|
|||||
|
An Chéad Lch. | Lch. Roimhe Seo (CUID III Eolas a pháirtiú chun dochair do shlánd áil nó caomhnú an Stáit) |
AN tACHT UM RÚIN OIFIGIÚLA, 1963
[EN] | ||
[EN] |
CUID IV Imeachtaí dlíthiúla agus forálacha forlíontacha | |
[EN] |
Cionta. |
13. —(1) Aon duine a sháróidh aon fhoráil den Acht seo nó a dhéanfaidh iarracht í a shárú, beidh sé, gan dochar d'aon achtachán eile, ciontach i gcion faoin Acht seo. |
[EN] | (2) Féadfar duine a thriail go hachomair in aon chion faoin Acht seo agus ar a chiontú dlífear fíneáil nach mó ná céad punt a chur air nó príosúnacht ar feadh téarma nach faide ná sé mhí nó an fhíneáil sin agus an phríosúnacht sin le chéile. | |
[EN] | (3) Féadfar duine a thriail arna dhíotáil in aon chion faoi alt 9 nó in aon chion faoi Chuid II a rinneadh ar dhóigh ba dhochar do shlándáil nó do chaomhnú an Stáit, agus ar a chiontú dlífear príosúnacht ar feadh téarma nach faide ná dhá bhliain a chur air nó pianseirbhís ar feadh téarma nach faide ná seacht mbliana. | |
[EN] |
Srian le hionchúiseamh. |
14. —(1) Ní thionscnófar imeachtaí i leith aon chiona faoin Acht seo ach amháin ag an Ard-Aighne nó lena thoiliú. |
[EN] | (2) Sula bhfaighfear an toiliú sin, féadfar duine a chúiseofar i gcion faoi alt 9 a ghabháil, nó féadfar barántas chun é a ghabháil a eisiúint agus a fhorghníomhú, agus féadfar é a athchur faoi choimeád nó faoi bhannaí, ach ní fhéadfar in aon chás é a athchur amhlaidh go dtí dáta is déanaí ná ocht lá tar éis a athchurtha den chéad uair, agus ní dhéanfar aon imeachtaí eile go mbeidh an toiliú sin faighte. | |
[EN] |
Gabháil gan bharántas. |
15. —Aon duine a gheofar ag sárú alt 9, nó a mbeidh amhras réasúnach ann é a bheith tar éis, nó iarracht a bheith déanta aige, nó é a bheith ar tí, an t-alt sin a shárú, féadfar é a ghabháil agus a choinneáil ar an dóigh chéanna le duine a fhaightear ag déanamh feileonachta. |
[EN] |
Barántais chuardaigh. 1897, c. 30. |
16. —(1) Ar bheith sásta dó go bhfuil cúis réasúnach ann chun bheith in amhras go bhfuiltear tar éis, nó ar tí, sárú a dhéanamh ar alt 9 féadfaidh breitheamh den Chúirt Dúiche barántas a eisiúint chun aon chomhalta den Gharda Síochána chun aon áitreabh, áit, árthach nó aerárthach a chuardach. |
[EN] | (2) Má bhíonn cúis réasúnach ag comhalta den Gharda Síochána nach ísle céim ná príomhcheannfort chun a chreidiúint gur gá ar mhaithe le leas an Stáit beart a dhéanamh láithreach, féadfaidh sé barántas cuardaigh a eisiúint a beidh ar comhéifeacht le bárantas cuardaigh ó bhreitheamh den Chúirt Dúiche. | |
[EN] | (3) Beidh sé sainráite i mbarántas cuardaigh a eiseofar faoin alt seo go n-údaraíonn sé, agus oibreoidh sé chun a údarú, do chomhalta den Gharda Síochána (nach ísle céim ná cigire) a bheidh ainmnithe sa bharántas, maraon le haon daoine eile a bheidh ainmnithe sa bharántas agus aon chomhaltaí eile den Gharda Síochána, dul isteach, laistigh de sheachtain ó dháta an bharántais agus le forneart más gá sin, in aon áitreabh, áit, árthach nó aerárthach a bheidh ainmnithe sa bharántas agus an céanna agus gach duine a gheofar ann a chuardach agus aon doiciméad nó ní a urghabháil a gheofar ansin nó a gheofar ar aon duine den sórt sin agus a gcreidfidh an comhalta sin go réasúnach gur fianaise é, go díreach nó go neamhdhíreach, ar shárú a bheith déanta nó beartaithe ar alt 9, nó go bhfuil baint aige go díreach nó go neamhdhíreach lena leithéid. | |
[EN] | (4) Féadfaidh comhalta den Gharda Síochána ag gníomhú dó faoi údarás barántais cuardaigh a éisíodh faoin alt seo— | |
[EN] | (a) ainm agus seoladh aon duine a gheofar san áitreabh, san áit, san árthach nó san aerárthach a bheidh ainmnithe sa bharántas a éileamh, agus | |
