|
|||||
|
An Chéad Lch. | Lch. Roimhe Seo (AN tACHT AIRGEADAIS, 1969) | Ar Aghaidh (CUID II Forálacha a Leanann as, nó a Ghabhann le, Measúnachtaí faoi Sceidil A agus B den Acht Cánach Ioncaim, 1967, a Dhíbhe) |
AN tACHT AIRGEADAIS, 1969
[EN] | ||
[EN] |
CUID I Cáin Ioncaim | |
[EN] |
Cáin ioncaim, agus forcháin don bhliain 1969-70. |
1. —(1) Déanfar cáin ioncaim don bhliain dar tosach an 6ú lá d'Aibreán, 1969, a mhuirearú de réir seacht scilling sa phunt. |
[EN] | (2) Déanfar forcháin don bhliain dar tosach an 6ú lá d'Aibreán, 1969, a mhuirearú ar ioncam aon phearsan aonair ar mó ná dhá mhíle cúig chéad punt iomlán a ioncaim ó gach bunadh agus muirearófar amhlaidh í de réir na rátaí céanna ar dá réir a mhuirearaítear í don bhliain dar tosach an 6ú lá d'Aibreán, 1968. | |
[EN] |
Díolúine do thuilleamh áirithe de chuid scríbhneoirí, cumadóirí agus ealaíontóirí. |
2. —(1) San alt seo ciallaíonn “saothar” saothar bunaidh cruthaíoch, cibé acu roimh dháta an Achta seo a rith nó dá éis sin a scríobhadh, a cumadh nó a rinneadh é, de réir mar a bheidh, agus is d'aicme acu seo a leanas— |
[EN] | (a) leabhar nó scríbhneoireacht eile; | |
[EN] | (b) dráma; | |
[EN] | (c) cumadóireacht cheoil; | |
[EN] | (d) péintéireacht nó pictiúr eile a samhail; | |
[EN] | (e) dealbhóireacht. | |
[EN] | (2) (a) Baineann an t-alt seo le pearsa aonair— | |
[EN] | (i) ar sa Stát a chónaíonn sé agus nach gcónaíonn in aon áit eile, agus | |
[EN] | (ii) (I) a gcinnfidh na Coimisinéirí Ioncaim, tar éis breithniú a dhéanamh ar aon fhianaise maidir leis an ábhar a chuirfidh an phearsa aonair faoina mbráid agus tar éis dul i gcomhairle (má théann), mar a mheasfaidh siad is gá, le cibé duine nó comhlacht daoine a mheasfaidh siad a d'fhéadfadh cabhrú leo, go bhfuil aige scríofa, cumtha nó déanta, de réir mar a bheidh, ina aonar nó i gcomhar le pearsa aonair eile saothar nó saothair dá dtugtar d'aitheantas coitianta go bhfuil fiúntas cultúir nó ealaíona ann nó iontu, nó | |
[EN] | (II) a bhfuil aigescríofa, cumtha nó déanta, de réir mar a bheidh, ina aonar nó i gcomhar le pearsa aonair eile, saothar áirithe a gcinnfidh na Coimisinéirí Ioncaim, tar éis breithniú a dhéanamh ar an saothar agus ar aon fhianaise maidir leis an ábhar a chuirfidh an phearsa aonair faoina mbráid agus tar éis dul i gcomhairle (má théann), mar a mheasfaidh siad is gá, le cibé duine nó comhlacht daoine a mheasfaidh siad a d'fhéadfadh cabhrú leo, gur saothar é a bhfuil fiúntas cultúir nó ealaíona ann. | |
[EN] | (b) Ní dhéanfaidh na Coimisinéirí Ioncaim cinneadh faoin bhfo-alt seo maidir le pearsa aonair mura rud é— | |
[EN] | (i) go n-éileoidh an phearsa aonair go cuí cinneadh ar na Coimisinéirí Ioncaim arb éileamh é, i gcás an cinneadh a iarraidh faoi mhír (a) (ii) (II), a dhéanfar taí éis an saothar a mbeifear á iarraidh ina leith a fhoilsiú, a tháirgeadh nó a dhíol, de réir mar a bheidh, agus | |
[EN] | (ii) go ndéanfaidh an phearsa aonair de réir aon iarratais chuige faoi fho-alt (4). | |
