|
|||||
|
An Chéad Lch. | Lch. Roimhe Seo (CUID III Athchur Cúisí) | Ar Aghaidh (AN SCEIDEAL Achtacháin a Aisghairtear) |
AN tACHT UM NÓS IMEACHTA COIRIÚIL, 1967
[EN] | ||
[EN] |
CUID IV Ilghnéitheach | |
[EN] |
Ceist dlí a tharchur chun na Cúirte Uachtaraí. |
34. —(1) I gcás ina mbeifear, ar cheist dlí, tar éis fíorasc i bhfabhar duine chúisithe a thabhairt faoi threorú ó bhreitheamh na trialach, féadfaidh an tArd-Aighne, gan dochar don fhíorasc i bhfabhar an chúisí, an cheist dlí a tharchur chun na Cúirte Uachtaraí lena cinneadh. |
[EN] | (2) Déanfar sonrú na ceiste a bheidh le tarchur chun na Cúirte Uachtaraí a shocrú ag an Ard-Aighne tar éis dó dul i gcomhairle leis an mbreitheamh a thug an treorú agus cuirfear sa sonrú aon nótaí is mian leis an mbreitheamh a chur leis. | |
[EN] | (3) Sannfaidh an Chúirt Uachtarach abhcóide chun argóinteacht a dhéanamh i dtaca leis an gcinneadh. | |
[EN] |
Leasú ar alt 52 den Acht um Eiseachadadh, 1965 . |
35. —Leasaítear leis seo alt 52 den Acht um Eiseachadadh, 1965 , tríd an méid seo a leanas a chur isteach ann: |
[EN] | “(2A) Féadfaidh comhalta den Gharda Síochána cúirtbhanna a ghlacadh faoin alt seo ó dhuine a bheidh curtha faoina choimeád.” | |
[EN] |
Míniú ar “príosúnacht” i gCuid III den Acht um Eiseachadadh, 1965 . |
36. —D'fhonn amhras a sheachaint, dearbhaítear leis seo go bhfolaíonn tagairtí do phríosúnacht i gCuid III den Acht um Eiseachadadh, 1965 , cibé acu maidir leis an Stát nó aon áit eile é, tagairtí do choimeád dleathach de chineál ar bith ar an duine lena mbaineann. |
[EN] |
Cionta faoi dhlí na hAlban. |
37. —(1) Chun críocha Chuid III den Acht um Eiseachadadh, 1965 — |
[EN] | (a) aon chion is inphionósaithe faoi dhlí na hAlban le bás nó le príosúnacht ar feadh tréimhse uasta sé mhí ar a laghad, déileálfar leis mar chion indíotáilte nach cion achomhair freisin má dheimhníonn Prócadóir Fioscach gur cion indíotáilte é is inphionósaithe amhlaidh agus nach n-ionchúiseofar go hachomhair é, agus | |
[EN] | (b) aon chion is inphionósaithe faoin dlí sin leis an bpríosúnacht sin, déiléalfar leis mar chion achomair má dheimhnítear, mar atá ráite, gur go hachomair a ionchúiseofar é agus go bhfuil sé inphionósaithe amhlaidh. | |
[EN] | (2) Aon deimhniú a dhealraíonn a bheith tugtha ag Prócadóir Fioscach, féadfar, gan tuilleadh fianaise— | |
[EN] | (a) é a ghlacadh ag Coimisinéir an Gharda Síochána, | |
[EN] | (b) glacadh leis in aon imeachtaí, mura léir don chúirt cúis mhaith lena mhalairt, | |
[EN] | mar fhianaise ar na hábhair a bheidh deimhnithe amhlaidh. | |
[EN] | (3) San alt seo folaíonn “Prócadóir Fioscach” Depute. | |
[EN] | (4) Forléireofar mar aon ní amháin an t-alt seo agus Cuid III den Acht um Eiseachadadh, 1965 . | |
[EN] |
Cionta faoi dhlíthe Oileáin Mhuir nIocht. |
38. —(1) Baineann an alt seo le hOileáin Mhuir nIocht, is é sin, Geirsí agus Báillcheantar Ghearnsaí. |
[EN] | (2) Chun críocha Chuid III den Acht um Eiseachadadh, 1965 , aon chion is inphionósaithe faoi dhlí Gheirsí nó aon chuid de Bháillcheantar Ghearnsaí le bás nó príosúnacht ar feadh tréimhse uasta sé mhí ar a laghad, déileálfar leis mar chion indíotáilte nach cion achomair freisin má dheimhníonn an tArd-Aighne do Gheirsí nó do Ghearnsaí, de réir mar a bheidh, gur cion indíotáilte é agus go bhfuil sé inphionósaithe le bás nó le príosúnacht den sórt sin. | |
[EN] | (3) Aon deimhniú a dhealróidh a bheith arna thabhairt ag an Ard-Aighne iomchuí, féadfar, gan tuilleadh fianaise— | |
[EN] | (a) é a ghlacadh ag Coimisinéir an Gharda Síochána, | |
[EN] | (b) glacadh leis in aon imeachtaí, mura léir don chúirt cúis mhaith lena mhalairt, | |
[EN] | mar fhianaise ar na hábhair a bheidh deimhnithe amhlaidh. | |
[EN] | (4) San alt seo folaíonn “Ard-Aighne” duine a bheidh de thuras na huaire ag oibriú feidhmeanna na hoifige sin. | |
[EN] | (5) Forléireofar mar aon ní amháin an t-alt seo agus Cuid III den Acht um Eiseachadadh, 1965 . |