|
|||||
|
An Chéad Lch. | Lch. Roimhe Seo (CUID V Cáin Fháltas Caipitiúil) | Ar Aghaidh (AN CHÉAD SCEIDEAL Leasú ar Achtacháin) |
AN tACHT AIRGEADAIS, 1985
[EN] | ||
[EN] |
CUID VI Ilghnéitheach | |
[EN] |
An Cuntas Fuascailte Seirbhísí Caipitiúla. |
66. —(1) San alt seo— |
[EN] | ciallaíonn “an príomh-alt” alt 22 den Acht Airgeadais, 1950 ; | |
[EN] | ciallaíonn “alt leasaitheach 1984” alt 114 den Acht Airgeadais, 1984 ; | |
[EN] | ciallaíonn “an cúigiú blianacht bhreise is tríocha” an tsuim a mhuirearófar ar an bPríomh-Chiste faoi fho-alt (4); | |
[EN] | tá le “an tAire”, “an Cuntas” agus “seirbhísí caipitiúla” na bríonna céanna faoi seach atá leo sa phríomh-alt. | |
[EN] | (2) Maidir leis na naoi mbliana airgeadais is fiche comhleanúnacha dar tosach an bhliain airgeadais dar críoch an 31ú lá de Nollaig, 1985, beidh éifeacht le fo-alt (4) d'alt leasaitheach 1984 ach “£31,351,760” a chur in ionad “£32,706,344”. | |
[EN] | (3) Beidh éifeacht le fo-alt (6) d'alt leasaitheach 1984 ach “£22,604,148” a chur in ionad “£23,973,750”. | |
[EN] | (4) Déanfar suim £40,369,034 chun iasachtaí, mar aon le hús ar an gcéanna, i leith seirbhísí caipitiúla a fhuascailt, a mhuirearú go bliantúil ar an bPríomh-Chiste nó a thoradh fáis sa tríocha bliain airgeadais chomhleanúnach dar tosach an bhliain airgeadais dar críoch an 31ú lá de Nollaig, 1985. | |
[EN] | (5) Déanfar an cúigiú blianacht bhreise is tríocha a íoc isteach sa Chuntas ar cibé modh agus cibé tráthanna sa bhliain airgeadais iomchuí a chinnfidh an tAire. | |
[EN] | (6) Féadfar aon mhéid den chúigiú blianacht bhreise is tríocha, nach mó ná £31,028,550 aon bhliain airgeadais áirithe, a úsáid chun an t-ús ar an bhfiach poiblí a íoc. | |
[EN] | (7) Déanfar iarmhéid an cúigiú blianacht bhreise is tríocha a úsáid in aon cheann nó níos mó de na slite a shonraítear i bhfo-alt (6) den phríomh-alt. | |
[EN] |
Ús áirithe faoin Acht um Idirbhearta Airgeadais Stáit (Forálacha Speisialta). 1984, a íoc. |
67. —Is as an bPríomh-Chiste nó a thoradh fáis a dhéanfar íocaíochtaí maidir le hús a eascraíonn nó a d'eascair faoi alt 3 (2) den Acht um Idirbhearta Airgeadais Stáit (Forálacha Speisialta), 1984 . |
[EN] |
Comhshocraíochtaí airgeadais i ndáil le Bord Telecom Éireann. |
68. —(1) D'ainneoin aon ní san Acht Seirbhísí Poist agus Teileachumarsáide, 1983 , féadfaidh an tAire Airgeadais, tar éis dul i gcomhairle leis an Aire Cumarsáide agus le Bord Telecom Éireann (dá ngairtear “an chuideachta” san alt seo), a cheangal go ndéanfaidh an chuideachta íocaíochtaí leis, cibé tráthanna agus i cibé modh a cheapfaidh sé, i leith airgid a bheidh le haisíoc ag an gcuideachta chun tairbhe don Státchiste faoin Acht sin, agus féadfaidh an chuideachta, le toiliú an Aire Airgeadais agus an Aire Cumarsáide, aon chomhshocraíochtaí a dhéanamh is gá chun na híocaíochtaí sin a mhaoiniú. |