[EN] | (3) (a) Aon phearsa aonair lena mbaineann an t-alt seo agus a dhéanfaidh éileamh go cuí chun na gCoimisinéirí Ioncaim chuige sin beidh sé, faoi réir mhír (b), i dteideal go ndéanfar neamhshuim, chun críocha uile na nAchtanna Cánach Ioncaim, dá chuid brabús nó gnóchan ón saothar nó ó na saothair a mbeidh cinneadh déanta ag na Coimisi néirí Ioncaim ina leith faoi chlásal I nó II d'fho-alt (2) (a) (ii), nó ó shaothar dá chuid d'aon-earnáil leis an saothar sin, a fhoilsiú, a tháirgeadh nó a dhíol, de réir mar a bheidh, agus a bheadh, ar leith ón alt seo, le háireamh in aon mheasúnacht a dhéanfaí air faoi Chás II de Sceideal D. | |
[EN] | (b) An díolúine a údaraítear leis an alt seo ní bheidh feidhm aici maidir le haon bhliain mheasúnachta roimh an mbliain mheasúnachta a dhéanfaidh an phearsa aonair éileamh faoi chlásal I nó II d'fho-alt (2) (a) (ii) a ndéanfaidh na Coimisinéirí Ioncaim cinneadh ina leith den sórt dá dtagraítear sa chlásal sin I nó II, de réir mar a bheidh. | |
[EN] | (c) Féadfar an faoiseamh a fhoráiltear leis an alt seo a thabhairt trí aisíoc nó ar shlí eile. | |
[EN] | (4) (a) I gcás ina ndéanfaidh pearsa aonair éileamh lena mbaineann fo-alt (2) (a) (ii) (I), féadfaidh na Coimisinéirí Ioncaim fógra nó fógraí i scríbhinn a sheirbheáil air á iarraidh air cibé eolas, leabhair, doiciméid nó fianaise cile a mheasfaidh siad is gá chun cinneadh a dhéanamh faoin bhfo-alt sin (2) (a) (ii) (I) a thabhairt dóibh laistigh de cibé tréimhse a shonrófar san fhógra nó sna fógraí. | |
[EN] | (b) I gcás na ndéanfaidh pearsa aonair éileamh lena mbaineann fo-alt 2 (a) (ii) (II)— | |
[EN] | (i) i gcás leabhair nó scríbhneoireachta eile nó dráma nó cumadóireachta ceoil, tabharfaidh sé trí chóip do na Coimisinéirí Ioncaim má iarrann siad sin, agus | |
[EN] | (ii) i gcás péintéireachta nó pictiúr eile a samhail nó dealbhóireachta, tabharfaidh sé, nó socróidh sé go dtabharfar, má iarrann na Coimisinéirí Ioncaim sin, cibé saoráidí a mheasfaidh na Coimisinéirí Ioncaim is gá chun cinneadh a dhéanamh faoin bhfo-alt sin (2) (a) (ii) (II) (lena n-áirítear aon cheadanna nó toiliú is gá a fháil ón duine ar leis nó a bhfuil ina sheilbh aige an phéintéireacht, an pictiúr nó an dealbhóireacht). | |
[EN] | (5) Féadfaidh na Coimisinéirí Ioncaim fógra nó fógraí i scríbhinn a sheirbheáil ar phearsa aonair a dhéanfaidh éileamh faoi fho-alt (3) á cheangal air na leabhair, na cuntais agus na doiciméid sin uile a iarrfar agus a bheidh ina sheilbh nó ar a chumhacht a chur ar fáil laistigh de cibé am a shonrófar san fhógra, is leabhair, cuntais agus doiciméid a bhainfidh le foilsiú, táirgeadh nó díol, de réir mar a bheidh, an tsaothair a mbeidh díolúine á éileamh i leith na mbrabús nó na ngnóchan uaidh. | |
[EN] | (6) Chun teacht ar mhéid na mbrabús nó na ngnóchan a ndéanfar neamhshuim de faoin alt seo chun críocha uile na nAchtanna Cánach Ioncaim, féadfaidh na Coimisinéirí Ioncaim cibé leithroinnt is gá a dhéanamh ar fháltais agus caiteachais. | |
[EN] | (7) D'ainneoin aon díolúine a fhoráiltear leis an alt seo, beidh feidhm ag forálacha na nAchtanna Cánach Ioncaim maidir le pearsa aonair do thabhairt tuairisceáin ar a ioncam iomlán ionann is nár údaraíodh an díolúine. | |
