CUID II.

Custuim agus Mal.

11. —(1) Eileofar, gearrfar, agus íocfar, ar gach earra dá luaidhtear sa dara colún den Chéad Sceideal a ghabhann leis an Acht so agus a hiomportálfar isteach i Saorstát Éireann an 12adh lá de Bhealtaine, 1932, no dá éis sin. diúité custum de mhéid is có-ionann leis an bpercentáiste sin, de luach na hearra, a luaidhtear sa tríú colún den Chéad Sceideal san os coinne luadh na hearra sa dara colún san.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ar aon earra ach an abairt “Saorstát Éireann” do chur in ionad na habairte “Great Britain and Ireland” agus—

(a) i gcás ina luaidhtear percentáiste sa cheathrú colún den Chéad Sceideal a ghabhann leis an Acht so os coinne luadh na hearra san sa dara colún den Sceideal san, fé is dá mbeadh sa Dara Sceideal a ghabhann leis an Finance Act, 1919, adubhradh, liost d'earraí go ndeintear diúité de mhéid is có-ionann leis an bpercentáiste sin de luach na n-earraí do chur i mbaint leo mar ráta tosaíochta agus go mbeadh an earra san sa liost san; agus

(b) i gcás ina bhfuil an focal “saor” sa cheathrú colún den Chéad Sceideal a ghabhann leis an Acht so os coinne luadh na hearra san sa dara colún den Sceideal san, fé is dá mbeadh sa Dara Sceideal a ghabhann leis an Finance Act, 1919, liost d'earraí do bhí, toisc ráta thosaíochta, le leigint isteach saor o dhiúité agus go mbeadh an earra san sa liost san.

(3) Na forálacha (más aon cheann é) atá leagtha amach sa chúigiú colún den Chéad Sceideal a ghabhann leis an Acht so os coinne an luaidhte deintear sa dara colún den Sceideal san ar earra ar bith, beidh feidhm agus éifeacht acu maidir leis an diúité forchuirtear leis an alt so ar an earra san.

(4) Pé uair a cuirfear ina luighe ar na Coimisinéirí Ioncuim go ndearnadh an diúité forchuirtear leis an alt so ar earra ar bith d'íoc go cuibhe ar an earra san agus nár húsáideadh an earra san i Saorstát Éireann ach amháin chun críche déantóireachta, déanfar ais-tarrac is có-ionann le méid an diúité do híocadh amhlaidh do lomháil ar an earra san, no ar aon earraí go dtaisbeánfar gur húsáideadh an earra san chun a ndéanta no a n-ullamhuithe, má deintear an earra san no na hearraí sin (pe'ca aca é) d'easportáil mar earra no earraí ceannaíochta no do chur ar bord luinge le húsáid mar stóranna no do chur i mbannastóras le cur ar bord luinge mar stóranna.

(5) Ní bhainfidh alt 6 den Customs and Inland Revenue Act, 1879, le hearra ar bith is ionchurtha fé dhiúité forchuirtear leis an alt so.

(6) Aon earra is ionchurtha fé dhiúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim—

(a) nár hiomportáladh an earra san sarar heasportáladh i; no

(b) gur roimh an 12adh lá de Bhealtaine, 1932, a hiomportáladh an earra san ar dtúis; no

(c) gur ar an 12adh lá de Bhealtaine, 1932, no dá éis sin a hiomportáladh an earra san ar dtúis agus ná raibh sí ionchurtha fé aon diúité custum le linn í d'iomportáil amhlaidh; no

(d) gur ar an 12adh lá de Bhealtaine, 1932, no dá éis sin a hiomportáladh an earra san ar dtúis agus gur híocadh go cuibhe gach diúité custum do bhí ionchurtha uirthi an uair sin agus nár lomháladh aon ais-tarrac diúité ar í d'easportáil no gur haisíocadh leis na Coimisinéirí Ioncuim gach ais-tarrac do lomháladh amhlaidh.

(7) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.

(8) I gcás ina bhféadfaí earra d'áireamh mar earra is ionchurtha fé dhá cheann na níos mó de sna diúitéthe forchuirtear leis an alt so tuigfear gan an earra san do bheith ionchurtha ach fén gceann san amháin de sna diúitéthe sin gur ina thaobh a bheadh an méid diúité is mó iníoctha, agus dá réir sin ní bheidh an earra san ionchurtha ach fén diúité sin amháin.

12. —Pé uair is deimhin leis an Aire Airgid, tar éis do dul i gcomhairle leis an Aire Tionnscail agus Tráchtála, go bhfuil aon earraí is ionchurtha fé dhiúité iomportála fén Acht so no fé aon Acht eile, go bhfuilid riachtanach i gcóir oibriú aon déantóireachta atá ar siúl no atáthar ar aigne do chur ar siúl i Saorstát Éireann agus ná fuilid no nách deallrathach go mbeid le fáil i Saorstát Éireann agus gur gá do dhéantóir iad d'iomportáil chun iad d'úsáid i Saorstát Éireann san oibriú san féadfaidh na Coimisinéirí Ioncuim le ceadúnas, a údarú don déantóir sin, fé réir cólíonadh pé coinníollacha is oiriúnach leo d'fhorchur, na hearraí sin d'iomportáil gan an diúité seo do bheith íoctha ortha agus an iomportáil sin do dhéanamh gan teora maidir le n-a ham no le n-a méid no maidir le ceachtar acu no go dteora áirithe maidir le n-a ham no le n-a méid, fé mar is dóich leis na Coimisinéirí Ioncuim is ceart.

13. —(1) Eileofar, gearrfar, agus íocfar, ar gach earra dá luaidhtear sa dara colún den dara Sceideal a ghabhann leis an Acht so agus a hiomportálfar isteach i Saorstát Éireann an 12adh lá de Bhealtaine, 1932, no dá éis sin, diúité custum do réir an ráta luaidhtear sa tríú colún den Sceideal san os coinne luadh na hearra sa dara colún san.

(2) I ngach cás ina n-abartar sa chúigiú colún den Dara Sceideal a ghabhann leis an Acht so go bhfuil feidhm ag forálacha ailt 8 den Finance Act, 1919, maidir le haon diúité luaidhtear sa Sceideal san, bainfidh forálacha an ailt sin 8 leis an diúité sin ach an abairt “Saorstát Éireann” do chur in ionad na habairte “Great Britain and Ireland” agus fé is dá mbeadh sa Dara Sceideal a ghabhann leis an Finance Act, 1919, adubhradh. liost d'earraí go ndeintear ráta an diúité sin a luaidhtear sa cheathrú colún den Dara Sceideal san a ghabhann leis an Acht so do chur i mbaint leo mar ráta tosaíochta agus go mbeadh na hearraí is ionchurtha fén diúité sin sa liost san.

(3) Na forálacha (más aon cheann é) atá leagtha amach sa chúigiú colún den Dara Sceideal a ghabhann leis an Acht so os coinne an luaidhte deintear sa dara colún den Sceideal san ar earra ar bith beidh feidhm agus éifeacht acu, fé réir forálacha an fho-ailt sin roimhe seo den alt so, maidir leis an diúité forchuirtear leis an alt so ar an earra san.

(4) Pé uair a cuirfear ina luighe ar na Coimisinéirí Ioncuim go ndearnadh an diúité forchuirtear leis an alt so ar earra ar bith d'íoc go cuibhe ar an earra san agus nár húsáideadh an earra san i Saorstát Éireann ach amháin chun críche déantóireachta, déanfar ais-tarrac is có-ionann le méid an diúité do híocadh amhlaidh do lomháil ar an earra san, no ar aon earraí go dtaisbeánfar gur húsáideadh an earra san chun a ndéanta no a n-ullamhuithe, má deintear an earra san no na hearraí sin (pe'ca aca é) d'easportáil mar earra no earraí ceannaíochta no do chur ar bord luinge le húsáid mar stóranna no do chur i mbannastóras le cur ar bord luinge mar stóranna.

(5) Ní bhainfidh alt 6 den Customs and Inland Revenue Act, 1879, le hearra ar bith is ionchurtha fé dhiúité forchuirtear leis an alt so.

(6) Aon earra is ionchurtha fé dhiúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim—

(a) nár hiomportáladh an earra san sarar heasportáladh í; no

(b) gur roimh an 12adh lá de Bhealtaine, 1932, a hiomportáladh an earra san ar dtúis; no

(c) gur ar an 12adh lá de Bhealtaine, 1932, no dá éis sin a hiomportáladh an earra san ar dtúis agus gur híocadh go cuibhe gach diúité custum do bhí ionchurtha uirthi an uair sin agus nár lomháladh aon ais-tarrac diúité ar í d'easportáil no gur haisíocadh leis na Coimisinéirí Ioncuim gach ais-tarrac do lomháladh amhlaidh.

(7) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.

14. —(1) Eileofar, gearrfar, agus íocfar diúité custum do réir reul an púnt ar an té go léir a hiomportálfar isteach i Saorstát Éireann an 12adh lá de Bhealtaine, 1932, no dá éis sin.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí té, go gcuirfear ina luighe ar na Coimisinéirí Ioncuim ina thaobh ná dearnadh aon tsaghas measctha uirthi lasmuich den tír as a dtáinigh sí ar dtúis, do chur sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta tosaíochta agus go ndéanfaí té d'fhágaint ar lár sa liost d'earraí, sa Dara Sceideal san, go gcuirtear cúig shéú den lán-ráta i mbaint leo amhlaidh.

