|
|||||
|
An Chéad Lch. | Lch. Roimhe Seo (CUID IV Cineachadh i gcás Báis agus Titim d'Oidhreacht i gcás Díthiomnachta) | Ar Aghaidh (AN SCEIDEAL AISGHAIRM) |
AN tACHT UM CHLÁRÚ TEIDIL, 1964
[EN] | ||
[EN] |
CUID V Forálacha Ilghnéitheacha | |
[EN] |
Neamhniú coinníollacha áirithe i gconarthaí chun talamh cláraithe a dhíol nó a chur faoi mhuirear. |
115. —Gach coinníoll i gconradh chun talamh cláraithe a dhíol nó a mhuirearú, nó chun muirear cláraithe a aistriú, trína gcoisctear ar an gceannaitheoir nó ar an duine atá le bheith ina mhuirearóir nó ina aistrí (cibé acu é) foréilimh a dhéanamh maidir le hualaí i gcoitinne nó maidir le haon ualach áirithe a bheadh, de bhua alt 72, ag luí ar an talamh, beidh sé ar neamhní. |
[EN] |
Talamh a dhíolmhú óna chlárú i gClárlann na nGníomhas. |
116. —(1) Ar úinéireacht aon eastáit nó leasa i dtalamh a chlárú faoin acht seo, beidh an t-eastát nó an leas sin díolmhaithe, ar dháta an chláraithe agus dá éis, ó fhorálacha na n-achtachán a bhaineann le Clárlann na nGníomhas; agus ní gá gníomhas ná doiciméad eile a bhainfidh leis an eastát nó leis an leas sin, agus a fhorghníomhófar nó a thiocfaidh i ngníomh ar an dáta sin nó dá éis, a chlárú i gClárlann na nGníomhas, mura mbaineann sé freisin le talamh neamhchláraithe. Ní bheidh d'éifeacht, áfach, ag clárú na húinéireachta sin go ndíolmhóidh sé ó chlárú i gClárlann na nGníomhas aon ghníomhas nó doiciméad a bhaineann leis an teideal chun aon eastáit nó leasa eile sa talamh seachas gníomhas nó doiciméad ag bunú an eastáit nó an leasa sin. |
[EN] | (2) Nuair a chlárófar úinéireacht aon eastáit nó leasa i dtalamh faoin Acht seo, tabharfar meabhrachán ar an gclárú, san fhoirm fhorordaithe, do Chláraitheoir na nGníomhas, agus cláróidh seisean an meabhrachán láithreach i gClárlann na nGníomhas gan aon táille ná dleacht a bhaint amach as é sin a dhéanamh. | |
[EN] | (3) Nuair is gá, de réir aon achtacháin, aon ghníomhas nó doiciméad eile a chlárú i gClárlann na nGníomhas laistigh de thréimhse áirithe nó ar dhóigh eile, is comhlíonadh ar fhorálacha an achtacháin sin an teideal faoin ngníomhas sin nó faoin doiciméad eile sin a chlárú (laistigh den tréimhse chéanna, i gcás ina gceanglaítear clárú laistigh de thréimhse áirithe). | |
[EN] |
Díolúine ó ualaí a chlárófar faoin Acht seo a chlárú in áit eile. |
117. —(1) Nuair a chlárófar ualach faoin Acht seo is ionann éifeacht dó agus clárú a dhéanamh, agus bhéarfaidh sé nach gá clárú a dhéanamh, ar aon ghníomhas nó doiciméad a bhaineann leis an ualach sin, i gClárlann na nGníomhas. I gcás leasa léasaigh nach mbeidh a úinéireacht cláraithe faoin Acht seo, is leis an léas féin amháin a ghabhfaidh an díolúine sin agus ní beidh réim aici maidir le haon ghníomhas nó doiciméad eile a bhaineann leis an teideal chun an leasa léasaigh. |
