|
|||||
|
AN tACHT AIRGEADAIS, 1948
[EN] | ||
[EN] |
CUID IV. Ilghneitheach agus Ginearalta. | |
[EN] |
Airgead d'aistriú as an Ród-Chiste chun an Stát-Chiste. |
13. —D'fhonn airgead a sholáthar faoi chomhair costas ginearálta a bheas le n-íoc as an bPríomh-Chiste, aistreofar chun an Stát-Chiste agus íocfar leis as an Ród-Chiste suim trí chéad míle punt pé tráth nó trátha sa bhliain airgeadais dar críoch an 31ú lá de Mhárta, 1949, agus i pé slí, a ordós an tAire Airgeadais. |
[EN] |
Ús ar thaiscí i mBanc Taisce an Phoist. |
14. —(1) San alt seo, ciallaíonn an focal “taisce” an meid iomlán a bheas de thuras na huaire chun creidiúna do chuntas taisceora i mBanc Taisce an Phoist, ach ní fholaíonn sé airgead a bheas chun creidiúna do bhanc taisce iontaobhais in ainm an Aire Airgeadais i mBanc Taisce an Phoist. |
[EN] | (2) Ar an 1ú lá d'Iúil, 1948, agus dá éis, is é an ráta úis ar thaisce ná a dó go leith faoin gcéad sa bhliain. | |
[EN] | (3) (a) Is é tréimhse íosta a ríomhfar ús ar thaisce ina leith ná mí, agus déanfar an t-ús a ríomh do réir na suime a coimeádadh i dtaisce go leanúnach ar feadh gach mí. | |
[EN] | (b) Chun críocha na míre seo— | |
[EN] | (i) ciallaíonn an focal “mí” aon mhí de na míosa Eanáir go Nollaig, | |
[EN] | (ii) ní tuigthe aon tsuim a bheith arna coimeád i dtaisce go leanúnach ar feadh mí mura raibh sí i dtaisce an lá deireannach den mhí díreach roimhe sin. | |
[EN] | (4) Is é méid íosta de thaisce a ríomhfar ús ina leith ná punt agus ní háireofar aon chuid de thaisce is lú ná punt. | |
[EN] | (5) Chun críocha an ailt seo is tuigthe taisce nó cuid de thaisce a bheith arna tharraingt amach ar dháta eisiúna an bharántais trína mbeartaítear íocaíocht a dhéanamh. | |
[EN] | (6) Faoi réir na bhforál roimhe seo, ríomhfar ús ar thaisce go dtí an 31ú lá de Nollaig gach bliain agus ansin cuirfear leis an mbunairgead é agus beidh sé ina chuid den chéanna. | |
[EN] |
An Ciste Forbartha Idirlinne. |
15. —Is é an 31ú lá de Mhárta, 1949, an dáta is déanaí chun an Ciste Forbartha Idirlinne d'fhorceannadh, in ionad an dáta, an 31ú lá de Nollaig, 1948, a hordaíodh i bhfo-alt (4) d'alt 30 den Acht Airgeadais, 1946 ( Uimh. 15 de 1946 ). |
[EN] |
Athghairm. |
16. —Déantar leis seo gach achtachán a sonraítear i gcolún (2) den Tríú Sceideal a ghabhas leis an Acht seo d'athghairm a mhéid a sonraítear i gcolún (3) amhail ar an dáta a luaitear i gcolún (4) agus uaidh sin amach. |
[EN] |
Orduithe a scor d'éifeacht a bheith acu. |
17. —Scoirfidh gach ordú a sonraítear i gcolún (2) den Cheathrú Sceideal a ghabhas leis an Acht seo d'éifeacht a bheith aige ar an dáta a luaitear i gcolún (3). |
[EN] |
Cúram agus bainistí cánach agus dleacht. |
18. —Cuirtear faoi chúram agus bainistí na gCoimisinéirí Ioncaim leis seo na cánacha agus na dleachta uile a forchuirtear leis an Acht seo. |
[EN] |
Gearrtheideal, léiriú agus tosach feidhme. |
19. —(1) Féadfar an tAcht Airgeadais, 1948 , a ghairm den Acht seo. |
[EN] | (2) Léireofar Cuid I den Acht seo i dteannta na nAcht Cánach Ioncaim. | |
[EN] | (3) Léireofar Cuid II den Acht seo, a mhéid a bhaineas sí le dleachta custam, i dteannta na nAcht Custam agus, a mhéid a bhaineas sí le dleachta máil, léireofar í i dteannta na Reacht a bhaineas leis na dleachta máil agus le bainistí na ndleacht sin. | |
[EN] | (4) Is tuigthe Cuid I den Acht seo a theacht i bhfeidhm an 6ú lá d'Aibreán, 1948, agus beidh éifeacht aici amhail ar an lá sin agus uaidh sin amach. |