15. —(1) Eileofar, gearrfar, agus íocfar, ar an té go léir a bheidh ar an 12adh lá de Bhealtaine, 1932, i Saorstát Éireann ar únaeracht no ar seilbh ag duine go mbeidh ar únaeracht no ar seilbh aige i Saorstát Éireann ar an dáta san níos mó ná míle púnt té, diúité máil do réir tuistiúin ar gach púnt den té sin de bhreis ar an gcéad chúig céad púnt di.

(2) Ní déanfar an diúité forchuirtear leis an alt so d'éileamh ná do ghearradh ar aon té go gcuirfear ina luighe ar na Coimisinéirí Ioncuim ina thaobh gurbh amhlaidh a bhí sí le húsáid (ar aon tslí seachas chun dighe d'ullamhú le díol) ag an duine ag á raibh sí ar únaeracht no ar seilbh an 12adh lá de Bhealtaine, 1932, agus ná raibh sí le díol ná le húsáid chun dighe d'ullamhú le díol, agus ní cuirfear aon té den tsórt san san áireamh a déanfar, chun crícheanna an fho-ailt sin roimhe seo den alt so, ar an méid té do bhí ar únaeracht no ar seilbh ag an duine sin ar an dáta san.

(3) Gach duine go mbeidh ar únaeracht no ar seilbh aige an 12adh lá de Bhealtaine, 1932, aon té is ionchurtha fén diúité forchuirtear leis an alt so agus fós gach duine ar a gceanglóidh na Coimisinéirí Ioncuim cuntas den tsórt a luaidhtear sa bhfo-alt so do thabhairt uaidh, bhéarfa sé do sna Coimisinéirí Ioncuim, an 19adh lá de Bhealtaine, 1932, no roimhe sin, ar fhuirm ordóidh na Coimisinéirí Ioncuim, cuntas ina mbeidh—

(a) cur síos, sna téarmaí agus go na mion-innste is gá do réir na fuirme sin, ar an té go léir do bhí ar únaeracht no ar seilbh aige i Saorstát Éireann an 12adh lá de Bhealtaine, 1932, agus

(b) cur síos, sna téarmaí agus go na mion-innste is gá do réir na fuirme sin, ar na háitreabhacha go léir ina raibh an té sin no aon chuid di i dtaisce ar an dáta san, maraon leis na mion-innste, alos na té do bhí i dtaisce amhlaidh i ngach áitreabh fé leith acu san, is gá do réir na fuirme sin, agus

(c) cur síos, sna téarmaí agus go na mion-innste is gá do réir na fuirme sin, ar an té agus í ar únaeracht no ar seilbh aige i Saorstát Éireann an 12adh lá de Bhealtaine, 1932, do bhí ar turus ar an dáta san.

(4) Gach cuntas do bhéarfar do réir fo-ailt (3) den alt so deimhneofar é le dearbhú reachtúil ar n-a dhéanamh ag an duine ar a mbeidh sé de cheangal an cuntas san do thabhairt uaidh no, más cólucht corparuithe an duine sin, ag stiúrthóir no ag príomh-oifigeach don chólucht chorparuithe sin.

(5) Gach duine ar a gceangailtear le fo-alt (3) den alt so cuntas den tsórt a luaidhtear sa bhfo-alt san do thabhairt uaidh, íocfaidh leis na Coimisinéirí Ioncuim, díreach tar éis an chuntais sin do thabhairt uaidh no ar an 19adh lá de Bhealtaine, 1932, pe'ca tráth aca san is túisce, méid iomlán an diúité forchuirtear leis an alt so ar aon té do bhí ar únaeracht no ar seilbh aige an 12adh lá de Bhealtaine, 1932, agus dob ionchurtha fén diúité sin, no cuirfidh an té sin i mbanna-stóras a bheidh ceaduithe ag na Coimisinéirí Ioncuim chun té do chur ann.

(6) Pé uair a bheidh aon diúité forchuirtear leis an alt so iníoctha alos aon té (pe'ca ag an am a luaidhtear sa bhfo-alt deiridh sin roimhe seo den alt so é no ar an té sin d'aistriú as banna-stóras in ar cuireadh í do réir an fho-ailt sin) féadfaidh na Coimisinéirí Ioncuim, mara n-íoctar méid iomlán an diúité sin láithreach, glacadh le leath an diúité sin maraon le banna go n-urraí, le n-a mbeidh na Coimisinéirí Ioncuim sásta, go n-íocfar an leath eile den diúité sin an 19adh lá de Lúnasa, 1932, no roimhe sin.

(7) Gach duine ar a gceangailtear le fo-alt (3) den alt so cuntas den tsórt a luaidhtear sa bhfo-alt san do thabhairt uaidh—

(a) leigfidh d'aon oifigeach custum agus máil dul isteach aon tráth réasúnta in áitreabh ar bith a bheidh i seilbh an duine sin agus cuntas do thógaint ar an té go léir a bheidh san áitreabh san, agus

(b) taisbeánfaidh don oifigeach san na leabhair thrádála agus na cuntaisí agus na scríbhinní uile is leis an duine sin no bheidh ina sheilbh agus is gá chun an chuntais do thug an duine sin uaidh do réir fo-ailt (3) den alt so d'fhíorú, agus

(c) leigfidh don oifigeach san pé somplaí den té bheidh san áitreabh san do thógaint is dóich leis an oifigeach san is gá, agus

(d) bhéarfaidh gach congnamh réasúnta don oifigeach san agus é ag tógaint cuntais ar an té do bhí ar únaeracht no ar seilbh ag an duine sin an 12adh lá de Bhealtaine, 1932.

(8) Gach duine ar a gceangailtear le fo-alt (3) den alt so cuntas den tsórt a luaidhtear sa bhfo-alt san do thabhairt uaidh agus go dteipfidh air an cuntas san do thabhairt uaidh no do bhéarfaidh uaidh cuntas a bheidh neamh-iomlán, bréagach, no míthreorach in aon phonc táchtach no go dteipfidh air éinní do dhéanamh a ceangailtear air le fo-alt (5) den alt so do dhéanamh no dhiúltóidh don ní sin do dhéanamh, beidh sé ciontach i gcionta fé sna reachta bhaineann le diúitéthe máil agus in aghaidh gach cionta den tsórt san raghaidh fé phionós mháil de chaoga púnt agus geallbhruidfear an té go léir gur ina taobh do rinneadh an cionta san.

16. —(1) Déanfar diúité custum de mhéid is có-ionann le trí triochad agus trian per cent. de luach na hearra d'éileamh, do ghearradh, agus d'íoc ar gach earra acu so leanas a hiomportálfar isteach i Saorstát Éireann an 1adh lá de Bhealtaine, 1932, no dá éis sin, sé sin le rá:—

(a) gléasanna ceoil, ar a n-áirmhítear gramafóin, pianólanna, agus gléasanna eile dá samhail sin;

(b) cabhartha do ghléasanna ceoil agus coda de ghléasanna ceoil (gan plátaí ceoil agus gléasanna eile athsheinnte ceoil d'áireamh);

(c) cluig agus uaireadóirí agus coda de chluig agus d'uaireadóirí.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí na hearraí is ionchurtha fén diúité sin do luadh sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta tosaíochta.

(3) Pé uair a cruthófar chun sástachta na gCoimisinéirí Ioncuim go ndearnadh an diúité forchuirtear leis an alt so d'íoc go cuibhe alos aon earra agus nár húsáideadh an earra san i Saorstát Éireann, déanfar ais-tarrac is có-ionann le méid an diúité sin do híocadh amhlaidh do lomháil ar an earra san ar í d'easportáil mar earra cheannaíochta.

(4) Ní bhainfidh alt 6 den Customs and Inland Revenue Act, 1879, le haon earra is ionchurtha fén diúité forchuirtear leis an alt so.

(5) Aon earra is ionchurtha fén diúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim nár hiomportáladh an earra san sarar heasportáladh í no nár lomháladh aon ais-tarrac diúité ar í d'easportáil no gur haisíocadh aon ais-tarrac do lomháladh amhlaidh.

(6) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.

17. —(1) Eileofar, gearrfar, agus íocfar, ar gach scannán cinematografach (nách scannán folamh gan pictiúir air) a hiomportálfar isteach i Saorstát Éireann an 1adh lá de Bhealtaine, 1932, no dá éis sin, diúité custum do réir na rátaí seo leanas, sé sin le rá:—

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí na hearraí is ionchurtha fén diúité sin do luadh sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta tosaíochta.

(3) Pé uair is deimhin leis na Coimisinéirí Ioncuim gur chabhair chun oideachais aon scannán cinematografach a hiomportálfar isteach i Saorstát Éireann, déanfaid, fé réir cólíonadh pé coinníollacha is oiriúnach leo d'fhorchur, an scannán san do shaoradh ón diúité forchuirtear leis an alt so.

(4) Pé uair a cruthófar chun sástachta na gCoimisinéirí loncuim go ndearnadh an diúité forchuirtear leis an alt so d'íoc go cuibhe alos aon earra agus nár húsáideadh an earra san i Saorstát Éireann, déanfar ais-tarrac is có-ionann le méid an diúité sin do híocadh amhlaidh do lomháil ar an earra san ar í d'easportáil mar earra cheannaíochta.

(5) Ní bhainfidh alt 6 den Customs and Inland Revenue Act, 1879, le haon earra is ionchurtha fén diúité forchuirtear leis an alt so.