[EN] | (2) (a) Nuair a dhéanfar ar an modh forordaithe breithiúnas, ordú, ionchoisne, cúirtbhanna nó banna Stáit a chlárú mar ualach faoin Acht seo, is ionann éifeacht dó agus clárú a dhéanamh, agus bhéarfaidh sé nach gá clárú a dhéanamh, chun aon chríche maidir leis an talamh, ar an gcéanna i gClárlann na mBreithiúnas; | |
[EN] | (b) Ní dhéanfaidh aon bhreithiúnas, ordú, ionchoisne, cúirtbhanna ná banna den sórt sin difear d'aon talamh cláraithe maidir le ceannaitheoirí, morgáistithe nó creidiúnaithe, tar éis cúig bliana a bheith caite ó dháta an chláraithe sin, mura ndéanfar ná go dtí go ndéanfar é a athchlárú ar an modh forordaithe faoin Acht seo laistigh de chúig bliana roimh fhorghníomhú an tíolacais, na socraíochta, an mhorgáiste, an léasa, nó na hionstraime eile a dhéanann an ceart dlíthiúil nó an ceart cothromasach chun an eastáit nó an leasa a dhílsiú d'aon cheannaitheoir nó morgáistí den sórt sin nó a aistriú chuige ar chomaoin luachmhar, ná maidir le creidiúnaithe laistigh de chúig bliana sular fhaibhrigh ceart an chreidiúnaí sin, agus é a athchlárú amhlaidh ag deireadh gach cúig bliana ina dhiaidh sin. | |
[EN] |
Díolúine an údaráis chlárúcháin. |
118. —Ní bheidh údarás clárúcháin, ná ní bheidh aon duine a bheidh ag gníomhú faoina údarás nó faoi aon ordú nó riail ghinearálta a dhéanfar de bhun an Achta seo, faoi dhliteanas ó thaobh aon chaingne, agra nó imeachta i gcás nó i leith aon ghnímh nó ní a rinneadh nó a fágadh gan déanamh bona fide i bhfeidhmiú, nó á cheapadh go rabhthas ag feidhmiú, cumhachtaí an Achta seo nó aon ordaithe nó rialach ginearálta a dhéanfar de bhun an Achta seo. |
[EN] |
Pionóis mar gheall ar chalaois. |
119. —(1) Má dhéanann duine ar bith aon chion acu seo a leanas, is é sin le rá— |
[EN] | (a) má fholaíonn sé aon doiciméad nó fíoras, nó má thugann sé iarracht é a fholú, nó má bhíonn sé ionpháirteach ina fholú, i gcúrsa aon imeachtaí os comhair an Chláraitheora nó na cúirte de bhun an Achta seo, le hintinn teideal nó éileamh aon duine a cheilt, nó éileamh falsa a shuíomh, nó | |
[EN] | (b) má thugann sé chun críche go calaoiseach nó má dhéanann sé iarracht ar a thabhairt chun críche go calaoiseach, nó má bhíonn sé ionpháirteach ina thabhairt chun críche go calaoiseach, go ndéanfar aon taifeadadh, scriosadh nó athrú sa chlár, nó | |
[EN] | (c) má dhéanann sé go toiliúil ráiteas a bheidh bréagach in aon phonc ábhartha in aon mhionnscríbhinn a cheanglaítear nó a údaraítear a dhéanamh chun aon chríche faoin Acht seo, nó faoi aon ordú nó aon rialacha ginearálta a dhéanfar de bhun an Achta seo, | |
[EN] | beidh sé ciontach in oilghníomh, agus má chiontaítear é ar díotáil dlífear príosúnacht ar feadh aon téarma nach faide ná dhá bhliain a chur air, nó fineáil nach mó ná cúig chéad punt. | |
[EN] | (2) Ní dhéanfaidh aon imeacht ná ciontú i leith aon chiona a dhearbhaítear leis an Acht seo a bheith ina oilghníomh difear d'aon leigheas a mbeadh teideal chuige ag aon duine a bheadh éagóirithe ag an gcion. | |
