|
|||||
|
[EN] | ||
Uimhir 19 de 1967 | ||
[EN] |
AN tACHT FREASTAL SCOILE (LEASÚ), 1967 | |
[An tiontú oifigiúil.] |
ACHT DO LEASÚ AN ACHTA FREASTAL SCOILE, 1926 . [25 Iúil, 1967.] |
ACHTAÍTEAR AG AN OIREACHTAS MAR A LEANAS: | ||
[EN] |
An Príomh-Acht. |
1. —San Acht seo ciallaíonn “an Príomh-Acht” an tAcht Freastal Scoile, 1926 . |
[EN] |
Foláireamh faoi alt 17 den Phríomh-Acht a sheirbheáil. |
2. —(1) Féadfar foláireamh faoi alt 17 den Phríomh-Acht a sheirbheáil trí chóip de a chur leis an bpost cláraithe réamhíoctha i gclúdach a bheidh dírithe chun an duine a bheidh le seirbheáil go dtí an áit chónaithe nó an áit ghnó is déanaí is eol a bheith aige sa Stát agus féadfaidh an t-údarás feidhmiúcháin iomchuí, de réir brí an Phríomh-Achta, nó duine a bheidh údaraithe chuige sin ag an údarás sin, an foláireamh a phostáil. |
[EN] | (2) I gcás ina seirbheálfar foláireamh ar dhuine de bhun fho-alt (1) den alt seo— | |
[EN] | (i) measfar gur seirbheáil chuí ar an duine an tseirbheáil mura gcruthófar nár seachadadh an foláireamh, | |
[EN] | (ii) measfar gur seirbheáladh an foláireamh ar an duine an tráth a dhéanfaí an clúdach ina raibh sé a sheachadadh i ngnáth-chúrsa an phoist, agus | |
[EN] | (iii) beidh deimhniú a airbheartóidh a bheith sínithe ag an duine a phostáil an clúdach ina raibh an foláireamh agus gur síníodh é tráth nár luaithe ná deich lá tar éis an lae a postáladh an clúdach agus ag taispeáint an deimhniú gur postáladh an clúdach agus á rá, más amhlaidh atá an cás, nár cuireadh an clúdach ar ais gan seachadadh go dtí an seoltóir, beidh sé, go dtí go gcruthófar a mhalairt, ina fhianaise ar an gclúdach a dhíriú, a chlárú agus a phostáil de réir fho-alt (1) den alt seo. | |
[EN] |
Leanaí a bheith i láthair sa Chúirt Dúiche i gcásanna áirithe. |
3. —(1) Chun críocha alt 17 (4) den Phríomh-Acht féadfar ordú a dhéanamh faoi alt 18 den Acht sin maidir le duine tar éis an duine a chiontú sa dara cion nó i gcion dá éis sin faoin alt sin 17 i leith an linbh chéanna, agus, má mhainníonn duine déanamh de réir aon ordaithe faoin alt sin 18, féadfaidh breitheamh den Chúirt Dúiche barántas a eisiúint á ordú agus á údarú don Cheannfort den Gharda Síochána arb ina cheantar a chónaíonn an leanbh lena mbaineann an t-ordú a chur faoi deara go mbeidh an leanbh i láthair ag suí den Chúirt Dúiche tráth agus in áit a shonrófar sa bharántas. |
[EN] | (2) I gcás ina n-eiseofar barántas faoin alt seo, beidh an Ceannfort den Gharda Síochána chun a mbeidh sé dírithe agus aon chomhalta den Gharda Síochána a bheidh ag gníomhú ar orduithe ón gCeannfort sin i dteideal cibé bearta a dhéanamh a mheasfaidh an Ceannfort nó an comhalta sin, de réir mar a bheidh, le réasún a bheith riachtanach chun a áirithiú go mbeidh an leanbh lena mbainfidh an barántas sin i láthair ag an suí den Chúirt Dúiche lena mbainfidh an barántas. | |
[EN] |
Méadú ar phionóis áirithe faoin bPríomh-Acht. |
4. —(1) Leasaítear leis seo alt 17 den Phríomh-Acht trí “cúig phunt” a chur in ionad “fiche scilling” agus “deich bpunt” a chur in ionad “dachad scilling” i bhfo-alt (2) agus “deich bpunt” a chur in ionad “dachad scilling” i bhfo-alt (3). |
[EN] | (2) Leasaítear leis seo alt 18 den Phríomh-Acht trí “cúig phunt” a chur in ionad “fiche scilling” i bhfo-alt (1). | |
[EN] | (3) Leasaítear leis seo alt 20 den Phríomh-Acht trí “cúig phunt” a chur in ionad “fiche scilling”. | |
[EN] |
Gearrtheideal agus comhlua. |
5. —(1) Féadfar an tAcht Freastal Scoile (Leasú), 1967 , a ghairm den Acht seo. |
[EN] | (2) Féadfar na hAchtanna Freastal Scoile, 1926 go 1967, a ghairm de na hAchtanna Freastal Scoile, 1926 agus 1936, agus den Acht seo le chéile. |