(6) Aon earra is ionchurtha fén diúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim nár hiomportáladh an earra san sarar heasportáladh í no nár lomháladh aon ais-tarrac diúité ar í d'easportáil no gur haisíocadh aon ais-tarrac do lomháladh amhlaidh.

(7) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.

18. —(1) Na diúitéthe breise, ar thorthaí tiormuithe, do céadfhorchuireadh le halt S den Finance (No. 2) Act, 1915, agus do buanuíodh go dtí an 1adh lá de Lúnasa, 1932, le halt 11 den Acht Airgid, 1931 ( Uimh. 31 de 1931 ), leanfar d'iad d'éileamh, do ghearradh agus d'íoc an 1adh lá san de Lúnasa, 1932, agus ón lá san go dtí go n-órdóidh an tOireachtas a mhalairt.

(2) Bainfidh forálacha ailt 8 den Finance Act, 1919, leis na diúitéthe buanuítear leis an alt so ach an abairt “Saorstát Éireann” do chur in ionad na habairte “Great Britain and Ireland.”

19. —(1) Déanfar diúité custum de mhéid is có-ionann le trí triochad agus trian per cent. de luach na hearra d'éileamh, do ghearradh agus d'íoc ar gach earra acu so leanas a hiomportálfar isteach i Saorstát Éireann an 12adh lá de Bhealtaine, 1932, no dá éis sin, sé sin le rá, gach pláta ceoil agus earra eile dá shamhail a bheidh ceaptha agus beartuithe chun ceoil d'ath-sheinnt le gramafón, no le pianóla, no le haon ghléas eile dáshamhail, ach gan scannán cinematografach d'áireamh a bheidh ceaptha agus déanta chun ceoil d'athsheinnt in éineacht le pictiúirí no éifeachtaí eile radhairc do thaisbeáint le cinematograf no le gléas eile dá shamhail, agus fós gan plátaí ar a mbeidh amhráin Ghaedhilge d'áireamh.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí na hearraí is ionchurtha fén diúité forchuirtear leis an alt so do chur sa Dara Sceideal a ghabhann leis an Acht san sa. liost d'earraí go gcuirtear dhá dtrian den lán-ráta i mbaint leo mar ráta tosaíochta.

(3) Pé uair a cuirfear ina luighe ar na Coimisinéirí Ioncuim go ndearnadh an diúité forchuirtear leis an alt so d'íoc go cuibhe alos aon earra agus nár húsáideadh an earra san i Saorstát Éireann, déanfar ais-tarrac is có-ionann le méid an diúité sin do híocadh amhlaidh do lomháil ar an earra san má heasportáltar an earra san mar earra cheannaíochta.

(4) Ní bhainfidh alt 6 den Customs and Inland Revenue Act, 1879, le haon earra is ionchurtha fén diúité forchuirtear leis an alt so.

(5) Aon earra is ionchurtha fén diúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim—

(a) nár hiomportáladh an earra san sarar heasportáladh í; no

(b) gur roimh an 12adh lá de Bhealtaine, 1932, a hiomportáladh an earra san ar dtúis; no

(c) gur ar an 12adh lá de Bhealtaine, 1932, no dá éis sin a hiomportáladh an earra san ar dtúis agus gur híocadh go cuibhe gach diúité custum do bhí ionchurtha uirthi an uair sin agus nár lomháladh aon ais-tarrac diúité ar í d'easportáil no gur haisíocadh leis na Coimisinéirí Ioncuim gach ais-tarrac do lomháladh amhlaidh.

(6) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun críche an fho-ailt deiridh sin roimhe seo den alt so.

20. —(1) In ionad na ndiúitéthe custum atá ar thobac fé láthair, éileofar, gearrfar agus íocfar, ar an tobac go léir a hiomportálfar isteach i Saorstát Éireann an 12adh lá de Bhealtaine, 1932, no dá éis sin, na diúitéthe custum a luaidhtear i gCuid I den Tríú Sceideal a ghabhann leis an Acht so.

(2) Ní déanfar an diúité máil is inéilithe ar thobac fé alt 7 den Finance Act, 1918, mar a hatharuítear san le halt 9 den Finance Act, 1919, ná aon diúité máil eile d'éileamh ar aon tobac do fásadh i Saorstát Éireann agus a déanfar go cuibhe a sheachadadh as stóras agus a chonsighniú chun déantóra cheadúnuithe tobac agus do gheobhaidh an déantóir sin go cuibhe.

(3) Má cuirtear ina luighe ar na Coimisinéirí Ioncuim, maidir le gnó déantóra cheadúnuithe tobac gur gnó an gnó san—

(a) atá ar únaeracht chun tairbhe ag duine aonair is comhnathóir Éireannach; no

(b) atá ar únaeracht chun tairbhe ag beirt no níos mó de dhaoine aonair gur comhnathóirí Éireannacha agus únaeracht acu eatorra ar bhreis agus leath an chaipitail atá curtha sa ghnó san a bhfurmhór; no

(c) atá ar únaeracht ag cuideachtain d'únaerí Eireannacha agus atá fé bhainistí agus fé stiúradh daoine gur comhnathóirí Eireannacha a bhfurmhór;

ansan, an duine bheidh ceadúnuithe chun an ghnótha san do bheith ar siúl aige, beidh sé i dteideal lacáiste de sheacht bpingne d'fháil alos gach púint de thobac nea-dhéanta do gheobhaidh an duine sin agus ar ar híocadh an diúité forchuirtear leis an alt so agus nár híocadh aon lacáiste fén alt so ina thaobh roimhe sin.

Sa bhfo-alt so—

(i) cialluíonn an abairt “comhnathóir Éireannach” duine gur i Saorstát Éireann a bhíonn sé ina chomhnaí do ghnáth agus is duine do rugadh in Éirinn no is duine cloinne tuismitheoirí gur in Éirinn a rugadh iad araon; agus

(ii) cialluíonn an abairt “cuideachta d'únaerí Eireannacha” cuideachta gur comhnathóirí Eireannacha furmhór a scair-shealbhóirí, agus seilbh ag an bhfurmhór san eatorra ar scaireanna gur mó is fiú an t-iomlán acu, do réir ainm-luacha, ná leath an scair-chaipitail atá tugtha amach ag an gcuideachtain sin, agus le n-a ngabhann, ag gnáth-chruinnithe generálta den chuideachtain sin, breis agus leath de chomhacht iomlán vótála na scaireanna uile sa chuideachtain sin le n-a ngabhann vótanna ag na cruinnithe sin.

(4) Ní bheidh aon lacáiste iníoctha fén bhfo-alt deiridh sin roimhe seo den alt so alos aon tobac do gheobhaidh déantóir ceadúnuithe chun é chur fé dhéantóireacht thar ceann duine eile ar coimisiún no ar rí-chíos maran rud é go mbeadh an duine eile sin cáilithe fén bhfo-alt deiridh sin roimhe seo den alt so chun an lacáiste sin d'fháil dá bhfaghadh sé an tobac san chun go gcuirfeadh sé féin fé dhéantóireacht é.

(5) Má taisbeántar gur híocadh an diúité forchuirtear leis an alt so agus ná dearnadh aon lacáiste fé fho-alt (3) den alt so do lomháil agus fós ná fuair an déantóir aon tobac do fásadh i Saorstát Éireann agus atá gan diúité máil do bheith íoctha air, déanfar. fé réir na bhforálacha bhaineann le hais-tarrac do lomháil agus atá sa Sceideal a ghabhann leis an Finance Act, 1904, aistarrac d'íoc do réir na rátaí luaidhtear i gCuid II den Tríú Sceideal a ghabhann leis an Acht so.

(6) Má deintear lacáiste fé fho-alt (3) den alt so do lomháil agus má taisbeántar ná fuair an déantóir aon tobac do fásadh i Saorstát Éireann agus atá gan diúité máil do bheith íoctha air, déanfar, fé réir na bhforálacha bhaineann le hais-tarrac do lomháil agus atá sa Sceideal a ghabhann leis an Finance Act, 1904, ais-tarrac d'íoc do réir na rátaí luaidhtear i gCuid III den Tríú Sceideal a ghabhann leis an Acht so.

(7) Má gheibheann an déantóir tobac do fásadh i Saorstát Éireann agus atá gan diúité máil do bheith íoctha air, déanfar, fé réir na bhforálacha bhaineann le hais-tarrac do lomháil agus atá sa Sceideal a ghabhann leis an Finance Act, 1904, ais-tarrac d'íoc do réir na rátaí ar a gcinnfidh na Coimisinéirí Ioncuim.

(8) Ní bheidh an liúntas a deontar le halt 9 den Finance Act, 1915, iníoctha alos aon tobac a fásfar i Saorstát Éireann sa bhliain 1932 no aon bhliain ina dhiaidh sin.