[EN] | (3) Ní thabharfaidh aon ní san Acht seo teideal d'aon duine diúltú follasú iomlán a dhéanamh in aon imeacht dhlíthiúil ná diúltú aon cheist nó agarcheist a fhreagairt in aon imeacht shibhialta; ach ní bheidh aon fhollasú ná freagra den sórt sin inghlactha i bhfianaise i gcoinne an duine sin in aon imeacht choiriúil faoin Acht seo. | |
[EN] |
Cúiteamh in earráid, brionnú nó calaois maidir le clárú. |
120. —(1) Baineann an t-alt seo le caillteanas a bhainfidh d'aon duine— |
[EN] | (a) mar gheall ar cheartú ag an gcúirt ar aon earráid i gclárú de shórt is féidir a cheartú faoi fho-alt (1) d'alt 32, nó | |
[EN] | (b) mar gheall ar aon earráid a thúsaigh i gClárlann na Talún (cibé acu trí mhíráiteas, míthuairisc, ligean ar lár nó eile é, agus cibé acu i gclár nó i léarscáil chlárlainne di) agus a tharla i gclárú agus nach mbeidh ceartaithe faoin bhfo-alt sin (1), nó | |
[EN] | (c) mar gheall ar aon taifead i gclár nó i léarscáil chlárlainne, nó aon ní a ligeadh ar lár as an gcéanna, agus ar brionnú nó calaois a chúisigh nó a thug i gcrích é, nó | |
[EN] | (d) mar gheall ar aon earráid i gcuardach oifigiúil a rinne údarás clárúcháin nó aon oifigeach dá chuid, nó | |
[EN] | (e) mar gheall ar neamhchruinneas aon chóipe oifige de chlár nó de léarscáil chlárlainne, nó aon sleachta as an gcéanna, nó aon chóipe oifige d'aon doiciméad nó plean a comhdaíodh i gClárlann na Talún, nó aon sleachta as an gcéanna. | |
[EN] | (2) Má tharlaíonn caillteanas lena mbaineann an t-alt seo d'aon duine agus nach é is cúis leis an gcaillteanas, nó nach cuidiú substaintiúil leis, gníomh, faillí nó mainneachtain a rinne sé féin nó a ghníomhaire, beidh an duine sin agus aon duine a ghabhann teideal uaidh i dteideal cúitimh i leith an chaillteanais sin de réir an ailt seo. | |
[EN] | (3) I gcás earráid a cheartú ag an gcúirt faoi fho-alt (1) d'alt 32, measfar gur caillteanas lena mbaineann an t-alt seo na costais agus na caiteachais faoina ndeachaigh an t-iarratasóir ag fáil an cheartaithe. | |
[EN] | (4) Déanfar an cúiteamh go léir is iníoctha faoin alt seo a íoc as airgead a sholáthróidh an tOireachtas. | |
[EN] | (5) Bainfidh na forálacha seo a leanas le gach éileamh ar chúiteamh faoin alt seo: | |
[EN] | (a) déanfar an t-éileamh ar an modh forordaithe chun an Chláraitheora agus tabharfar fógra ina thaobh don Aire Airgeadais; | |
[EN] | (b) cinnfidh an Cláraitheoir an t-éileamh agus is cinneadh críochnaitheach a bheidh ann mura rud é go mbeidh an tAire Airgeadais nó an t-éilitheoir míshásta leis an gcinneadh sin, agus sa chás sin féadfaidh ceachtar páirtí achomharc a dhéanamh chun na cúirte; | |
[EN] | (c) ní ghéillfidh an Cláraitheoir d'aon éileamh tar éis tréimhse sé bliana a bheith caite ón am a d'fhaibhrigh an ceart chun cúitimh mura rud é, ar bheith caite don tréimhse sin, go raibh an duine a bhí i dteideal an t-éileamh a dhéanamh faoi mhíchumas, agus sa chás sin ní ghéillfear don éileamh tar éis dhá bhliain a bheith caite ó tháinig deireadh leis an míchumas, ach beidh cinneadh an Chláraitheora ag diúltú nó ag ceadú éilimh faoin mír seo faoi réir achomhairc chun na cúirte; | |