[EN] |
Duine fostaithe ag tabhairt aire do dhuine éagumasaithe. 1967, Uimh 6. |
3. —(1) Faoi réir forálacha an ailt seo, aon phearsa aonair a dhéanfaidh, sa tslí a fhorordaítear leis na hAchtanna Cánach Ioncaim, éileamh chuige sin, tuairisceán san fhoirm fhorordaithe a thabhairt ar a ioncam iomlán agus a chruthú— |
[EN] | (a) (i) go raibh sé, i gcaitheamh na bliana measúnachta, faoi éagumas iomlán le héiglíocht choirp nó mheabhrach, nó | |
[EN] | (ii) go raibh a bhanchéile, agus eisean pósta, faoi éagumas iomlán le héiglíocht choirp nó mheabhrach i gcaitheamh na bliana measúnachta, agus | |
[EN] | (b) go raibh duine ar fostú aige an bhliain mheasúnachta chun aire a thabhairt don duine (is é sin, an phearsa aonair nó a bhanchéile) a bhí faoi éagumas amhlaidh, | |
[EN] | beidh sé, le linn méid a ioncaim inchánaithe a bheith á ríomh, i dteideal £100 a bhaint as a ioncam inmheasúnaithe. | |
[EN] | (2) Ní lamhálfar thar asbhaint amháin faoin alt seo d'aon éilitheoir in aghaidh aon bhliana áirithe. | |
[EN] | (3) (a) Bainfidh forálacha ailt 146 agus 149 den Acht Cánach Ioncaim, 1967 , le hasbhaint faoin alt seo mar a bhaineann siad le haon liúntas, asbhaint nó faoiseamh faoi ailt 134 go 145 den Acht sin. | |
[EN] | (b) Beidh feidhm maidir le hasbhaint faoin alt seo ag forálacha Sceideal 4 a ghabhann leis an Acht Cánach Ioncaim, 1967 , agus mhír IX de Sceideal 18 a ghabhann leis an Acht sin, agus iad modhnaithe mar is gá. | |
[EN] | (4) I gcás ina lamhálfar asbhaint in aghaidh aon bhliana measúnachta do phearsa aonair faoin alt seo i leith duine fhostaithe, ní bheidh an phearsa aonair i dteideal asbhaint i leith an duine sin faoi alt 141 nó 142 den Acht Cánach Ioncaim. 1967. | |
[EN] | (5) Leasaítear leis seo alt 153 (1) (d) den Acht Cánach Ioncaim, 1967 , trí “agus alt 3 den Acht Airgeadais, 1969 ”, a chur isteach i ndiaidh “1967”. | |
[EN] | (6) Leasaítear leis seo alt 193 den Acht Cánach Ioncaim, 1967 — | |
[EN] | (a) tríd an mír seo a leanas a chur isteach i bhfo-alt (2) i ndiaidh mhír (c): | |
[EN] | “(cc) a mhéid gur ó fhaoiseamh dó faoi alt 3 den Acht Airgeadais, 1969 , sna comhréirí a iompraíonn siad costas fostaithe an duine arb ina leith a thabharfar an faoiseamh,”; agus | |
[EN] | (b) trí “nó faoi alt 3 den Acht Cánach Ioncaim, 1969” a chur isteach ag deireadh fho-alt (6). | |
[EN] | (7) Leasaítear leis seo alt 497 den Acht Cánach Ioncaim, 1967 , trí “nó faoi alt 3 den Acht Airgeadais, 1967 ,” a chur isteach i ndiaidh “143”. | |
[EN] | (8) Leasaítear leis seo alt 523 den Acht Cánach Ioncaim, 1967 — | |
[EN] | (a) trí “, 142 agus alt 3 den Acht Airgeadais, 1969 ” a chur in ionad “agus 142”; agus | |
[EN] | (b) trí “agus trína ghlacadh go ndéanann aon mhéid a áireofar in asbhaint faoin mír sin (a) i leith faoisimh faoi alt 3 den Acht Airgeadais, 1969 , ioncam an fhearchéile nó an bhanchéile a laghdú de réir mar is eisean nó ise a iompraíonn costas fostaithe an duine ar ina leith a thabharfar an faoiseamh” a chur isteach ag deireadh fho-alt (3) (b) (i). | |
