chuid de bhaile fearainn, cinnfidh an tAire an t-amhras, ach sin faoi réir alt 1(2)(b) den Acht seo. | |
|
An líon comhaltaí a thoghfar do dháilcheantar. |
4 .— Toghfar do dháilcheantar a shonraítear sa Sceideal a ghabhann leis an Acht seo an líon comhaltaí atá leagtha amach ina leith sin sa tríú colún den Sceideal sin. | |
|
Aisghairm. |
5 .— (1) Aisghairtear an tAcht Toghcháin (Leasú) (Uimh. 2) 1998. | |
| [EN] | (2) Tiocfaidh fo-alt (1) den alt seo i ngníomh díreach ar an lánscor ar Dháil Éireann is túisce a tharlóidh tar éis an tAcht seo a rith. | |
|
Leasú ar an Sceideal a ghabhann leis an Acht Toghcháin 1997. |
6 .— Leasaítear an Sceideal a ghabhann leis an Acht Toghcháin 1997 (a cuireadh isteach le halt 50(v) den Acht Toghcháin (Leasú) 2001) tríd an bhfomhír seo a leanas a chur isteach i mír 2: | |
| [EN] | “(a) le haon cheann de na nithe dá dtagraítear i bhfomhíreanna (i), (iii), (iv) agus (v) d’alt 22(2)(b) nó, i gcás toghcháin uachtaráin, i bhfomhíreanna (i), (iii), (iv) agus (v) d’alt 46(2)(b),”. | |
|
Gearrtheideal, comhlua agus forléiriú. |
7 .— (1) Féadfar an tAcht Toghcháin (Leasú) 2005 a ghairm den Acht seo. | |
| [EN] | (2) Féadfar na hAchtanna Toghcháin 1992 go 2005 a ghairm de na hAchtanna Toghcháin 1992 go 2004 agus den Acht seo le chéile agus léifear le chéile iad mar aon ní amháin. |