21. —(1) Déanfar an diúité forchuirtear le halt 8 den Acht Airgid, 1926 ( Uimh. 35 de 1926 ), d'éileamh, do ghearradh, agus d'íoc ar na hearraí uile is ionchurtha fén diúité sin agus a hiomportálfar isteach i Saorstát Éireann an 12adh lá de Bhealtaine, 1932, no dá éis sin, do réir na rátaí seo leanas in ionad an ráta luaidhtear san alt san 8, sé sin le rá:—

(a) ar gach gléas lán-déanta no leath-dhéanta chun teachtaireachtaí no conbharsáidí eile do sheoladh agus do ghlacadh no chun a seolta amháin no chun a nglactha amháin tré aer-thelegraf (le n-a n-áirmhítear aerthelefón) agus ar gach earra gurb é atá sa chuid is mó dhi, dar leis na Coimisinéirí Ioncuim, ná coda d'aon ghléas den tsaghas san agus iad curtha le chéile, méid is có-ionann le caoga per cent. de luach na hearra, agus

(b) ar gach cuid d'aon ghléas den tsaghas san agus ar gach cabhair d'aon ghléas den tsaghas san (ar a n-áirmhítear cásanna, caibinéadaí, agus gabhadáin eile) pe'ca lán-déanta no leath-dhéanta do sna coda agus do sna cabhartha san, méid is có-ionann le trí triochad agus trian per cent. de luach na hearra.

(2) Má cruthuítear chun sástachta na gCoimisinéirí Ioncuim go ndearnadh an diúité forchuirtear leis an alt san 8 den Acht Airgid, 1926 , d'íoc go cuibhe alos aon earra is ionchurtha fén diúité sin agus san do réir na rátaí forchuirtear leis an alt so agus nár húsáideadh an earra san i Saorstát Éireann ach amháin chun críche déantóireachta déanfar ais-tarrac is có-ionann le méid an diúité do híocadh amhlaidh do lomháil ar an earra san no ar aon earraí go dtaisbeánfar gur húsáideadh an earra san chun a ndéanta no a n-ullmahuithe, má deintear an earra no na hearraí sin (pe'ca aca é) d'easportáil mar earra no earraí ceannaíochta no do chur ar bord luinge le húsáid mar stóranna, no do chur i mbanna-stóras le cur ar bord luinge mar stóranna.

22. —(1) I dteanta aon diúité eile is inéilithe, éileofar, gearrfar, agus íocfar ar gach pacáiste a hiomportálfar isteach i Saorstát Éireann an 12adh lá de Bhealtaine, 1932, no dá éis sin, agus ina mbeidh aon tsubstaint le n-a mbaineann an t-alt so—

(a) más do réir mheáchainte a horduítear sna liostaí oifigiúla iomportála an tsubstaint sin d'iontráil ar í d'iomportáil agus má bhíonn meáchaint an phacáiste fé bhun seacht bpúnt, diúité custum do réir na rátaí seo leanas, sé sin le rá:—

(i) maran mó ná dhá phúnt meáchaint an phacáiste— dhá phingin, agus

(ii) in aon chás eile, pingin ar gach púnt no codán de phúnt de mheáchaint an phacáiste;

(b) más do réir tomhais a horduítear sna liostaí oifigiúla iomportála an tsubstaint sin d'iontráil ar í d'iomportáil agus más lugha ná sé piúnt luchtmhaireacht an phacáiste, diúité custum do réir na rátaí seo leanas, sé sin le rá:—

(i) maran mó ná dhá phiúnt luchtmhaireacht an phacáiste—dhá phingin, agus

(ii) in aon chás eile, pingin ar gach piúnt no codán de phiúnt de luchtmhaireacht an phacáiste.

(2) Má bhíonn aon phacáistí is ionchurtha fén diúité forchuirtear leis an alt so i bpacáiste do bheadh ionchurtha fén diúité sin mara mbeadh an fo-alt so, ansan, má deintear an diúité sin d'éileamh agus d'íoc ar na pacáistí sin uile a céad-luaidhtear ní héileofar an diúité sin ar an bpacáiste deiridh sin a luaidhtear.

(3) Ní déanfar an diúité forchuirtear leis an alt so d'éileamh ná do ghearradh ar aon phacáiste ná beidh istigh ann ach sampla trádála bona fide d'aon earra agus a consighneofar sa ghnáthchúrsa trádála chun trádálaí in earraí den tsórt san agus ná beidh le díol.

(4) Pé uair is deimhin leis an Aire Airgid, tar éis do dul i gcomhairle leis an Aire Tionnscail agus Tráchtála, é do bheith beartuithe bona fide ag duine feistisí agus saoráidí do bhunú i Saorstát Éireann chun aon tsubstainte le n-a mbaineann an t-alt so do phacáil i Saorstát Éireann, féadfaidh na Coimisinéirí Ioncuim, le ceadúnas, a údarú don duine sin, aon tráth no tráthanna roimh pé dáta (nách déanaí ná an 12adh lá de Mhí na Samhna, 1932), agus fé réir cólíonadh pé coinníollacha is dóich leis na Coimisinéirí Ioncuim is ceart do luadh sa cheadúnas san, pacáistí ina mbeidh an tsubstaint sin d'iomportáil gan an diúité forchuirtear leis an alt so do bheith íoctha ortha, agus an iomportáil sin do dhéanamh gan teora no í do dhéanamh fé réir gach teorann no aon teorann acu so leanas, sé sin le rá, ná hiomportálfar thar líon áirithe de phacáistí no ná hiomportálfar ach pacáistí de shaghas áirithe no pacáistí de thuise áirithe, fé mar is dóich leis na Coimisinéirí Ioncuim is ceart.

(5) Ní bhainfidh alt 25 den Acht Airgid, 1924 ( Uimh. 27 de 1924 ), leis an diúité forchuirtear leis an alt so agus dá réir sin ní bheidh an muirear minimum a forchuirtear leis an alt san 25 inéilithe alos an diúité sin.

(6) D'ainneoin éinní atá san alt so, ní pacáiste chun crícheanna an ailt seo píosa cáise ná beidh timpeal air ach stán-duilleog agus nách truime ná dhá únsa.

(7) Baineann an t-alt so leis na substaintí seo leanas, sé sin le rá:—

(a) gach saghas bidh (pe'ca ag daoine, ag ainmhithe, no ag éin a bheid le caitheamh) ná heisctear leis an gcéad fho-alt ina dhiaidh seo den alt so; agus

(b) gach saghas dighe ná heisctear leis an gcéad fho-alt ina dhiaidh seo den alt so; agus

(c) cosmaidí; agus

(d) ullmhóidí leighis ná heisctear leis an gcéad fho-alt ina dhiaidh seo den alt so; agus

(e) síolta torthaí, glasraí, no bláthanna.

(8) Ní bhaineann an t-alt so leis na substaintí seo leanas, sé sin le rá:—

(a) torthaí úra, no

(b) anbhruith ina fhliuchán, torthaí, iasc, paist éisc, feoil, no paist feola i mbuidéil, i gcrúscaí, i stáin, no i gcannaí agus iad séaluithe, no

(c) iasc úr a hiomportálfar roimh an 12adh lá de Mhí na Samhna, 1932, no

(d) uiscí mianaigh nádúrtha, no

(e) sérumaí, vacsuíní no ullmhóidí in ampoula, arán, brioscaí agus arbhar do lucht an ghalair chraosaigh, no insulin, no

(f) biadh no deoch nea-meisciúil a prímh-bheartuíodh i gcóir naoidhneán no breoiteachán dar leis na Coimisinéirí Ioncuim.

(9) San alt so cialluíonn an focal “pacáiste” aon bhuidéal, bosca, cártán, clúdach, cuairsceann no gabhadán eile d'aon tsaghas ar bith, agus léireofar tagairtí do mheáchaint phacáiste mar thagairtí do mheáchaint iomlán an phacáiste agus gach a mbeidh istigh ann.

23. —(1) Déanfar diúité custum do réir caoga per cent. de luach na hearra d'éileamh, do ghearradh agus d'íoc ar an íle gheal híodrocarbóin mhinearáil go léir a hiomportálfar isteach i Saorstát Éireann an 12adh lá de Bhealtaine, 1932, no dá éis sin.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so, ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí íle gheal híodrocarbóin mhinearáil do chur sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta tosaíochta.

(3) Má bhíonn aon íle gheal híodrocarbóin mhinearáil ina cuid no ina táthchuid d'aon earraí, déanta no ullamhuithe, a hiomportálfar agus más dóich leis na Coimisinéirí Ioncuim nách meascáin ná cumaisc d'íleacha geala híodrocarbóin minearáil is mó atá sna hearraí sin agus ná fuilid oiriúnach chun iad d'úsáid ná ná fuiltear ar aigne iad d'úsáid in ionad aon íle gile híodrocarbóin minearáil no chun í do bhaint amach ina dhiaidh sin, ní bheidh feidhm ag alt 7 den Finance Act, 1901, maidir leis an íle gheal híodrocarbóin mhinearáil a bheidh sna hearraí sin.

(4) Déanfar, ar aon earraí is ionchurtha fén diúité forchuirtear leis an alt so d'easportáil as Saorstát Éireann no ar iad do chur ar bord luinge no i mbanna-stóras le húsáid mar stóranna luinge, ais-tarrac do lomháil de mhéid is có-ionann le méid an diúité sin a cuirfear ina luighe ar na Coimisinéirí Ioncuim do bheith íoctha alos na n-earraí sin.

(5) Chun crícheanna an ailt seo cialluíonn an abairt “íle gheal híodrocarbóin mhinearáil” íle gheal híodrocarbóin mhinearáil de shan-mheáchaint nách lugha ná .835 agus nách mó ná .950 agus ná fuil a bladhm-phuínte, mar a cinntear é leis an ngléas Pensky-Martens, níos ísle ná 285° Fahr. ná níos aoirde ná 410° Fahr., agus ná fuil a righneacht, mar a cinntear í le Viscomhéadar Redwood Uimh. 1 ag 70° Fahr., níos lugha ná 100 sec. ná níos mó ná 1,000 sec.