[EN] |
Asbhaintí i leith innealra nó gléasra deachúlaithe. |
4. —(1) San alt seo— |
[EN] | ciallaíonn an briathar “athchóiriú”, maidir le hinnealra nó gléasra, aon athchóiriú nó oiriúnú ar an innealra nó ar an ngléasra mar gheall ar chóras airgid reatha deachúil a thabhairt isteach sa Stát; | |
[EN] | ciallaíonn “innealra nó gléasra deachúlaithe” innealra nó gléasra— | |
[EN] | (a) a soláthraíodh, roimh an 6ú lá d'Aibreán, 1971, lena úsáid in aon limistéar seachas limistéar neamhfhorbartha chun críocha trádála nó gairme agus a bhí, le linn é a sholáthar, gan úsáid a bheith déanta de agus gan bheith réchaite, | |
[EN] | (b) is de chineál a soláthraíodh amhlaidh mar gheall ar chóras airgid reatha deachúil a thabhairt isteach sa Stát, agus | |
[EN] | (c) nár soláthraíodh amhlaidh lena úsáid ag monarú innealra nó gléasra; | |
[EN] | tá an bhrí chéanna le “limistéar neamhfhorbartha” atá leis san Acht um Limistéirí Neamhfhorbartha, 1952 . | |
[EN] | (2) Faoi réir forálacha an ailt seo, i gcás asbhaint a bheith le lamháil d'aon bhliain mheasúnachta faoi alt 241 den Acht Cánach Ioncaim, 1967 , i leith caitheamh agus cuimilt aon innealra nó gléasra dheachúlaithe, déanfar, faoi réir fho-alt (6) den alt seo, an asbhaint a mhéadú cibé méid a shonróidh an duine dá mbeidh an asbhaint le lamháil agus é ag déanamh a éilimh ar an asbhaint; agus, maidir le cás ina raibh éifeacht ag an bhfo-alt seo, déanfar aon tagairt sna hAchtanna Cánach Ioncaim d'asbhaint arna lamháil faoin alt sin 241 a fhorléiriú mar thagairt don asbhaint sin arna mhéadú faoin bhfo-alt seo. | |
[EN] | (3) Ní bhainfidh fo-alt (2) le hinnealra nó gléasra deachúlaithe arna ligean chun duine ar na téarmaí a luaitear in alt 241 (2) den Acht Cánach Ioncaim, 1967 , mura bhforálann an conradh ligin go dtiocfaidh nó go mb'fhéidir go dtiocfaidh an duine chun bheith ina úinéir ar an innealra nó ar an ngléasra ar an gconradh a chomhlíonadh; agus i gcás ina bhforálann an conradh amhlaidh, má scoireann an duine de bheith i dteideal (seachas ar é d'fháil bháis) sochair an chonradh a mhéid a bhaineann sé leis an innealra nó an gléasra, ach gan é teacht chun bheith ina úinéir ar an innealra nó an gléasra, measfar nach raibh feidhm ag fo-alt (2) maidir leis an innealra nó an gléasra, agus, dá réir sin, déanfar cibé measúnachtaí breise agus coigeartuithe breise ar mheasúnachtaí is iomchuí. | |
[EN] | (4) I gcás ina ndéanfar an asbhaint faoi alt 241 den Acht Cánach Ioncaim, 1967 , i leith caitheamh agus cuimilt aon innealra nó gléasra a mhéadú faoin alt seo in aghaidh aon bhliana measúnachta, ní thabharfar aon liúntas faoi Chaibidil I de Chuid XV den Acht sin maidir leis an innealra nó an gléasra in aghaidh na bliana measúnachta sin nó aon bhliana measúnachta dá éis sin. | |
