|
|||||
|
An Chéad Lch. | Lch. Roimhe Seo (AN tACHT UM CHOMHAIRLE NÁISIÚNTA NA gCÁILÍOCHTAÍ OIDEACHAIS, 1979) | Ar Aghaidh (AN DARA SCEIDEAL Boird Staidéar) |
AN tACHT UM CHOMHAIRLE NÁISIÚNTA NA gCÁILÍOCHTAÍ OIDEACHAIS, 1979
[EN] | ||
[EN] |
AN CHÉAD SCEIDEAL An Chomhairle | |
1. Beidh vóta ag cathaoirleach na Comhairle, ag an Stiúrthóir agus ag gach comhalta eile den Chomhairle a bheidh i láthair ag cruinniú den Chomhairle. | ||
2. (1) Tionólfaidh an Chomhairle cibé líon cruinnithe is gá chun a feidhmeanna a chomhlíonadh. | ||
(2) Socróidh an tAire dáta, am agus ionad chéad chruinniú na Comhairle. | ||
3. Ochtar comhalta is córam do chruinniú den Chomhairle. | ||
4. Ag cruinniú den Chomhairle— | ||
(a) is é cathaoirleach na Comhairle, má bhíonn sé i láthair, a bheidh ina chathaoirleach ar an gcruinniú, | ||
(b) má bhíonn agus fad a bheidh cathaoirleach na Comhairle as láthair, nó oifig an chathaoirligh folamh, is é an leaschathaoirleach, má bhíonn sé i láthair, a bheidh ina chathaoirleach ar an gcruinniú, | ||
(c) má bhíonn agus fad a bheidh cathaoirleach na Comhairle as láthair nó oifig an chathaoirligh folamh agus go mbeidh leas-chathaoirleach na Comhairle as láthair nó oifig an leas-chathaoirligh folamh, roghnóidh na comhaltaí den Chomhairle a bheidh i láthair duine dá líon chun bheith ina chathaoirleach ar an gcruinniú. | ||
5. Déanfar gach ceist ag cruinniú den Chomhairle a mbeidh easaontas ina taobh i measc na gcomhaltaí a bheidh i láthair a chinneadh le tromlach vótaí na gcomhaltaí a bheidh i láthair agus a vótálfaidh ar an gceist agus, i gcás na vótaí a bheith roinnte go cothrom, beidh an dara vóta nó vóta réitigh ag cathaoirleach an chruinnithe. | ||
6. Faoi réir Airteagal 3 den Sceideal seo, féadfaidh an Chomhairle gníomhú d'ainneoin folúntas nó folúntais i measc a comhaltaí. | ||
7. Féadfaidh an Chomhairle cibé feidhmeanna dá cuid is cuí léi a chomhlíonadh tríd an Stiúrthóir. | ||
8. Faoi réir forálacha an Achta seo rialálfaidh an Chomhairle, le buan-orduithe nó ar shlí eile, a nós imeachta agus a gnó. | ||
9. (1) Soláthroidh an Chomhairle séala di féin a luaithe is féidir tar éis a bunaithe. | ||
(2) Fíordheimhneofar séala na Comhairle le síniú chathaoirleach na Comhairle nó chomhalta den Chomhairle a bheidh údaraithe ag an gComhairle gníomhú chuige sin agus le síniú oifigeach a bheidh údaraithe ag an gComhairle gníomhú chuige sin. | ||
(3) Tabharfar aird bhreithiúnach ar shéala na Comhairle agus glacfar i bhfianaise gach doiciméad a airbheartóidh gur ionstraim é a rinne an Chomhairle agus a bheith séalaithe le séala (a airbheartóidh a bheith fíordheimhnithe de réir an Sceidil seo) na Comhairle agus measfar gurb é an ionstraim sin é gan a thuilleadh cruthúnais mura suífear a mhalairt. |