[EN] | (d) chun críocha mhír (c), measfar an ceart chun cúitimh a fhaibhriú— | |
[EN] | (i) maidir le haon eastát nó leas i seilbh, ar dháta an chláraithe ba chúis leis an gcaillteanas a bhfuil an cúiteamh á éileamh ina leith, nó | |
[EN] | (ii) maidir le haon eastát nó leas i bhfuíoll nó i bhfrithdhílse, ar an dáta a bheadh an t-eastát nó an leas sin tar éis titim i seilbh mura mbeadh an clárú sin a dúradh; | |
[EN] | (e) áireofar sa chúiteamh na costais faoina ndeachaigh an t-éilitheoir chun a éileamh a shuíomh. | |
[EN] | (6) I gcás ina n-íocfar cúiteamh faoin alt seo le duine ar bith— | |
[EN] | (a) beidh an cúiteamh (seachas na costais) inchurtha chun feidhme chun aon eirí a ghlanadh a luíonn ar eastát nó leas an duine sin sa talamh nó sa mhuirear a bhfuil an cúiteamh iníoctha ina leith; | |
[EN] | (b) beidh an ceart céanna ag an Aire Airgeadais chun méid an chúitimh sin a ghnóthú ó aon duine ba chúis leis an gcaillteanas, nó a fuair buntáiste as, agus a bheadh ag an duine dar bhain an caillteanas dá mba é a bhí ann díobháil a rinne an duine céadluaite dó. | |
[EN] |
Toirmeasc de dhroim earráid a aimsiú. |
121. —(1) Aon uair a fheicfear don Chláraitheoir go ndearnadh i gclárú aon earráid is féidir a cheartú, féadfaidh an Cláraitheoir cibé toirmeasc is cuí leis ar dhéileálacha leis an talamh, nó leis an ualach, lena mbaineann an earráid sin a thaifeadadh sa chlár chun an Príomh-Chiste a chosaint in aghaidh éileamh ar chúiteamh i leith caillteanas a thiocfaidh as cláruithe a dhéanfar tar éis an earráid sin a aimsiú agus roimh í a cheartú. |
[EN] | (2) Ní bhainfidh toirmeasc a thaifeadfar sa chlár faoin alt seo le haon chlárú a bheidh ar feitheamh iarbhír sa phríomhoifig nuair a thaifeadfar an toirmeasc sin ná ní choiscfidh sé comhlánú an chláraithe sin. | |
[EN] | (3) Aon uair a thaifeadfaidh an Cláraitheoir toirmeasc faoin alt seo, cuirfidh sé fógra i dtaobh an toirmisc sin, agus i dtaobh na hearráide ar mar gheall uirthi a taifeadadh é, chun na ndaoine go léir a ndealraíonn sé ón gclár go ndéanann an earráid sin difear dóibh agus chun cibé daoine eile (más ann) a fhorordófar. | |
[EN] |
Gan úinéir talún le teideal scalbhach a bheith ina iontaobhaí faoi Reacht na dTréimhsí, 1957 . |
122. —(1) Nuair a chlárófar duine mar úinéir talún le teideal atá, nó a mheastar a bheith, ina theideal sealbhach, ní bheidh seisean ná aon duine a bheidh ag éileamh tríd ina iontaobhaí i leith na talún sin chun críocha Reacht na dTréimhsí, 1957 , de bhíthin an chláraithe agus dá bhíthin sin amháin. |
[EN] | (2) Gabhann fo-alt (1) ionad mhír (c) d'fho-alt (2) d'alt 2 de Reacht na dTréimhsí, 1957 , a aisghairtear leis an Acht seo. | |
[EN] |
Éifeacht focal aistrithe. |