24. —(1) Déanfar diúité custum do réir reul an púnt d'éileamh, do ghearradh agus d'íoc ar na hearraí seo leanas a hiomportálfar isteach i Saorstát Éireann an 7adh lá de Mheitheamh, 1932, no dá éis sin, sé sin le rá:—

(a) gach feoil acu so leanas (pe'ca bruithte no nea-bhruithte dhóibh) a hiomportálfar aon tráth áirithe i gcand aíochtaí is mó ná deich bpúint, sé sin le rá, mairtfheoil, laoighfheoil, caoirfheoil, agus uainfheoil, ach gan aon fheoil acu san a hiomportálfar i ngabhadáin séaluithe d'áireamh ná fós aon tsugh ná smior ná a leithéidí d'ullmhóidí as aon fheoil den tsórt san; agus

(b) na héanlaithe clóis marbha uile agus na héanlaithe fiadhaine marbha uile (pe'ca bruithte no nea-bhruithte dhóibh) a bheidh le húsáid mar bhia agus a hiomportálfar aon tráth áirithe i gcandaíochtaí ina mbeidh níos mó ná dhá éan, ach gan aon éanlaithe clóis ná éanlaithe fiadhaine den tsórt san a hiomportálfar i ngabhadáin séaluithe d'áireamh ná fós aon tsugh ná smior ná a leithéidí d'ullmhóidí as aon éanlaithe clóis no éanlaithe fiadhaine den tsórt san.

(2) Ní déanfar an diúité forchuirtear leis an alt so d'éileamh ná do ghearradh ar aon earraí go gcuirfear ina luighe ar na Coimisinéirí Ioncuim ina dtaobh ná fuil ionta ach laoighfheoil chuisnithe gan cnámh inti is de thoradh tíre is ball de Náisiúin an Chó-chiníochais Bhriotáinigh agus gur ón tír sin no o aon tír eile den tsórt san do consighníodh í agus ná beidh á hiomportáil ach amháin chun crícheanna déantóireachta i Saorstát Éireann.

(3) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí earraí is ionchurtha fén diúité sin do chur sa Dara Sceideal a ghabhann leis an Acht san, sa liost d'earraí go gcuirtear dhá dtrian den lán-ráta i mbaint leo mar ráta tosaíochta.

25. —(1) San alt so cialluíonn an abairt “diúité siamsa” an diúité máil ar a dtugtar an ainm “entertainments duty” in alt 1 den Finance (New Duties) Act, 1916, agus is inéilithe fén alt san mar a leasuítear é le hachtacháin ina dhiaidh sin ar a n-áirmhítear an t-alt so.

(2) Ar an 30adh lá de Bhealtaine, 1932, agus as san amach, léireofar alt 1 den Finance (New Duties) Act, 1916, agus beidh éifeacht aige fé is dá bhfolódh an focal “entertainment,” mar a mínítear san alt san é, aon dáil rinnce no damhsa agus dá réir sin déanfar diúité siamsa d'éileamh, do ghearradh agus d'íoc, an 30adh lá san de Bhealtaine, 1932, agus as san amach, ar gach íocaíocht chun dul isteach go dtí aon dáil rinnce no damhsa.

(3) Ar an 30adh lá de Bhealtaine, 1932, agus dá éis sin ní déanfar diúité siamsa d'éileamh ná do ghearradh ar aon tsiamsa 'na gcruthófar ina thaobh chun sástachta na gCoimisinéirí Ioncuim gur club atá có-cheangailte go cuibhe le Cumann Lúithchleas Gaedhal no le Cumann Náisiúnta Lúithchleas agus Rothaíochta na hÉireann no atá díreach fé stiúradh ceachtar acu san atá ag cur an tsiamsa ar siúl agus ná fuil ann ar fad ach taisbeántas de gach ceann no d'aon cheann de sna cluichí no de sna spóirt seo leanas, sé sin le rá:—

(a) taisbeántaisí aicillíochta nách gá capaill, madraí, ná ainmhithe eile do bheith á n-úsáid ná páirteach ionta ná feithiclí inneall-ghluaiste do bheith á n-úsáid ionta;

(b) aon chluichí no spóirt gur gnáth beirt daoine no níos mó no dhá fhuirinn no níos mó de dhaoine á n-imirt no ag iomaidh ionta agus san amuich fén spéir agus nách gá capaill, madraí, ná ainmhithe eile do bheith á n-úsáid ná páirteach ionta ná feithiclí inneall-ghluaiste do bheith á n-úsáid ionta.

(4) Ní déanfar diúité siamsa d'éileamh ná do ghearradh ar aon tsiamsa 'na geruthófar ina thaobh chun sástachta na gCoimisinéirí Ioncuim ná fuil ann ar fad ach coimhlintí con go ndeintear i ngach coimhlint acu dhá choin do scaoileadh d'iallacha i ndiaidh girrfhéidh bheo.

(5) Ar an gcéad lá de Dheireadh Fomhair, 1932, agus dá éis sin déanfar diúité siamsa d'éileamh, do ghearradh agus d'íoc do réir na rátaí seo leanas in ionad na rátaí atá i bhfeidhm anois, sé sin le rá:—

(6) D'ainneoin éinní atá in aon achtachán eile no sa bhfo-alt deiridh sin roimhe seo den alt so, ní déanfar diúité siamsa d'éileamh ná do ghearradh, an 30adh lá de Bhealtaine, 1932, ná dá éis sin. do réir ráta is mó ná pingin ar aon íocaíocht nách mó ná reul chun dul isteach go dtí siamsa ar bith 'na gcruthófar ina thaobh chun sástachta na gCoimisinéirí Ioncuim ná fuil ann ar fad ach taisbeántas cluiche gur gnáth dhá fhuirinn daoine á himirt agus san amuich fén spéir agus nách gá capaill, madraí, ná ainmhithe eile do bheith á n-úsáid ná páirteach ann ná feithiclí inneall-ghluaiste do bheith á n-úsáid ann.

26. —Más mó ná deich bpúint an luacháil, do rinneadh fé dhlí na mbocht, ar an áitreabh dá ndéanfaidh deighleálaí no díoltóir tobac agus snaoise ceadúnas fé alt 2 den Excise Licences Act, 1825, do thógaint amach, no dá mbeidh an ceadúnas san aige, éileofar, gearrfar, agus íocfar, an 6adh lá d'Iúl, 1932, agus ón lá san amach, agus i dteanta an diúité mháil is iníoctha ar an gceadúnas san anois, diúité máil a déanfar amach do réir na bhforálacha so leanas, sé sin le rá:—

(a) más rud é gur áit chomhnaithe an t-áitreabh le n-a mbaineann an ceadúnas san agus ná húsáidtear aon chuid de mar mhonarcha ná mar shiopa agus ná díoltar tobac ná snaois san áitreabh san fén gceadúnas san ach tré aon fhearas amháin is meaisín féin-oibritheach no is gléas eile meceaniciúil agus tríd an aon fhearas amháin sin, isé méid a bheidh sa diúité máil sin (fé réir na teorann a luaidhtear anso ina dhiaidh seo) ná méid is có-ionann le leath d'aon per cent. den bhreis atá ag luacháil an áitreibh sin fé dhlí na mbocht ar dheich bpúint;

(b) i ngach cás eile, isé méid a bheidh sa diúité máil sin (fé réir na teorann a luaidhtear anso ina dhiaidh seo) ná méid is có-ionann le haon per cent. den bhreis atá ag luacháil an áitreibh sin fé dhlí na mbocht ar dheich bpúint;

(c) an diúité máil is iníoctha anois agus an diúité máil sa bhreis a forchuirtear leis an alt so, ní mó ná deich bpúint a bheidh a suim san le chéile is inéilithe alos aon cheadúnais áirithe den tsórt san.

27. —(1) Déanfar diúité máil d'éileamh, do ghearradh, agus d'íoc ar gach ceadúnas (dá ngairmtear ceadúnas iasachtaí airgid san alt so), chun gníomhú agus chun gnótha do dhéanamh mar iasachtaí airgid, do bhéarfar amach fé Acht ar bith do ritheadh no a rithfear i rith na bliana airgeadais dar tosach an 1adh lá d'Abrán, 1932, diúité máil a bheidh do réir na rátaí seo leanas, sé sin le rá:—

(a) ar cheadúnas iasachtaí airgid a raghaidh in éag an 31adh lá d'Iúl. 1933—deich bpúint;

(b) ar cheadúnas iasachtaí airgid a raghaidh in éag an 31adh lá d'Iúl bliain ar bith ach an bhliain 1933 agus a tógfar amach laistigh de shé mhí roimh dhul in éag do amhlaidh—deich bpúint;

(c) ar aon cheadúnas eile iasachtaí airgid—cúig púint déag.

(2) Má bhíonn beirt daoine no níos mó ag déanamh gnótha mar iasachtaithe airgid i bpáirtnéireacht agus má dheineann na daoine sin ceadúnaisí iasachtaí airgid do thógaint amach alos an áitreibh no na n-áitreabh uile ina mbeid ag déanamh gnótha amhlaidh i bpáirtnéireacht, déanfaidh na Coimisinéirí Ioncuim maitheamh no, má bhíonn an diúité íoctha, aisíoc do thabhairt don pháirtnéireacht san—

(a) i gcás gan an gnó san do bheith á dhéanamh amhlaidh ach in aon áitreabh amháin, i suim is có-ionann leis an diúité iomlán ar gach ceann ach aon cheann amháin de sna ceadúnaisí iasachtaí airgid a thógfaidh na daoine sin amach amhlaidh alos an áitreibh sin, no

(b) i gcás an ghnótha san do bheith á dhéanamh amhlaidh i dhá n-áitreabh no níos mó, i suim is có-ionann leis an diúité iomlán ar gach ceadúnas iasachtaí airgid a thógfaidh na daoine sin amach amhlaidh alos aon áitreibh acu san de bhreis ar aon cheadúnas amháin den tsórt san in aghaidh gach áitreibh fé leith acu san.

