|
|||||
|
An Chéad Lch. | Lch. Roimhe Seo (AN tACHT OILIÚNA TIONSCAIL, 1967) | Ar Aghaidh (CUID II An Chomhairle Oiliúna) |
AN tACHT OILIÚNA TIONSCAIL, 1967
[EN] | ||
[EN] |
CUID I Réamhraiteach agus Ginearálta | |
[EN] |
Gearrtheideal. |
1. —Féadfar an tAcht Oiliúna Tionscail, 1967 , a ghairm den Acht seo. |
[EN] |
Léiriú. |
2. —(1) San Acht seo, ach amháin mar a n-éilíonn an comhthéacs a mhalairt— |
[EN] | ciallaíonn “Acht 1959” an tAcht Printíseachta, 1959 (a aisghairtear leis an Acht seo); | |
[EN] | folaíonn “gníomhaíocht tionscail” aon ghníomhaíocht tráchtála nó ceirde nó slí bheatha, agus folaíonn sé freisin aon ghníomhaíocht i mbrainse áirithe de thionscal, de thrachtáil, de cheird nó de shlí bheatha, ach ní fholaíonn sé gníomhaíocht talmhaíochta, garnóireachta nó iascaireachta ar gníomhaíocht táirgthe bhunaidh í, ná aon ghníomhaíocht a bhaineann le slí bheatha ghairmiúil; | |
[EN] | ciallaíonn “An Cheard-Chomhairle” an comhlacht a bunaíodh le halt 8 d'Acht 1959; | |
[EN] | tá le “An Chomhairle” an bhrí a shonraítear i bhfo-alt (1) d'alt 8 den Acht seo; | |
[EN] | ciallaíonn “printíseach” duine ar fostú ar mhodh printíseachta le gníomhaíocht tionscalaíoch ainmnithe agus folaíonn sé aon duine lena mbaineann rialacháin faoi alt 28 den Acht seo; | |
[EN] | ciallaíonn “oifigeach údaraithe” duine arna cheapadh ag an gComhairle chun bheith ina oifigeach údaraithe chun críocha an Achta seo; | |
[EN] | ciallaíonn “gníomhaíocht tionsclaíoch ainmnithe” gníomhaíocht tionscail a bhfuil dearbhaithe ina taobh de thuras na huaire le hordú faoi alt 23 den Acht seo gur gníomhaíocht tionsclaíoch ainmnithe í; | |
[EN] | ciallaíonn “an lá bunaithe” an lá a cheapfar le hordú ón Aire faoi alt 3 den Acht seo chun bheith ina lá bunaithe chun críocha an Achta seo; | |
[EN] | ciallaíonn “coiste oiliúna tionscail” comhlacht ar coiste oiliúna tionscail é faoi ordú faoi alt 24 den Acht seo; | |
[EN] | folaíonn “feidhmeanna” cumhachtaí agus dualgais; | |
[EN] | ciallaíonn “an tAire” an tAire Saothair; | |
[EN] | ciallaíonn an briathar “forordú” forordú le rialacha arna ndéanamh ag an gComhairle faoin Acht seo; | |
[EN] | (2) Ach amháin i bhfo-alt (2) d'alt 11 agus i bhfo-alt (1) d'alt 13 den Acht seo, folaíonn aon tagairt san Acht seo don Phríomh-Oifigeach tagairt do chathaoirleach ar an gComhairle atá ag gníomhú mar Phríomh-Oifigeach. | |
[EN] | (3) Aon tagairt san Acht seo do chomhlíonadh feidhmeanna folaíonn sí, maidir le cumhachtaí, tagairt d'fheidhmiú na gcumhachtaí sin. | |
[EN] |
An lá bunaithe. |
3. —Féadfaidh an tAire le hordú lá a cheapadh chun bheith ina lá bunaithe chun críocha an Achta seo. |
[EN] |
Feidhm maidir le fostaíocht ag an Stát. |
4. —(1) Tá feidhm ag an Acht seo i gcás daoine atá ar fostú ar mhodh printíseachta ag an Stát nó faoin Stát. |
[EN] | (2) Tá feidhm ag alt 41 den Acht seo nuair is é an Stát an fostóir. | |
[EN] |
Rialacha (ábhair fhorordaithe). |
5. —Féadfaidh An Chomhairle rialacha a dhéanamh maidir le haon ábhar nó ní dá dtagraítear san Acht seo mar ábhar nó ní atá forordaithe nó le forordú. |
[EN] |
Caiteachais an Aire. |
6. —Déanfar aon chaiteachais faoina rachaidh an tAire agus an tAire Oideachais ag riaradh an Achta seo a íoc, a mhéid a cheadóidh an tAire Airgeadais é, as airgead a sholáthróidh an tOireachtas. |
[EN] |
Aisghairm. |
7. —(1) Aisghairtear leis seo Acht 1959. |
[EN] | (2) Aisghairtear leis seo alt 7 den Acht um Limistéirí Neamhfhorbartha, 1952 , alt 5 den Acht um Dheontais Tionscail (Leasú), 1963 , agus na focail “tionscail nó” i bhfo-alt (2) d'alt 9 den Acht um Chuideachta Forbartha Aerfort Neamhchustam na Sionna Teoranta, 1959 . | |
[EN] | (3) Tiocfaidh fo-alt (1) den alt seo i ngníomh an lá bunaithe. | |
[EN] | (4) Tiocfaidh fo-alt (2) den alt seo i ngníomh cibé lá nó laethanta a shocrófar chuige sin le haon ordú nó orduithe ón Aire, go ginearálta nó faoi threoir forála áirithe agus feádfar laethanta éagsúla a shocrú d'fhorálacha éagsúla den fho-alt seo. |