Uimhir 4 de 2007

ACHT NA gCÚIRTEANNA AGUS NA nOIFIGEACH CÚIRTE (LEASÚ) 2007

[An tiontú oifigiúil]

RIAR NA nALT

Alt

1 . Mínithe.

2 . Méadú ar an líon gnáth-bhreithiúna san Ard-Chúirt.

3 . Méadú ar an líon gnáth-bhreithiúna sa Chúirt Chuarda.

4 . Méadú ar an líon breithiúna sa Chúirt Dúiche.

5 . Leasú ar an Séú Sceideal a ghabhann le hAcht na gCúirteanna (Forálacha Forlíontacha) 1961.

6 . Gearrtheideal agus comhlua.

Na hAchtanna dá dTagraítear

Uimhir 4 de 2007

ACHT NA gCÚIRTEANNA AGUS NA nOIFIGEACH CÚIRTE (LEASÚ) 2007

[An tiontú oifigiúil]

ACHT DO LEASÚ ACHT NA gCÚIRTEANNA AGUS NA nOIFIGEACH CÚIRTE 1995 CHUN FORÁIL A DHÉANAMH MAIDIR LE MÉADÚ AR LÍON BREITHIÚNA NA hARD-CHÚIRTE, NA CÚIRTE CUARDA AGUS NA CÚIRTE DÚICHE; DO LEASÚ ACHT NA gCÚIRTEANNA (FORÁLACHA FORLÍONTACHA) 1961; AGUS DO DHÉANAMH SOCRÚ I dTAOBH NITHE GAOLMHARA.

[5 Márta, 2007]

ACHTAÍTEAR AG AN OIREACHTAS MAR A LEANAS:

1 .— San Acht seo—

ciallaíonn “Acht 1995” Acht na gCúirteanna agus na nOifigeach Cúirte 1995;

ciallaíonn “Acht 2004” an tAcht um Dhliteanas Sibhialta agus Cúirteanna 2004.

2 .— Leasaítear Acht 1995 tríd an alt seo a leanas a chur in ionad alt 9 (a cuireadh isteach le halt 56(a) d’Acht 2004):

“9.— Ní mó ná 35 an líon gnáth-bhreithiúna san Ard-Chúirt.”.

3 .— Leasaítear Acht 1995 tríd an alt seo a leanas a chur in ionad alt 10 (a cuireadh isteach le halt 56(b) d’Acht 2004):

“10.— Ní mó ná 37 an líon gnáth-bhreithiúna sa Chúirt Chuarda.”.

4 .— Leasaítear Acht 1995 tríd an bhfo-alt seo a leanas a chur in ionad fho-alt (1) (a cuireadh isteach le halt 56(c) d’Acht 2004) d’alt 11:

“(1) Ní mó ná 60, de bhreis ar Uachtarán na Cúirte Dúiche, an líon breithiúna sa Chúirt Dúiche.”.

5 .— Déantar an Séú Sceideal a ghabhann le hAcht na gCúirteanna (Forálacha Forlíontacha) 1961 a leasú i mír 2(1) tríd an gclásal seo a leanas a chur in ionad chlásal (b) (a cuireadh isteach le halt 27(2) d’Acht na gCúirteanna agus na nOifigeach Cúirte 2002):

“(b) Más rud é, tráth ceaptha duine mar bhreitheamh den Chúirt Dúiche, go bhfuil 20 breitheamh den Chúirt Dúiche ann gan iad a bheith buansannta do dhúichí áirithe, déanfaidh an Rialtas an duine sin a bhuansannadh do dhúiche áirithe.”.

6 .— (1) Féadfar Acht na gCúirteanna agus na nOifigeach Cúirte (Leasú) 2007 a ghairm den Acht seo.

(2) Féadfar Achtanna na gCúirteanna (Forálacha Forlíontacha) 1961 go 2007 a ghairm d’Achtanna na gCúirteanna (Forálacha Forlíontacha) 1961 go 2003 agus den Acht seo le chéile.