[EN] | (2) (a) Féadfaidh an tAire Airgeadais, tar éis dul i gcomhairle leis an Aire Cumarsáide, scaireanna a cheannach sa chuideachta chun oibreacha caipitiúla a mhaoiniú, agus déanfar aon scaireanna a cheannófar amhlaidh a eisiúint chuig an Aire Cumarsáide. | |
[EN] | (b) Airleacfar as an bPríomh-Chiste nó a thoradh fáis aon airgead a bheidh ag teastáil d'aon cheannach den sórt sin, suas go dtí méid nach mó ná £170,000,000. | |
[EN] | (3) Leasaítear leis seo an tAcht Seirbhísí Poist agus Teileachumarsáide, 1983 — | |
[EN] | (a) tríd an méid seo a leanas a chur isteach i ndiaidh fhomhír (ii) d'alt 10 (3) (b): | |
[EN] | “agus | |
[EN] | (iii) méid na scaireanna a bheidh eisithe chuig an Aire faoi alt 68 den Acht Airgeadais, 1985 ”, agus | |
[EN] | (b) trí “, agus in alt 68 den Acht Airgeadais, 1985 ” a chur isteach in alt 21 i ndiaidh “31”. | |
[EN] |
Urrúis arna n-eisiúint ag an Aire Airgeadais. |
69. —(1) San alt seo— |
[EN] | forléireofar “rialú” de réir fho-ailt (2) go (6) d'alt 102 den Acht Cánach Corparáide, 1976 , ach “daoine a chónaíonn i gcríoch iomchuí” a chur in ionad “cúig rannpháirtí nó níos lú” i bhfo-alt (6); | |
[EN] | ciallaíonn “cuideachta choigríche” cuideachta— | |
[EN] | (a) nach gcónaíonn sa Stát, agus | |
[EN] | (b) atá faoi rialú duine nó daoine a chónaíonn i gcríoch iomchuí; | |
[EN] | ciallaíonn “críoch iomchuí” Stáit Aontaithe Mheiriceá nó críoch a bhfuil comhshocraíochtaí a bhfuil feidhm dlí leo déanta lena rialtas de bhua alt 361 den Acht Cánach Ioncaim, 1967 ; | |
[EN] | ciallaíonn “trádáil iomchuí” trádáil atá á seoladh go hiomlán nó go formhór sa Stát, ach ní fholaíonn sé trádáil arb é atá inti go hiomlán nó go páirteach baincéireacht de réir bhrí Acht an Bhainc Ceannais, 1971 , gnó árachais de réir bhrí alt 3 den Acht Árachais, 1936 , miondíol earraí ná déileáil in urrúis: | |
[EN] | Ar choinníoll go measfar chun críocha an mhínithe seo nach earraí a mhiondíoltar earraí má dhíoltar iad— | |
[EN] | (a) le duine a sheolann trádáil ag díol earraí den aicme ina bhfuil na hearraí a dhíoltar leis, nó | |
[EN] | (b) le duine a úsáideann earraí den aicme sin chun críocha trádála a sheolann sé, nó | |
[EN] | (c) le duine, seachas pearsa aonair, a úsáideann earraí den aicme sin chun críocha gnóthais a sheolann sé; | |
[EN] | ciallaíonn “cuideachta cháilitheach” cuideachta— | |
[EN] | (a) (i) a chónaíonn sa Stát agus nach gcónaíonn in áit ar bith eile, | |
[EN] | (ii) arb é atá go hiomlán nó go formhór ina gnó— | |
[EN] | (I) trádáil iomchuí nó trádálacha iomchuí a sheoladh, nó | |
[EN] | (II) sealbhú stoc, scaireanna nó urrús de chuid cuid eachta atá ann go hiomlán nó go formhór chun trádáil iomchuí nó trádálacha iomchuí a sheoladh, | |
[EN] | agus | |
[EN] | (iii) a bhfuil cuid nach lú ná 90 faoin gcéad dá scairchaipiteal eisithe á sealbhú ag cuideachta choigríche nó cuideachtaí coigríche, nó ag duine nó daoine atá, go díreach nó go neamhdhíreach, faoi rialú ag cuideachta choigríche nó cuideachtaí coigríche; | |
[EN] | nó | |
[EN] | (b) is cuideachta choigríche a sheolann trádáil iomchuí trí bhrainse nó gníomhaireacht sa Stát. | |
