CUID III

Pá Talamhaíochta

12. —Maidir le horduithe a dhéanfar faoi alt 17 d'Acht 1936 tar éis dáta an Achta seo a rith, déantar leis seo mír (b) agus mír (c) d'fho-alt (6), agus mír (b) agus mír (c) d'fho-alt (7), den alt sin a leasú trí “míosa” a chur in ionad “dhá mhí” sna míreanna sin agus mír (d) agus mír (e) d'fho-alt (6), agus mír (d) agus mír (e) d'fho-alt (7), den alt sin a leasú trí “na míosa” a chur in ionad “an dá mhí” sna míreanna sin.

13. —Leasaítear leis seo alt 18 d'Acht 1936 tríd an mír seo a leanas a chur leis:

“Más deimhin leis an mBord, ar iarratas a fháil dóibh, go bhfuil scortha ag sealbhóir ceada faoin alt seo de bheith faoi bhrí díobhála, díthe, éagumais nó easláinte arb ina leith a deonaíodh an cead, cúlghairfidh an Bord an cead.”