(3) Má cruthuítear chun sástachta na gCoimisinéirí Ioncuim ceadúnas máil do bheith i bhfeidhm chun gnótha geall-bhrócaera do dhéanamh in aon áitreabh go ndéanfaidh an duine no na daoine dheineann an gnó san ceadúnas no ceadúnaisí iasachtaí airgid do thógaint amach ina thaobh, déanfaidh na Coimisinéirí Ioncuim—

(a) i gcás ná tógfar amach amhlaidh ach aon cheadúnas amháin iasachtaí airgid den tsórt san, maitheamh no, má bhíonn an diúité íoctha, aisíoc do thabhairt i leath an diúité ar an gceadúnas san, agus

(b) i gcás ina dtógfar amach amhlaidh dhá cheadúnas iasachtaí airgid den tsórt san no níos mó, maitheamh no, má bhíonn an diúité íoctha, aisíoc do thabhairt i leath an diúité ar pé ceadúnas acu san is túisce tógfar amach.

28. —Scuirfear. an 31adh lá de Bhealtaine, 1932. agus as san amach. de sna diúitéthe breise custum agus de sna diúitéthe breise máil a forchuirtear le halt 6 den Acht Airgid, 1931 ( Uimh. 31 de 1931 ), d'éileamh no do ghearradh.

29. —Déanfar, an 31adh lá de Bhealtaine, 1932, agus as san amach, na diúitéthe custum a forchuirtear le halt 8 den Acht Airgid, 1931 ( Uimh. 31 de 1931 ), d'éileamh, do ghearradh, agus d'íoc do réir na rátaí seo leanas in ionad na rátaí luaidhtear san alt san 8, sé sin le rá:—

(a) más do réir mheáchainte a horduítear sna liostaí oifigiúla iomportála na hearraí d'iontráil ar iad d'iomportáil, do réir pingne agus feoirlinge an púnt, agus

(b) más do réir tomhais a horduítear sna liostaí oifigiúla iomportála na hearraí d'iontráil ar iad d'iomportáil, do réir scillinge an galún.

30. —(1) Déanfar na diúitéthe máil is inéilithe fé alt 13 den Finance Act, 1920, ar na feithiclí inneall-ghluaiste luaidhtear sa Cheathrú Sceideal a ghabhann leis an Acht so, d'éileamh, do ghearradh, agus d'íoc, an 1adh lá d'Iúl, 1932, agus as san amach, do réir na rátaí luaidhtear sa Cheathrú Sceideal san in ionad na rátaí luaidhtear sa Chúigiú Sceideal a ghabhann leis an Acht Airgid, 1929 (Uimh. 32 de 1929) .

(2) Beidh éifeacht ag fo-ailt (3) agus (5) d'alt 20 den Acht Airgid, 1926 , an 1adh lá d'Iúl, 1932, agus as san amach, fé is dá mba rátaí luaidhtear sa Tríú Sceideal a ghabhann leis an Acht san na rátaí diúité luaidhtear sa Cheathrú Sceideal a ghabhann leis an Acht so.

(3) I gcás ceadúnais do tógadh amach fé alt 13 den Finance Act, 1920, alos feithicle inneall-ghluaiste de shaghas a luaidhtear sa Cheathrú Sceideal a ghabhann leis an Acht so, agus a bheidh i bhfeidhm an 30adh lá de Mheitheamh, 1932, ach ná raghaidh in éag go dtí tar éis an lae sin, no do tógadh amach roimh an Acht so do rith in aghaidh tréimhse dar tosach an 1adh lá d'Iúl, 1932. no lá éigin dá éis sin, aisíocfar leis an duine sin an méid a bheidh an diúité do híocadh fén alt san 13 alos na feithicle sin. agus an ceadúnas san á thógaint amach, ina bhreis ar an diúité is inéilithe, ag féachaint d'fhorálacha an ailt seo, alos na feithicle sin in aghaidh na tréimhse gur ina haghaidh do tógadh amach an ceadúnas san.

(4) Cuirfear leis na crícheanna agus beidh mar chuid de sna crícheanna chun a bhféadfar rialacháin do dhéanamh fé alt 12 den Roads Act, 1920. na crícheanna so leanas, sé sin le rá:—

(a) chun a ordú conus a déanfar amach, chun crícheanna an ailt seo agus an Cheathrú Sceidil a ghabhann leis an Acht so, an méid ionad suidhte atá i ngach saghas no in aon tsaghas de sna feithiclí inneall-ghluaiste a luaidhtear sa Cheathrú Sceideal san, agus

(b) chun socruithe do dhéanamh chun aon diúité d'aisíoc go ndlightear fén alt so é d'aisíoc, agus

(c) chun socruithe do dhéanamah i gcóir gach ní no éinní tharlóidh toisc gur i rith bliana ceadúcháin a raghaidh na hatharuithe deintear leis an alt so ar na rátaí diúité in éifeacht.

31. —(1) Ní déanfar an diúité is inéilithe fé alt 19 den Acht Airgid, 1924 ( Uimh. 27 de 1924 ), ná an diúité sin mar do hatharuíodh é fén Acht Diúitéthe Custum (Gearradh Sealadach), 1931 (Uimh. 38 de 1931) , ná aon diúité do forchuireadh no a forchuirfear in ionad an diúité sin le haon Acht do ritheadh no a rithfear sa bhliain airgeadais dar tosach an 1adh lá d'Abrán, 1932, d'éileamh ná do ghearradh ar aon earra acu so leanas a hiomportálfar isteach i Saorstát Éireann an 23adh lá d'Abrán, 1932, no dá éis sin, sé sin le rá:—

(a) bróga agus bróga ísle de shaghas ar bith i gcóir naoidhneán agus de thuise ar bith o 0 go 6 (go huile), agus

(b) buinn chúmtha (pe'ca iomlán no ina gcoda dhóibh), sála cúmtha (pe'ca iomlán no ina gcoda dhóibh), agus uachtair chúmtha i gcóir naoidhneán agus de thuise ar bith o 0 go 6 (go huile), agus

(c) buinn chúmtha (pe'ca iomlán no ina gcoda dhóibh), sála cúmtha (pe'ca iomlán no ina gcoda dhóibh), agus uachtair chúmtha, i gcóir leanbhaí óga agus de thuise ar bith o 7 go 1 (go huile), a hiomportálfar isteach i Saorstát Éireann roimh an 23adh lá de Dheireadh Fomhair, 1932.

(2) Aisíocfar diúité ar bith do híocadh roimh an Acht so do rith ar aon earra saortar de bhuadh an ailt seo ón diúité sin.

32. —Pé uair is deimhin leis an Aire Airgid, tar éis do dul i gcomhairle leis an Aire Tionnscail agus Tráchtála, gur gá do dhuine ar bith aon choda de bhróga, de bhróga ísle, de shlipéidí, de gholaisí, d'asa no de phaitíní d'iomportáil isteach i Saorstát Éireann roimh an 1adh lá d'Iúl, 1933, chun iad d'úsáid chun bróga, bróga ísle, slipéidí, golaisí, asa, no paitíní (pe'ca aca é) do dhéanamh i Saorstát Éireann, féadfaidh na Coimisinéirí Ioncuim, le ceadúnas, a údarú don duine sin, fé réir cólíonadh pé coinníollacha is oiriúnach leis na Coimisinéirí Ioncuim d'fhorchur, na coda san d'iomportáil roimh an dáta san (gan teora no fé réir srianta, maidir le candaíocht, le saghas, no le héinní eile, fé mar is dóich leis na Coimisinéirí Ioncuim is ceart) gan an diúité is inéilithe fé alt 19 den Acht Airgid, 1924 ( Uimh. 27 de 1924 ), do bheith íoctha ortha, ná an diúité sin mar do hatharuíodh é fén Acht Diúitéthe Custum (Gearradh Sealadach), 1931 (Uimh. 38 de 1931), ná aon diúité do forchuireadh no a forchuirfear in ionad an diúité sin le haon Acht do ritheadh no a rithfear sa bhliain airgeadais dar tosach an 1adh lá d'Abrán, 1932.

33. —(1) Déanfar an diúité forchuirtear le halt 11 den Acht Airgid, 1928 ( Uimh. 11 de 1928 ), mar a leasuítear é le hachtacháin ina dhiaidh sin, d'éileamh, do ghearradh, agus d'íoc ar na hearraí seo leanas do réir ráta is có-ionann le cúig déag per cent. de luach na hearra in ionad an ráta luaidhtear san alt san 11, sé sin le rá:—

Ar gach chassis gluaisteáin iomportálfaidh trádálaí gluaisteán an 6adh lá de Bhealtaine, 1932, no dá éis sin, agus roimh an 7adh lá de Lúnasa, 1932, chun é do dhíol agus a hiomportálfar amhlaidh mar chuid de ghluaisteán iomlán gurb é tá ann, dar leis na Coimisinéirí Ioncuim, le linn é d'iomportáil ná gluaisteán nua atá déanta, ceaptha, agus beartuithe chun daoine d'iompar ar shlí eile seachas ar luach saothair.

