|
|||||
|
An Chéad Lch. | Lch. Roimhe Seo (AN tACHT UM RIALÚ IOMLAOIDE, 1954) | Ar Aghaidh (CUID II. Déileáil in Ór agus in Airgeadra Coigríche.) |
AN tACHT UM RIALÚ IOMLAOIDE, 1954
[EN] | ||
[EN] |
CUID I. Réamhráiteach agus Ginearálta. | |
[EN] |
Gearrtheideal. |
1. —Féadfar an tAcht um Rialú Iomlaoide, 1954 , a ghairm den Acht seo. |
[EN] |
Tosach agus ré feidhme. |
2. —(1) Tiocfaidh an tAcht seo i ngníomh pé lá nó laethe a socrófar chuige sin, go ginearálta nó maidir le haon chríoch nó foráil áirithe, le hordú nó le horduithe a dhéanfas an tAire, agus féadfar laethe éagsúla a shocrú amhlaidh chun críocha éagsúla agus i dtaobh forál éagsúla. |
[EN] | (2) Fanfaidh an tAcht seo i ngníomh go dtí an 31ú lá de Nollaig, 1958, agus raghaidh in éag ansin. | |
[EN] |
Léiriú. |
3. —San Acht seo— |
[EN] | ciallaíonn “déileálaí údaraithe” duine a sonraítear sa Chéad Sceideal nó a hordófar faoi alt 31; | |
[EN] | ciallaíonn “taisc-choimeádaí údaraithe” duine a sonraítear sa Dara Sceideal nó a hordófar faoi alt 31; | |
[EN] | ciallaíonn “oifigeach údaraithe” oifigeach inimirce nó comhalta den Gharda Síochána; | |
[EN] | ciallaíonn “deimhniú iomparthóra” deimhniú teidil chun urrús ar féidir trína sheachadadh, faoi fhormhuiniú nó gan formhuiniú, teideal chun na n-urrús d'aistriú; | |
[EN] | ciallaíonn “deimhniú teidil” aon doiciméad (nach admháil ó thaisc-choimeádaí údaraithe ar dhoiciméad a taiseadh) a aithníos nó a bheir teideal nó cearta (iarbhír nó teagmhasach) chun urrús, nó ina bhfuil fianaise ar theideal nó ar chearta den tsórt sin, agus, i gcás aon doiciméid den tsórt sin lena ngabhann cúpóin (pé acu ceangailte den doiciméad dóibh nó ar dhuilleoga cúpón ar leith), folaíonn sé aon chúpóin nár scoitheadh; | |
[EN] | ciallaíonn “tír tionscnaimh”, i gcás táirgí nádúrtha, an tír inar táirgeadh na hearraí agus, i gcás táirgí monaraithe, an tír inar claochlódh iad sa riocht inar tugadh isteach sa Stát iad (gan pacáil, athphacáil, sórtáil ná cumasc d'áireamh mar chlaochchló); | |
[EN] | ciallaíonn “cúpón” cúpón a sheasas do dhíbhinní nó d'ús ar urrús; | |
[EN] | ciallaíonn “airgeadra coigríche” aon airgeadra nó nótaí seachas airgeadra nó nótaí d'eisigh an Rialtas nó a heisíodh faoi dhlí aon choda de na críocha sceidealta, agus folaíonn aon tagairt d'airgeadra coigríche, ach amháin sa mhéid go n-éileoidh an comhthéacs a mhalairt, tagairt d'aon cheart chun airgeadra coigríche d'fháil i leith aon chreidmheasa nó comharduithe i mbanc; | |
[EN] | ciallaíonn “ór” monaí óir nó builleon óir; | |
[EN] | ciallaíonn “an tAire”, faoi réir ailt 28, an tAire Airgeadais; | |
[EN] | ciallaíonn an briathar “ordú” ordú ag an Aire le rialacháin; | |
[EN] | ciallaíonn “clár” aon leabhar, comhad nó treoir ina gcláraítear urrúis; | |
[EN] | folaíonn “clárú” inscríobh; | |
[EN] | ciallaíonn “urrúis fhorcoimeádta” urrúis a sonraítear sa Tríú Sceideal; | |
[EN] | ciallaíonn “na críocha sceidealta”— | |
[EN] | (a) an Stát, | |
[EN] | (b) Tuaisceart Éireann, an Bhreatain Mhór, Inse Mara nIocht agus Oileán Manann, agus | |
[EN] | (c) pé críocha eile a hordófar; | |
[EN] | ciallaíonn “urrúis” scaireanna, stoic, bannaí, bintiúir, stoc bintiúir, aonaid faoi scéim iontaobhais aonad nó scaireanna i rí-chíos ola; | |
[EN] | tá leis an abairt “airgeadra sonraithe” an bhrí a bheirtear di in alt 4; | |
[EN] | ciallaíonn “scéim iontaobhais aonad” aon chomhshocraíocht a rinneadh chun go gcuirfear ar fáil, nó a mbeidh sé d'éifeacht léi go gcuirfear ar fáil, do dhaoine a bhfuil cistí acu le hinfheistiú, saoráidí chun iad a bheith páirteach, mar thairbhithe faoi iontaobhas, i mbrabúis nó in ioncam as aon mhaoin d'fháil, a shealbhú, a bhainistí nó a dhiúscairt; | |
[EN] | ciallaíonn “aonad” maidir le scéim iontaobhais aonad, ceart nó leas is féidir d'fháil faoin scéim. |