[EN] | (5) Más rud é, i gcás duine a mbeidh gairm nó trádáil á seoladh aige, go dtabhóidh sé, roimh an 6ú lá d'Aibreán, 1971, caiteachas ag athchóiriú innealra nó gléasra a bheidh á úsáid chun críocha na trádála nó na gairme agus nach mbeidh á úsáid chun innealra nó gléasra a mhonarú, ní bheidh méid an chaiteachais sin (muran inlamháilte amhlaidh é ar shlí eile) inlamháilte mar asbhaint le linn ríomh a bheith á dhéanamh chun críocha cánach ioncaim ar bhrabúis nó gnóchain nó caillteanais na trádála nó na gairme, agus, i gcás ina lamhálfar amhlaidh é, ní mheasfar gur caiteachas caipitil é chun aon cheann de chríocha na nAchtanna Cánach Ioncaim. | |
[EN] |
Ioncam ciste árachais saoil choigríche. |
5. —(1) Leasaítear leis seo alt 76 den Acht Cánach Ioncaim, 1967 , trí na fo-ailt seo a leanas a chur isteach i ndiaidh fho-alt (6): |
[EN] | “(7) I gcás— | |
[EN] | (a) aon urrúis a d'eisigh an tAire Airgeadais agus coinníoll sna téarmaí a shonraítear in alt 464 ag gabháil leo, nó | |
[EN] | (b) aon stoic nó urrúis eile lena mbaineann alt 474 agus a eisíodh agus ceachtar den dá choinníoll nó an dá choinníoll a shonraítear i bhfo-alt (2) den alt sin ag gabháil leo, | |
[EN] | a bheith de thuras na huaire ina gcuid d'infheistíochtaí chiste árachais saoil choigríche de chuid cuideachta árachais, ní bheidh an t-ioncam ó aon stoic nó urrúis acu sin, má chuirtear é chun críocha an chiste sin nó má athinfheistítear é ionas gur cuid den chiste sin é inchánaithe. | |
[EN] | (8) I gcás inar deimhin leis na Coimisinéirí Ioncaim go ndear nadh aon ioncam ó infheistíochtaí chiste árachais saoil choigríche de chuid chuideachta árachais a chur chun an Stáit agus a infheistiú, mar chuid d'infheistíochtaí an chiste sin, in aon stoic no urrúis a eisíodh mar a dúradh, ní bheidh cáin inmhuirir ar an ioncam sin agus déanfar, más gá sin, aon cháin a íocadh air a aisíoc leis an gcuideachta.”. | |
[EN] | (2) I gcás ina seolann cuideachta árachais ar sa Stát atá a ceannoifig aici gnó i dTuaisceart Éireann nó sa Bhreatain Mhór agus go bhfuil, faoi fhorálacha an dlí ansin ar comhréir le halt 237 den Acht Cánach Ioncaim, 1967 , díolúine ó cháin ioncaim inlamháilte i leith ioncaim ó infheistíochtaí agus taiscí is inchurtha i leith gnó blianachtaí pinsin, beidh feidhm ag alt 76 den Acht Cánach Ioncaim, 1967 , maidir leis an ioncam ionann is nach mbeadh éifeacht ag míreanna 1 (1) agus 2 de Chuid III den Séú Sceideal a ghabhann leis an Acht seo. | |
[EN] | (3) Beidh éifeacht ag mír 1 (2) de Chuid III den Sceideal sin faoi réir fho-alt (2) den alt seo. | |
[EN] | (4) Beidh feidhm ag alt 214 (5) den Acht Cánach Ioncaim, 1967 , ionann is dá bhfolódh an tagairt ann d'ioncam tagairt d'ioncam ar tugadh faoiseamh ó cháin ina leith faoin alt seo. | |
[EN] | (5) Leasaítear leis seo alt 237 (3) den Acht Cánach Ioncaim, 1967 , trí “fho-alt (3), (7) nó (8) d'alt 76” a chur in ionad “alt 76 (3)”. | |
[EN] |
Measúnachtaí a dhéanamh do bhlianta roimh 1963-64. |
6. —(1) I gcás ina mbeidh, tar éis an tAcht seo a rith, measúnacht don bhliain 1962-63 nó d'aon bhliain mheasúnachta roimhe sin le déanamh— |
[EN] | (a) faoi Sceideal A nó Sceideal B de réir alt 3 (1) den Acht Airgid, 1929 , nó | |
[EN] | (b) faoi Sceideal D nó Sceideal E de réir alt 9 (1) den Acht Airgeadais, 1944 ; | |