123. —(1) Aistreoidh ionstraim aistrithe talún ruílse cláraithe gan focail chinnteachta, ná aon abairt chomhionann, an feo simplí nó d'eile an leas iomlán a raibh cumhacht ag an aistreoir é a aistriú sa talamh, mura léir a mhalairt d'intinn san ionstraim. |
[EN] | (2) Déanfaidh ionstraim aistrithe talún ruílse cláraithe chuig corparáid aonair faoina teideal corpraithe gan an focal “comharbaí” an feo simplí nó d'eile an leas iomlán a raibh cumhacht ag an aistreoir é a aistriú sa talamh a aistriú chun na corpráide, mura léir a mhalairt d'intinn san ionstraim. | |
[EN] | (3) In ionstraim aistrithe talún cláraithe ní bheidh úsáid ná iontaobhas fillteach don aistreoir intuigthe de bhíthin amháin nach bhfuil sé sainráite go bhfuil an mhaoin á haistriú chun úsáide nó tairbhe an aistrí. | |
[EN] | (4) Ní bhaineann an t-alt seo ach amháin le hionstraimí aistrithe a fhorghníomhófar tar éis tosach feidhme an Achta seo. | |
[EN] |
Cumhacht Feidhmeannach Síochána chun mionnscríbhinní a ghlacadh. |
124. —Féadfar mionnscríbhinn a bheidh le déanamh nó le húsáid in aon imeachtaí os comhair an Chláraitheora a mhionnú os comhair Feidhmeannaigh Shíochána agus beidh cumhacht aigesean duine a chur faoi mhionn chuige sin. |
[EN] |
Talamh faoin marc uachtar láin a chlárú. 1865, a. 88. |
125. —I gcás ina ndéanfar iarratas chun úinéir talún a chlárú agus go bhfeicfear don Chláraitheoir go bhfuil imeall trá, de réir bhrí an Achta Imeall Trágha, 1933 , sa talamh, cuirfidh an Cláraitheoir fógra i scríbhinn ina thaobh sin chun an Aire Iompair agus Cumhachta. |
[EN] |
Cumhacht chun rialacha agus orduithe a dhéanamh. 1883, c. 20. |
126. —(1) Leanfar de Choiste na Rialacha um Chlárú Teidil a thabhairt ar an gcoiste a bunaíodh le halt 73 den Acht Cúirteanna Breithiúnais, 1936 . |
[EN] | (2) Féadfaidh Coiste na Rialacha um Chlárú Teidil, le comhthoiliú an Aire Dlí agus Cirt, rialacha ginearálta a dhéanamh chun cuspóirí an Achta seo a chur in éifeacht, agus go sonrach, gan an chumhacht sin roimhe seo a theorannú, maidir le gach ní nó aon ní acu seo a leanas: | |
[EN] | (a) an gnó sa phríomhoifig agus sna hoifigí áitiúla a stiúradh, agus cumhachtaí agus dualgais an Chláraitheora agus na gcláraitheoirí áitiúla, agus na n-oifigeach agus na ndaoine go léir a ghabhann leis an bpríomhoifig agus leis na hoifigí áitiúla; | |
[EN] | (b) comhbhaint na príomhoifige leis na hoifigí áitiúla; | |
[EN] | (c) aistrithe a stiúradh agus eolas a bhaineann le haistrithe a fhoilsiú; | |
[EN] | (d) na cláir a dhéanamh agus a choimeád agus treoir a sholáthar dóibh, agus doiciméid a bhaineann le teideal a fhíordheimhniú agus a shlánchoimeád; | |
[EN] | (e) an nós imeachta is inleanta, an réamhchúram a bheidh le glacadh, na fógraí a bheidh le tabhairt, agus an fhianaise a bheidh le tabhairt ar aird, sna himeachtaí uile maidir le clárú, agus na himthosca ina ndéanfar, agus na daoine chun a ndéanfar, ceisteanna a tharchur maidir leis an scrúdú ar aon teideal chun talún a bheartaítear a chlárú; | |
