|
|||||
|
[EN] | ||
Uimhir 3 de 1960. | ||
[EN] |
ACHT NA bPINSEAN SEIRBHÍSE MÍLEATA (LEASÚ), 1960. | |
[An tiontú oifigiúil.] |
ACHT DO LEASÚ NA nACHTANNA PINSEAN SEIRBHÍSE MÍLEATA, 1924 GO 1953. [9 Márta, 1960.] |
ACHTAÍTEAR AG AN OIREACHTAS MAR LEANAS:— | ||
[EN] |
Pinsin a mhéadú. |
1. —(1) Déanfar pinsean faoi Achtanna na bPinsean Seirbhíse Míleata, 1924 go 1953, a mhéadú sé faoin gcéad. |
[EN] | (2) Beidh éifeacht ag méadú faoin alt seo amhail ó lá tosaithe an phinsin (agus an lá sin a áireamh) nó an lú lá de Lúnasa, 1959, cibé lá acu is déanaí. | |
[EN] | (3) Nuair a fheidhmeofar fo-alt (1) den alt seo i gcás an pinsean a dheonú an lú lá de Lúnasa, 1959, nó dá éis, cinnfear méid an phinsin ar dtús gan aird ar an alt seo agus déanfar an méid sin a mhéadú ansin. | |
[EN] |
Cumhacht chun earráid i dtuarascáil an Réiteora a cheartú. |
2. —(1) Baineann an t-alt seo leis na hiarratais seo a leanas faoi alt 7 d'Acht na bPinsean Seirbhíse Míleata, 1934 , á iarraidh go ndeonófaí deimhnithe seirbhíse: |
[EN] | (a) an t-iarratas d'athscrúdaigh an Réiteoir faoi achainí faoi alt 11 d'Acht na bPinsean Seirbhíse Míleata (Leasú), 1949 (is achainí a fuair an tAire an 18ú lá de Shamhain, 1950, agus a chuir sé chun an Réiteora an lú lá de Nollaig, 1950), agus ar ar thug an Réiteoir tuarascáil don Aire an 30ú lá de Mheán Fómhair, 1958, agus | |
[EN] | (b) an t-iarratas a cuireadh chun an Aire an 7ú lá de Mheán Fómhair, 1953, agus a tharchuir sé chun an Réiteora an 10ú lá de Shamhain, 1953, agus ar ar thug an Réiteoir tuarascáil don Aire an 24ú lá de Mheán Fómhair, 1958. | |
[EN] | (2) Féadfaidh an tAire breitheamh den Chúirt Chuarda nó abhcóide cleachtach a mbeidh ar a laghad seasamh deich mbliana ag an mbarra aige a ainmniú chun scrúdú a dhéanamh ar thaifid an scrúdaithe ag an Réiteoir ar iarratas lena mbaineann an t-alt seo agus más deimhin leis an mbreitheamh nó an t-abhcóide, nuair a dhéanfaidh sé an scrúdú sin, gur bhain earráid don Réiteoir ag leagan amach a chinnte dó ina thuarascáil ar an iarratas féadfaidh sé, le comhthoiliú beirt de chomhaltaí an Choiste Chomhairligh a chabhraigh leis an Réiteoir leis an scrúdú, an earráid a cheartú agus measfar gurb í an tuarascáil, agus í ceartaithe amhlaidh, tuarascáil an Réiteora ar an iarratas. | |
[EN] | (3) Forléireofar an t-alt seo agus Acht na bPinsean Seirbhíse Míleata, 1934 , mar aon ní amháin. | |
[EN] |
Gearrtheideal agus comhlua. |
3. —(1) Féadfar Acht na bPinsean Seirbhíse Míleata (Leasú), 1960 , a ghairm den Acht seo. |
[EN] | (2) Féadfar Achtanna na bPinsean Seirbhíse Míleata, 1924 go 1960, a ghairm d'Achtanna na bPinsean Seirbhíse Míleata, 1924 go 1953, agus den Acht seo le chéile. |