[EN] | féadfar aon mheasúnacht den sórt sin a dhéanamh ionann is dá mbeadh ag aisghairm mhír (b) den alt sin 3 (1) agus an ailt sin 9 (1) le halt 104 (2) den Acht Airgeadais, 1963 , agus leis an Séú Sceideal a ghabhann leis an Acht sin an éifeacht maidir le measúnachtaí a dhéanamh don bhliain 1962-63 nó d'aon bhliain mheasúnachta roimhe sin mar atá éifeacht aige maidir le measúnachtaí a dhéanamh don bhliain 1963-64 nó d'aon bhliain mheasúnachta ina dhiaidh sin. | |
[EN] | (2) I gcás ina mbeidh, tar éis an tAcht seo a rith, dhá mheasúnacht nó níos mó le déanamh don bhliain 1962-63 nó d'aon bhliain mheasúnachta roimhe sin ar dhuine faoi Sceideal A, B, D nó E, nó faoi aon dá Sceideal nó níos mó acu sin, beidh feidhm ag forálacha alt 183 den Acht Cánach Ioncaim, 1967 , maidir leis na measúnachtaí sin mar atá feidhm acu maidir le measúnachtaí don bhliain 1963-64 nó d'aon bhliain mheasúnachta ina dhiaidh sin. | |
[EN] |
Leasú ar alt 12 den Acht Airgeadais, 1967 . |
7. —Leasaítear leis seo alt 12 (2) den Acht Airgeadais, 1967 — |
[EN] | (a) trí “£500” a chur in ionad “£300” i mír (b) (i). | |
[EN] | (b) trí “£500-£450” a chur in ionad “£300-£250” i mír (b) (ii), agus | |
[EN] | (c) tríd an mír nua seo a leanas a chur leis— | |
[EN] | “(c) I gcás ina ndéanfaidh pearsa aonair a mbeidh éileamh déanta aige chuige sin agus a mbeidh tuairisceán san fhoirm fhorordaithe tugtha aige ar a ioncam a chruthú gur íoc sé sa bhliain mheasúnachta costais sláinte a tabhaíodh chun aireachas sláinte a sholáthar do dhaoine cáilithe agus is mó ná £100 sa chomhiomlán, ach aon chostais den sórt sin de bhreis ar £500 d'aon duine cáilithe áirithe a fhágáil as ríomh an chomhiomláin, beidh sé i dteideal, d'fhonn méid an ioncaim a muirearófar cáin iomcaim air ina leith a dhéanamh amach, go ndéanfar an méid a bheidh de bhreis ar £100 ag comhiomlán na gcostas sláinte sin arna ríomh amhlaidh a bhaint as a ioncam inmheasúnaithe agus is asbhaint í sin in ionad agus ní asbhaint í i dteannta asbhainte faoi mhír (a).”. | |
[EN] |
Leasú ar alt 125 den Acht Cánach Ioncaim, 1967 . |
8. —Leasaítear leis seo alt 125 (a) den Acht Cánach Ioncaim, 1967 , tríd an méid seo a leanas a chur leis— |
[EN] | “nach díolaíochtaí fostaí ó aon oifig nó fosaíocht faoi Bhanc na hÉireann a thosóidh sé a shealbhú ar an dáta, nó tar éis an dáta, a aistreofar gnó Bhanc Náisiúnta na hÉireann Teoranta agus an Bhainc Ibeirnigh Theoranta chun Banc na hÉireann”. | |
[EN] |
Leasú ar alt 138 den Acht Cánach Ioncaim, 1967 . |
9. —Leasaítear leis seo alt 138 den Acht Cánach Ioncaim, 1967 — |
[EN] | (a) trí “£424” a chur i bhfo-alt (1) in ionad “£394”, gach áit a bhfuil sé, “£249” a chur in ionad “£234” agus “£524” a chur in ionad “£494”; agus | |
[EN] | (b) trí “£249” a chur i bhfo-alt (2) in ionad “£234” sa dá áit a bhfuil sé agus “£274” a chur in ionad “£259”. | |
[EN] |
Leasú ar alt 141 den Acht Cánach Ioncaim, 1967 . |
10. —Leasaítear leis seo alt 141 den Acht Cánach Ioncaim, 1967 , trí na fo-ailt seo a leanas a chur in ionad fho-alt (1): |