[EN] | (f) an nós imeachta is inleanta maidir le clárú i gcás gabháltais a mhalartú; | |
[EN] | (g) an fhoirm ina mbeidh, agus na coinníollacha faoina mbeidh, taifid le cur sa chlár agus ar dá réir a fhéadfar iad a mhodhnú nó a chealú; an t-ord ina mbeidh taifid maidir leis an talamh céanna le déanamh, agus earráidí cléireachais a cheartú sna cláir nó sna léarscáileanna clárlainne nó in aon doiciméad a bhaineann le clárú; | |
[EN] | (h) foirm agus ábhair aon ionstraime, deimhnithe, meabhracháin, mionnscríbhinne nó doiciméid eile a gceanglaítear nó a n-údaraítear é a úsáid nó a thabhairt faoin Acht seo nó chun críocha an Achta seo; | |
[EN] | (i) na coinníollacha faoina bhféadfar deimhniú nua talún nó deimhniú nua muirir a thabhairt in ionad deimhnithe a cailleadh, a aghloiteadh nó a díothaíodh; | |
[EN] | (j) aon ionstraimí a thiocfaidh ó am go ham i láimh aon oifigigh do Chlárlann na Talún a choimeád; | |
[EN] | (k) aon chlár nó doiciméad a bheidh faoi choimeád Chlárlann na Talún a scrúdú agus cóipeanna a dhéanamh de nó sleachta a bhaint as; | |
[EN] | (l) na costais agus na táillí a bheidh le baint amach ag atúrnaetha nó ag daoine eile, nó a bheidh le ceadú dóibh, mar gheall ar chlárú nó nithe a ghabhann leis nó a leanann as, nó i leith aon ní eile is gá a dhéanamh chun an tAcht seo a chur i ngníomh, nó ar dhóigh eile i gcomhlíonadh na ndualgas a fhorchuirtear leis an Acht seo nó faoi, nó le haon Acht eile nó faoi, ar údarás clárúcháin, maille le cumhacht chun a cheangal go mbeidh na costais agus na táillí sin iníoctha trí choimisiún, céatadán, nó eile; | |
[EN] | (m) costais a fhómhas agus na daoine ag a mbeidh, agus lena mbeidh, costais le fómhas agus le híoc; | |
[EN] | (n) dul faoi urrús i leith costais achomhairc faoin Acht seo; agus | |
[EN] | (o) aon ní a n-ordaítear nó a n-údaraítear leis an Acht seo é a fhorordú, nó a n-ordaítear nó a n-údaraítear leis an Acht seo rialacha ginearálta a dhéanamh ina leith. | |
[EN] | (3) Déanfar foráil le rialacha ginearálta chun go gclárófar, gan costas ar na páirtithe leasmhara, na teidil go léir a taifeadadh faoin Record of Title (Ireland) Act, 1865, agus glacfar cúram sna rialacha sin chun aon chearta a chosaint a fuarthas de bhun an taifeadta sin. Go dtí go ndéanfar an clárú, beidh feidhm ag an Acht sin ina leith sin ionann is dá mba nár ritheadh an tAcht seo. | |
[EN] | (4) (a) Gach oifig a bheidh faoi urláimh an Chláraitheora sa cháil sin dó, nó i gcáil Chláraitheoir na nGníomhas dó, beidh sí ar oscailt don phobal cibé laethanta agus ar feadh cibé uaire a chloig a cheapfaidh an tAire Dlí agus Cirt ó am go ham le hordú. | |
[EN] | (b) Aisghairtear leis seo an Registry of Deeds Office (Ireland) Holidays Act, 1883. | |
[EN] | (c) D'ainneoin alt 2, tiocfaidh an fo-alt seo i ngníomh ar dháta an Achta seo a rith. | |
[EN] |
Cosaint do bona vacantia. |
127. —Ní dhéanfaidh aon ní san Acht seo difear do cheart an Stáit chun aon mhaoine mar bona vacantia. |