[EN] | (b) aon duine den sórt sin a dhiúltóidh a ainm agus a sheoladh a thabhairt, nó a thabharfaidh ainm bréige nó seoladh bréige, a ghabháil gan bharántas. | |
[EN] | (5) Féadfar aon doiciméad a urghabhfar faoin alt seo a thógáil agus é a choinneáil fad is cuí leis an Aire Dlí agus Cirt é, agus féadfar aon ní eile a urghabhfar amhlaidh a thógáil agus é a choinneáil, go ceann tréimhse míosa ón dáta a urgabhadh é, nó, má thionscnaítear imeachtaí laistigh den tréimhse sin i leith ciona faoin Acht seo, go dtí go mbeidh deireadh leis an himeachtaí, agus ina dhiaidh sin bainfidh forálacha an Police (Property) Act, 1897, leis an ní a urghabhadh amhlaidh díreach mar a bhaineann an tAcht sin le maoin a tháinig i seilbh an Gharda Síochána sna himthosca a luaitear san Acht sin. | |
[EN] | (6) Gach duine a bhacfaidh comhalta den Gharda Síochána nó duine eile a bheidh ag gníomhú faoi údarás barántais cuardaigh a eisíodh faoin alt seo, beidh sé ciontach i gcion. | |
[EN] |
Eolas a fháil ar chionta amhrais. |
17. —(1) Má bhíonn cúis réasúnach ag oifigeach den Gharda Síochána nach ísle céim ná príomhcheannfort chun bheith in amhras go ndearnadh cion faoi alt 9 agus chun a chreidiúint gur féidir le haon duine áirithe eolas a thabhairt i dtaobh an chiona nó an chiona amhrais, féadfaidh sé cead a iarraidh ar an Aire Dlí agus Cirt chun na cumhachtaí a thugtar leis an bhfo-alt seo a fheidhmiú, agus, má thugtar an cead sin, féadfaidh sé a údarú do chomhalta den Gharda Síochána nach ísle céim ná cigire a cheangal ar an duine a gcreidtear é a bheith ar a chumas eolas a thabhairt aon eolas a thabhairt atá ar a chumas maidir leis an gcion nó leis an gcion amhrais, agus aon duine a gceanglófar air de bhun údaráis den sórt sin eolas a thabhairt agus nach ndéanfaidh de réir mar a cheanglófar air amhlaidh nó a thabharfaidh eolas is feasach dó a bheith bréagach beidh sé ciontach i gcion. |
[EN] | (2) Má bhíonn cúis réasúnach ag aon oifigeach den sórt sin chun a chreidiúint gur gá ar mhaithe le leas an Stáit beart a dhéanamh láithreach, féadfaidh sé na cumhachtaí a thugtar le fo-alt (1) a fheidhmiú gan cead a iarraidh ar an Aire Dlí agus Cirt ná a fháil uaidh, ach má dhéanann sé amhlaidh tuairisceoidh sé na himthosca don Aire láithreach. | |
[EN] |
Cumhacht chun a cheangal go dtabharfar teileagraim ar aird. 1869, c. 73. |
18. —(1) Más é tuairim an Aire Dlí agus Cirt go bhfóireann sé do leas an Stáit é sin a dhéanamh, féadfaidh sé, le barántas faoina láimh, a cheangal ar aon duine a bhfuil ar úinéireacht nó faoina urláimh aige aon chábla nó sreang teileagrafaíochta, nó aon ghaireas le haghaidh raidió-theileagrafaíochta, a úsáidtear chun teilegraim a chur go haon áit, nó a ghlacadh ó aon áit, atá lasmuigh den Stát, go dtabharfaidh sé ar aird dó féin, nó d'aon duine a bheidh ainmnithe sa bharántas, scríbhinní bunaidh agus athscríbhinní na dteileagram go léir, nó na dteileagram d'aon chineál nó saghas a shonrófar, nó na dteileagram a cuireadh ó aon duine nó áit a shonrófar nó a seoladh chun aon duine nó áit a shonrófar, nó a cuireadh go haon áit, nó a glacadh ó aon áit, lasmuigh den Stát, le haon chábla, sreang nó gaireas den sórt sin, agus fós gach páipéar eile a bhainfidh le haon teileagram den sórt sin a dúradh agus déanfaidh an duine sin de réir an cheangail sin. |
[EN] | (2) San alt seo tá an bhrí chéanna le “teileagram” atá le “telegram” sa Telegraph Act, 1869, agus tá an bhrí chéanna le “raidió-theileagrafaíocht” atá le “radio-thelegrafaíocht” san Acht Radio-Thelegrafaíochta, 1926 . |