[EN] | “(1) Má chruthaíonn an t-éilitheoir go maireann tráth ar bith in imeacht na bliana measúnachta aon leanbh leis— | |
[EN] | (a) atá faoi bhun 16 bliana d'aois, nó | |
[EN] | (b) más os cionn 16 bliana d'aois dó i dtosach na bliana sin— | |
[EN] | (i) atá ag fáil teagaisc lánaimsire in aon ollscoil, coláiste, scoil nó foras oideachais eile, nó | |
[EN] | (ii) atá faoi bhuan-éagumas mar gheall ar éiglíocht mheabhrach nó choirp chun é féin a chothabháil agus gur tháinig an buan-éagumas sin air sula raibh 21 bliain d'aois slán aige nó gur tar éis dó 21 bliain d'aois a shlánú ach le linn dó a bheith ag fáil teagaisc lánaimsire mar a dúradh a tháinig an buan-éagumas sin air, | |
[EN] | beidh, faoi réir forálacha an ailt seo, teideal aige i leith gach linbh den sórt sin chun na hasbhainte a shonraítear sa chéad fho-alt ina dhiaidh seo, | |
[EN] | (1A) Is í an asbhaint dá dtagraítear i bhfo-alt (1): | |
[EN] | (a) i gcás leanbh lena mbaineann mír (a) den fho-alt sin agus a gcruthóidh an t-éilitheoir faoi go raibh sé os cionn 11 bhliain d'aois i dtosach na bliana measúnachta, £150, agus i gcás aon linbh eile den sórt sin, £135: | |
[EN] | Ar choinníoll go ndéanfar na hasbhaintí go léir, ach amháin ceann acu, a thabharfar faoi fho-ailt (1) agus (2) i leith leanaí a mbeadh an t-éilitheoir, nó a mbeadh sé, ar iarratas a dhéanamh go cuí, i dteideal liúntas leanaí dóibh in imeacht na bliana measúnachta a laghdú £10 an ceann don bhliain 1969-70 agus £15 an ceann d'aon bhliain ina dhiaidh sin, | |
[EN] | (b) i gcás leanbh lena mbaineann fo-alt (1) (b) (i), £150, | |
[EN] | (c) i gcás leanbh lena mbaineann fo-alt (1) (b) (ii) agus a gcothabhálann an t-éilitheoir é go hiomlán nó go páirteach ar a chostas féin, £150 mura lú ná £150 a chaith an t-éilitheoir an bhliain mheasúnacht ag cothabháil an linbh, agus, i gcás inar lú ná £150 an méid a chaith an t-éilitheoir le cothabháil an linbh amhlaidh, an méid sin: | |
[EN] | Ar choinníoll— | |
[EN] | (i) gur asbhaint in ionad, agus nach asbhaint i dteannta, aon asbhaint a mbeadh teideal ag an éilitheoir chuici i leith an linbh faoi alt 142 aon asbhaint faoi fho-alt (1) (b) (ii); agus | |
[EN] | (ii) nach mbeidh an t-éilitheoir i dteideal níos mó ná asbhaint amháin faoi fho-alt (1) i leith an linbh chéanna. | |
[EN] | (1B) Sna forálacha sin roimhe seo den alt seo— | |
[EN] | folaíonn ‘leanbh’ leasleanbh agus leanbh neamhdhlisteanach ar phós a thuistí a chéile tar éis a bhreithe agus leanbh a bhfuil ordú uchtála faoin Acht Uchtála, 1952 , i bhfeidhm ina leith; | |
[EN] | ciallaíonn ‘liúntas leanaí’ liúntas faoi na hAchtanna Leasa Shóisialaigh (Liúntas Leanaí), 1944 go 1966.”. | |
[EN] |
Leasú ar alt 142 den Acht Cánach Ioncaim, 1967 . |
11. —Leasaítear leis seo alt 142 (1) den Acht Cánach Ioncaim, 1967 , trí “£256” a chur in ionad “£200” sa dá áit a bhfuil sé agus trí “£196” a chur in ionad “£140”. |
[EN] |
Leasú ar alt 157 den Acht Cánach Ioncaim, 1967 . |
12. —Cuirtear leis seo an mhír seo a leanas in ionad mhír (c) d'alt 157 den Acht Cánach Ioncaim, 1967 : |