(2) Bainfidh forálacha ailt 8 den Finance Act, 1919, leis an diúité is inéilithe fén bhfo-alt san roimhe seo den alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí na hearraí luaidhtear sa bhfo-alt san do chur sa Dara Sceideal a ghabhann leis an Acht san, sa liost d'earraí go gcuirtear dhá dtrian den lán-ráta i mbaint ieo mar ráta tosaíochta.

(3) Ní déanfar an diúité forchuirtear le halt 11 den Acht Airgid, 1928 ( Uimh. 11 de 1928 ), mar a leasuítear é le hachtacháin ina dhiaidh sin, d'éileamh ná do ghearradh ar aon earra acu so leanas a hiomportálfar isteach i Saorstát Éireann an 6adh lá de Bhealtaine, 1932, no dá éis sin, sé sin le rá:—

Coda de chabhla gluaisteáin agus cabhartha do chabhla gluaisteáin ná fuil, dar leis na Coimisinéirí Ioncuim, ina gcur le chéile, iomlán no leathrannach, de sna coda no de sna cabhartha san le linn iad d'iomportáil.

(4) Pé uair is deimhin leis na Coimisinéirí Ioncuim, i dtaobh gluaisteáin a bheidh á iomportáil isteach i Saorstát Éireann an 6adh lá de Bhealtaine, 1932, no dá éis sin agus atá dar leo déanta agus ceaptha chun daoine d'iompar—

(a) gur thosnuigh iomportálaí an ghluaisteáin sin laistigh de shé mhí roimh é d'iomportáil ar bheith ina chomhnaí i Saorstát Éireann no go bhfuil beartuithe aige bona fide tosnú ar bheith ina chomhnaí i Saorstát Éireann laistigh de shé mhí tar éis na hiomportála san agus, i gceachtar cás, go bhfuil beartuithe aige bona fide buan-chomhnaí do dhéanamh i Saorstát Éireann, agus

(b) go raibh an gluaisteán san in úsáid roimhe sin (ar shlí eile seachas chun daoine d'iompar ar luach saothair) ag an iomportálaí no ag á líntighe no ag á theaghlach, agus

(c) gur chun é bheith á úsáid (ar shlí eile seachas chun daoine d'iompar ar luach saothair) i Saorstát Éireann ag an iomportálaí no ag á líntighe no ag á theaghlach atá an gluaisteán san á iomportáil,

féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an gluaisteán san d'iomportáil gan an diúité forchuirtear le halt 11 den Acht Airgid, 1928 ( Uimh. 11 de 1928 ), mar a leasuítear é le hachtacháin ina dhiaidh sin do bheith íoctha air, ná an diúité sin mar do hatharuíodh é fén Acht Diúitéthe Custum (Gearradh Sealadach), 1931 (Uimh. 38 de 1931) , no le haon Acht do ritheadh no a rithfear sa bhliain airgeadais dar tosach an 1adh lá d'Abrán, 1932.

(5) Aisíocfar diúité ar bith do híocadh roimh an Acht so do rith agus atá, de bhuadh an ailt seo, gan bheith inéilithe.

34. —(1) Beidh éifeacht ag na forálacha so leanas maidir leis na diúitéthe le n-a mbaineann an t-alt so, sé sin le rá:—

(a) ní bheidh na diúitéthe sin inéilithe ná inghearrtha ar aon earra fhighte bheidh déanta i bpáirt no go hiomlán d'olainn no d'olainn snáth-dhúbalta agus a hiomportálfar isteach i Saorstát Éireann tar éis an 18adh lá de Bhealtaine, 1932, agus gur cuid í, le linn a hiomportála, d'éadach chumaiscthe go ndearnadh, roimh é d'iomportáil, é do chur no aon chuid de do chur fé oibriú do rinne do-fhlichte é;

(b) pé uair is deimhin leis an Aire Airgid, tar éis do dul i gcomhairle leis an Aire Tionnscail agus Tráchtála, gur gá do dhéantóir hataí agus caipíní aon earra fhighte bheidh déanta i bpáirt no go hiomlán d'olainn no d'olainn snáth-dhúbalta d'iomportáil isteach i Saorstát Éireann chun iad d'úsáid chun hataí agus caipíní no ceachtar acu do dhéanamh i Saorstát Éireann. féadfaidh na Coimisinéirí Ioncuim, le ceadúnas, a údarú don déantóir sin, fé réir cólíonadh pé coinníollacha is oiriúnach leo do luadh sa cheadúnas san, earraí fighte bheidh déanta i bpáirt no go hiomlán d'olainn no d'olainn snáth-dhúbalta no aon tsaghas no saghsanna áirithe earraí fighte den tsórt san d'iomportáil gan na diúitéthe sin do bheith íoctha ortha agus an iomportáil sin do dhéanamh gan teora maidir le n-a ham ná le n-a méid no go pé teoranta maidir le n-a ham agus le n-a méid no maidir le ceachtar acu is oiriúnach leis na Coimisinéirí Ioncuim do luadh sa cheadúnas san;

(c) pé uair is deimhin leis na Coimisinéirí Ioncuim gurb é atá in aon earra fighte dob ionchurtha fé aon cheann de sna diúitéthe sin mara mbeadh an fhoráil seo ná—

(i) feilt no abhar plainceudaí agus go bhfuil sí oiriúnach chun í d'úsáid, agus ná fuil sí le húsáid ach amháin, in oibriú bhaineann le tionnscal eile seachas plainceudaí, súsaí, baill éadaigh no cóir ghléasta phearsanta do dhéanamh, no

(ii) abhar plainceudaí atá á iomportáil, chun go n-úsáidfeadh an t-iomportálaí féin é chun baill éadaigh no cóir ghléasta phearsanta do dhéanamh i Saorstát Éireann chun iad d'easportáil, fé chonnradh le n-a bhforáltar an t-abhar plainceudaí sin do chur ar fáil don iomportálaí sin chun é d'úsáid chun na rudaí sin do dhéanamh,

féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'ordú, a cheadú an earra fhighte sin d'iomportáil gan aon cheann de sna diúitéthe sin do bheith íoctha uirthi.

(2) Aisíocfar diúité ar bith do híocadh roimh an Acht so do rith agus atá, de bhuadh an ailt seo, gan bheith inéilithe.

(3) Baineann an t-alt so leis na diúitéthe seo leanas, sé sin le rá:—

(a) an diúité is inéilithe fé alt 1 den Acht Airgid (Diúitéthe Custum agus Stampa), 1929 ( Uimh. 5 de 1929 ), mar a leasuítear é le hachtacháin ina dhiaidh sin, ar earraí fighte do bhí déanta i bpáirt no go hiomlán d'olainn no d'olainn snáth-dhúbalta;

(b) an diúité sin mar do hatharuíodh é fén Acht Diúitéthe Custum (Gearradh Sealadach), 1931 (Uimh. 38 de 1931) ;

(c) aon diúité do forchuireadh no a forchuirfear, in ionad na ndiúitéthe luaidhtear sna míreanna san roimhe seo den fho-alt so, le haon Acht do ritheadh no a rithfear sa bhliain airgeadais dar tosach an 1adh lá d'Abrán, 1932;

(d) aon diúité do forchuireadh no a forchuirfear, fén Acht Diúitéthe Custum (Gearradh Sealadach), 1931 , no le haon Acht do ritheadh no a rithfear sa bhliain airgeadais dar tosach an 1adh lá d'Abrán, 1932. ar aon earraí fighte do bhí no a bheidh déanta i bpáirt no go hiomlán d'olainn no d'olainn snáth-dhúbalta.

35. —Féadfaidh na Coimisinéirí Ioncuim a ordú go mbeidh gach ceann na aon chinn áirithe de sna forálacha den Spirits Act, 1880. a bhaineann le biotáille do thógaint as áitreabh stilleuraí, no as áitreabh ceartuitheora, deighleálaí, no miondíoltóra biotáille no as banna-stóras, go mbeid san, fé réir cólíonadh pé coinníollacha is dóich leis na Coimisinéirí Ioncuim is ceart d'fhorchur, gan aon fheidhm ar bith acu, no gan feidhm acu ach fé réir atharuithe áirithe, maidir le haon daoine áirithe no aicme áirithe daoine.

36. —Má cuirtear ina luighe ar na Coimisinéirí Ioncuim, maidir le haon bhiotáille gheal a bheidh á hiomportáil isteach i Saorstát Éireann, go bhfuil sí le húsáid in aon dathú no glanadh earraí fíodóireachta bhíonn ar siúl mar chéird, féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an bhiotáille gheal san d'iomportáil gan an diúité forchuirtear le halt 5 den Acht Airgid, 1931 ( Uimh. 31 de 1931 ), do bheith íoctha uirthi.

37. —(1) Déanfaidh na Coimisinéirí Ioncuim clár (dá ngairmtear an Clár san alt so) ar a dtabharfar an Clár de Longlanna do bhunú agus do choimeád ar siúl i pé fuirm is dóich leo is ceart. agus cuirfid síos sa Chlár san gach ní ceangailtear ortha leis an alt so do chur síos ann.

