|
|||||
|
[EN] | ||
Uimhir 16 de 1972 | ||
[EN] |
ACHT NA BIOTÁILLE NEAMHAIBÍ (SRIANADH), 1972 | |
[An tiontú oifigiúil] |
ACHT DO LEASÚ ALT 2 d'ACHT NA BIOTÁILLE NEAMHAIBÍ (SRIANADH), 1947 , [12 Iúil, 1972] |
ACHTAÍTEAR AG AN OIREACHTAS MAR A LEANAS: | ||
[EN] |
Leasú ar alt 2 d'Acht na Biotáille Neamhaibí (Srianadh), 1947 . 1966, I.R. Uimh. 132. |
1. —(1) Amhail ar an agus ón 14ú lá d'Iúil, 1971, ní bheidh feidhm agus measfar nach raibh feidhm, ag an srianadh a forchuireadh le halt 2 (1) d'Acht na Biotáille Neamhaibí (Srianadh), 1947 , arna leasú le halt 1 d'Acht na Biotáille Neamhaibí (Srianadh), 1969 , maidir le vodka— |
[EN] | (a) arb é atá ann biotáille ar cuireadh blas uirthi nó ar meascadh táthchuid nó ábhar léi, | |
[EN] | (b) a allmhairíodh, agus | |
[EN] | (c) a dtaispeántar, tráth a allmhairithe, chun sástacht na gCoimisinéirí Ioncaim, gur sa Ríocht Aontaithe a monaraíodh é agus gur uaidh sin a coinsíníodh é. | |
[EN] | (2) Chun críocha an ailt seo ní mheasfar gur sa Ríocht Aontaithe a monaraíodh vodka mura rud é go ndearnadh sa Ríocht Aontaithe é as biotáille a monaraíodh ansin as ábhair seachas ábhair a thagann faoi Cheannteideal uimhir 22.08 nó faoi Cheannteideal uimhir 22.09 sa Cháinliosta sa Sceideal a ghabhann leis an Ordú d'Fhorchur Dleaohtanna (Uimh. 159) (Dleachtanna Custam agus Foirm an Cháinliosta Custam), 1966. | |
[EN] | (3) San alt seo ciallaíonn an abairt “an Ríocht Aontaithe” an Bhreatain Mhór, Tuaisceart Éireann, Oileán Mhanann agus Oileáin Mhuir nIocht. | |
[EN] |
Gearrtheideal agus comhlua. |
2. —(1) Féadfar Acht na Biotáille Neamhaibí (Srianadh), 1972 , a ghairm den Acht seo. |
[EN] | (2) Féadfar Achtanna na Biotáille Neamhaibí (Srianadh), 1947 go 1972, a ghairm d'Achtanna na Biotáille Neamhaibí (Srianadh), 1947 agus 1969, agus den Acht seo le chéile. |