[EN] | “(c) an t-ús, na blianachtaí agus na díbhinní, agus na tuaras tail, agus na pinsin eile go léir is iníoctha ag an mBanc le daoine a thosóidh ar oifig nó fostaíocht a shealbhú faoin mBanc ar an dáta, nó tar éis an dáta, a aistreofar gnó Bhanc Náisiúnta na hÉireann Teoranta agus an Bhainc Ibeirnigh Theoranta chun an Bhainc; agus”. | |
[EN] |
Leasú ar alt 193 den Acht Cánach Ioncaim, 1967 . |
13. —Leasaítear leis seo alt 193 den Acht Cánach Ioncaim, 1967 tríd an bhfo-alt seo a leanas a chur isteach i ndiaidh fho-alt (2): |
[EN] | “(2A) Chun críocha mhíreanna (c) agus (f) d'fho-alt (2), déanfar an sochar ó chomhiomlán na n-asbhaintí is inlamháilte fao fho-ailt (1) agus (2) d'alt 141 lena mbaineann an coinníoll a ghabhann le halt 141 (1A) (a) a leithroinnt ionann is dá mbeadh gach asbhaint den sórt sin cóimhéid leis an gcomhiomlán sin arna roinnt ar an uimhir asbhaintí den sórt sin.”. | |
[EN] |
Leasú ar alt 246 den Acht Cánach Ioncaim, 1967 . |
14. —Leasaítear leis seo alt 246 den Acht Cánach Ioncaim, 1967 tríd an bhfo-alt seo a leanas a chur isteach i ndiaidh fho-alt (1): |
[EN] | “(1A) (a) Ní thabharfar liúntas infheistíochta loingis faoi fho alt (1) i leith aon chaiteachas caipitiúil (cibé acu roimh dháta an Achta Airgeadais, 1969 , nó dá éis sin a tabhaíodh é) a chuirfear i gcuntas chun críocha aon deontais faoi chomhair an chaiteachais sin ón Aire Iompair agus Cumhachta faoin Acht um Dheontais Infheistíochta Loingis, 1969 . | |
[EN] | (b) I gcás ina mbeidh liúntas infheistíochta loingis tugtha faoi fho-alt (1) i leith caiteachas caipitiúil a chuirfear i gcuntas chun críocha deontas den sórt a luaitear i mír (a), tarraingeofar siar an liúntas infheistíochta loingis agus déanfar cibé measúnachtaí breise agus cibé coigeartuithe ar mheasúnachtaí is gá de dhroim deontas infheistíochta loingis a tharraingt siar nó liúntas tosaigh faoi Chaibidil I de Chuid XV a chur ina ionad.”. | |
[EN] |
Leasú ar alt 374 den Acht Cánach Ioncaim, 1967 . |
15. —Leasaítear leis seo alt 374 (2) den Acht Cánach Ioncaim, 1967 , trí “go dtí an 5ú lá d'Aibreán, 1990” a chur in ionad “go ceann na tréimhse cúig bliana fichead ón 25ú lá de Shamhain, 1958”. |
[EN] |
Leasú ar alt 402 den Acht Cánach Ioncaim, 1967 . |
16. —Leasaítear leis seo alt 402 den Acht Cánach Ioncaim, 1967 ,— |
[EN] | (a) trí “chúig bliana déag” a chur in ionad, ach amháin maidir le halt 405 den Acht sin, “dheich mbliana” gach áit a bhfuil na focail dheiridh sin, agus | |
[EN] | (b) trí “1990-91” a chur in ionad “1980-81” i mír (a) den choinníoll. | |
[EN] |
Leasú ar alt 523 den Acht Cánach Ioncaim, 1967 . |
17. —Leasaítear leis seo alt 523 den Acht Cánach Ioncaim, 1967 , tríd an bhfo-alt seo a leanas a chur leis— |
[EN] | “(5) Chun críocha fhomhíreanna (i) agus (ii) d'fho-alt (3) (b), déanfar an faoiseamh ó fhorcháin de dhroim chomhiomlán na n-asbhaintí is inlamháilte faoi fho-alt (1) agus (2) d'alt 141 lena mbaineann an coinníoll a ghabhann le fo-alt 141 (1A) (a) a roinnt ionann is dá mbeadh gach asbhaint acu sin cóimhéid leis an gcomhiomlán arna roinnt ar an uimhir asbhaintí den sórt sin.”. |