(2) Pé uair a bheidh áitreabh ar bith á úsáid chun long do dhéanamh, do dheisiú no d'ath-fheistiú ann, féadfaidh an té go mbeidh san ar siúl aige san áitreabh san a iarraidh ar na Coimisinéirí Ioncuim an t-áitreabh san do chlárú sa Chlár agus. ar bheith sásta dhóibh go bhfuil an t-áitreabh san á úsáid chun na críche sin agus ar an duine sin d'íoc pé táille (más aon cheann é) ordóidh an tAire Airgid, déanfaidh na Coimisinéirí Ioncuim an t-áitreabh san do chlárú sa Chlár dá réir sin.

(3) Pé uair is deimhin leis na Coimisinéirí Ioncuim, maidir le haon áitreabh a bheidh cláruithe sa Chlár go bhfuiltear tar éis scur de bheith á úsáid chun long do dhéanamh, do dheisiú no d'ath-fheistiú ann, féadfaid an t-áitreabh san do scriosadh as an gClár.

(4) Pé uair a déanfar aon earraí is ionchurtha fé dhiúité custum a forchuirtear leis an Acht so no le haon Acht eile (pe'ca roimh an Acht so no ina dhiaidh do rithcadh é) d'iomportáil isteach i Saorstát Éireann agus iad consighnithe díreach chun áitreibh a bheidh cláruithe sa Chlár agus is deimhin leis na Coimisinéirí Ioncuim gur chun iad d'úsáid chun long do dhéanamh, do dheisiú no d'ath-fheistiú san áitreabh san atá na hearraí sin á n-iomportáil amhlaidh, féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú na hearraí sin d'iomportáil gan diúité do bheith íoctha ortha.

(5) Pé uair a bheidh aon earraí á dtabhairt o aon áit i Saorstát Éireann isteach in áitreabh a bheidh cláruithe sa Chlár agus is deimhin leis na Comisinéirí Ioncuim gur chun iad d'úsáid chun long do dhéanamh, do dheisiú no d'ath-fheistiú san áitreabh san atá na hearraí sin á dtabhairt isteach ann, féadfaidh na Coimisinéirí Ioncuim, fé réir cólíonadh pé coinníollacha is ciriúnach lco d'fhorchur, deighleáil leis na hearraí sin, chun críche na bhforálacha de sna hAchtanna Custum a bhaineann le hais-tarrac, fé is dá mba earraí iad do heasportáladh amach as Saorstát Éireann.

(6) Gan dochar do gheneráltacht na gcomhacht chun coinníollacha d'fhorchur a bronntar ar na Coimisinéirí Ioncuim leis an ait so. féadfar aon choinníollacha forchuirfear amhlaidh do cheapadh i slí go gcuirfear in áirithe gur chun long do dhéanamh. do dheisiú no d'ath-fheistiú in áitreabh atá cláruithe sa Chlár a húsáidfear na hearraí le n-a mbaineann na coinníollacha san.

38. —Pé uair is deimhin leis na Coimisinéirí Ioncuim gur chuige atá iomportáil á dhéanamh ar aon earra no earraí is ionchurtha fé dhiúité chustum ná chun an chéanna do dhul fé oibriú déantóircachta i Saorstát Éireann agus chun é d'easportáil ina dhiaidh sin no chun go ndéanfaí i Saorstát Éireann é do chur isteach i dteanta earraí cile mar chuid no mar tháthchuid de ní dhéanta bheidh le heasportáil, féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an earra no na hearraí sin (pe'ca aca é) d'iomportáil gan diúité do bheith íoctha uirthi no ortha.

39. —Tuigfear forálacha alt 12 agus 13 den Finance (No. 2) Act, 1915, mar a leasuítear iad le hachtacháin ina dhiaidh sin, do bhaint riamh leis an diúité forchuirtear le fo-alt (2) d'alt 10 den Acht Airgid, 1931 ( Uimh. 31 de 1931 ), chó hiomlán is do bhaineadar leis na diúitéthe nua iomportála buanuítear le fo-alt (1) den alt san 10.

40. —Pé uair is deimhin leis an Aire Airgid, tar éis do dul i gcomhairle leis an Aire Tionnscail agus Tráchtála. gur gá do dhuine bhíonn ag gabháil do ghnó na súdaireachta i Saorstát Éireann aon earraí is ionchurtha fé aon diúité dá bhforchuirtear le halt 21 den Acht Airgid. 1928 ( Uimh. 11 de 1928 ), no fén diúité forchuirtear le halt 8 den Acht Airgid, 1931 ( Uimh. 31 de 1931 ). mar a leasuítear é leis an Acht so, d'iomportáil chun iad d'úsáid sa ghnó san i Saorstát Éireann, agus ná fuilid le fáil no nách deallrathach go mbeid le fáil i Saorstát Éireann. féadfaidh na Coimisinéirí Ioncuim, le ceadúnas. a údarú don duine sin. fé réir cólíonadh pé coinníollacha is oiriúnach leo d'fhorchur. na hearraí sin d'iomportáil gan na diúitéthe sin no gan aon cheann áirithe acu do bheith íoctha ortha agus an iomportáil sin do dhéanamh gan teora maidir le n-a ham no le n-a méid no maidir le ceachtar acu. no go dteora áirithe maidir le n-a ham no le n-a méid, fé mar is dóich leis na Coimisinéirí Ioncuim is ceart.

41. —Má dheineann éinne ghrúduíonn beoir chun a dhíolta a chur ina luighe ar na Coimisinéirí Ioncuim, maidir leis an mbeoir go léir is ionchurtha fé dhiúité agus do ghrúduigh sé an bhliain dar thosach an 1adh lá d'Iúl, 1932, no an bhliain dar thosach aon ladh lá d'Iúl ina dhiaidh sin, gur i Saorstát Éireann do brachadh no do róstadh ceithre fichid per cent. ar a luighead den arbhar do húsáideadh chun na beorach san do ghrúdú, beidh an grúdaire sin i dteideal lacáiste do réir chúig scillinge an bairille caighdeánach d'fháil ar an gcéad chúig mhíle bairille caighdeánach den bheoir sin do ghrúduigh sé an bhliain sin.

42. —Más deimhin leis na Coimisinéirí Ioncuim, maidir le haon earra is ionchurtha fé dhiúité chustum a forchuirtear leis an Acht so no le haon Acht cile (pe'ca roimh an Acht so no ina dhiaidh do ritheadh é)—

(a) gur thosnuigh iomportálaí na hearra san laistigh de shé mhí roimh í d'iomportáil ar bheith ina chomhnaí i Saorstát Éireann no go bhfuil beartuithe aige bona fide tosnú ar bheith ina chomhnaí i Saorstát Éireann laistigh de shé mhí tar éis na hiomportála san agus, i gceachtar cás, go bhfuil beartuithe aige bona fide buan-chomhnaí do dhéanamh i Saorstát Éireann, agus

(b) go raibh an earra san in úsáid roimhe sin ag an iomportálaí no ag á líntighe no ag á theaghlach, no go raibh sí in úsáid roimhe sin (ar shlí eile seachas mar stoc trádála no mar stoc, déanta no leath-dhéanta, chun a dhíolta no mar abhar, táthchuid, no cuid chun stuic den tsórt san do dhéanamh) ag an iomportálaí i gcóir a chéirde no a ghnótha, agus

(c) gur chun í bheith á húsáid ag an iomportálaí no ag á líntighe no ag á theaghlach, no chun í bheith á húsáid (ar shlí eile seachas mar adubhradh) ag an iomportálaí i gcóir a chéirde no a ghnótha, atá an earra san á hiomportáil isteach i Saorstát Éireann.

féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an earra san d'iomportáil gan diúité do bheith íoctha uirthi.

43. —Bainfidh alt 10 den Finance Act, 1901, mar a leasuítear é le halt 7 den Finance Act, 1902, bainfe sé, ón 12adh lá de Bhealtaine, 1932, amach le connradh chun aon earra do dhéanamh, chun aon déanmhais do thógáil, no chun aon oibre do dhéanamh agus chun gach abhair no aon abhair do sholáthar is gá chun na hearra, an déanmhais, no na hoibre sin do chumadh no is gá a chur isteach sa chéanna agus, chun crícheanna na bainte sin, léireofar tagairtí san alt san 10 d'earraí do sheachadadh mar thagairtí fholuíonn an earra, an déanmhas, no an obair sin do chumadh as abhair no abhair do chur isteach sa chéanna.

44. —Tuigfear gurb é is luach d'aon earra no earraí chun crícheanna na Coda so den Acht so agus an Chéad Sceidil agus an Dara Sceidil a ghabhann leis an Acht so ná an praghas do bhéarfadh iomportálaí ar an earra no ar na hearraí dá ndeintí an earra no na hearraí do sheachadadh fé bhanna in áit na hiomportála agus an luach fartha agus an t-árachas íoctha uirthi no ortha, agus ar an luach san, mar a shocróidh na Coimisinéirí Ioncuim é, iscadh a híocfar diúité.

45. —Má dheineann duine ar bith éinní (tré ghníomh no tré fhaillí) is sárú ar choinníoll ar bith a bheidh forchurtha ag na Coimisinéirí Ioncuim fén gCuid seo den Acht so no fén gCéad Sceideal no fén Dara Sceideal a ghabhann leis an Acht so, beidh an duine sin ciontach i gcionta fé sna hAchtanna Custum agus ragha sé fé phionós caogad púnt in aghaidh gach cionta den tsórt san agus déanfar aon earra is ionchurtha fé dhiúité agus gur ina taobh do rinneadh an cionta san do gheallbhruideadh.