[EN] | (2) Aon urrús a bhfuil sé de chumhacht ag an Aire Airgeadais é a eisiúint chun aon airgead nó iasacht a chruinniú féadfar é a eisiúint maille le coinníoll nach ndlífear cáin chorparáide a íoc i leith aon úis ar an urrús sin fad a bheidh an t-urrús á shealbhú go leanúnach, ó dháta a eisiúna, in úinéireacht thairbhiúil cuideachta cáilithí ar eisíodh an t-urrús chuici. | |
[EN] |
Cúram agus bainistí cánacha agus dleachtanna. |
70. —Déantar leis seo na cánacha agus na dleachtanna go léir (seachas na dleachtanna máil ar fheithiclí inneallghluaiste a fhorchuirtear le hailt 32 agus 33) a fhorchuirtear leis an Acht seo a chur faoi chúram agus faoi bhainistí na gCoimisinéirí Ioncaim. |
[EN] |
Gearrtheideal, forléiriú agus tosach feidhme. |
71. —(1) Féadfar an tAcht Airgeadais, 1985 , a ghairm den Acht seo. |
[EN] | (2) Déanfar Cuid I agus alt 69 (a mhéid a bhaineann le cáin ioncaim) a fhorléiriú i dteannta na nAchtanna Cánach Ioncaim agus (a mhéid a bhaineann le cáin chorparáide) a fhorléiriú i dteannta na nAchtanna Cánach Corparáide agus (a mhéid a bhaineann le cáin ghnóchan caipitiúil) a fhorléiriú i dteannta na nAchtanna um Cháin Ghnóchan Caipitiúil. | |
[EN] | (3) Déanfar Cuid II (a mhéid a bhaineann le custaim) a fhorléiriú i dteannta na nAchtanna Custam agus (a mhéid a bhaineann le dleachtanna máil) a fhorléiriú i dteannta na reachtanna a bhaineann leis na dleachtanna máil agus le bainistí na ndleachtanna sin. | |
[EN] | (4) Forléireofar Cuid III i dteannta na nAchtanna Cánach Breisluacha, 1972 go 1984, agus féadfar na hAchtanna Cánach Breisluacha, 1972 go 1985, a ghairm díobh le chéile. | |
[EN] | (5) Forléireofar Cuid IV i dteannta an Stamp Act, 1891, agus na n-achtachán ag leasú nó ag leathnú an Achta sin. | |
[EN] | (6) Déanfar Cuid V a fhorléiriú i dteannta an Achta um Cháin Fháltas Caipitiúil, 1976 , agus na n-achtachán ag leasú nó ag leathnú an Achta sin agus (a mhéid a bhaineann le cáin ioncaim) a fhorléiriú i dteannta na nAchtanna Cánach Ioncaim agus (a mhéid a bhaineann le cáin ghnóchan caipitiúil) a fhorléiriú i dteannta na nAchtanna um Cháin Ghnóchan Caipitiúil. | |
[EN] | (7) Measfar gur tháinig Cuid I i bhfeidhm agus glacfaidh sí éifeacht, ach amháin mar a fhoráiltear a mhalairt go sainráite inti, amhail ar an agus ón 6ú lá d'Aibreán, 1985. | |
[EN] | (8) Measfar gur tháinig Cuid III (seachas ailt 42, 45, 47 agus 52) i bhfeidhm agus glacfaidh sí éifeacht amhail ar an agus ón 1ú lá de Mhárta, 1985. | |
[EN] | (9) Ach amháin a mhéid a éilíonn an comhthéacs a mhalairt, forléireofar aon tagairt san Acht seo d'aon achtachán eile mar thagairt don achtachán sin arna leasú le haon achtachán eile, lena n-áirítear an tAcht seo, nó faoi. | |
[EN] | (10) San Acht seo, aon tagairt do Chuid, d'alt nó do Sceideal is tagairt í do Chuid nó d'alt den Acht seo, nó do Sceideal a ghabhann leis an Acht seo, mura gcuirtear in iúl gur tagairt d'achtachán éigin eile atá beartaithe. | |
[EN] | (11) San Acht seo, aon tagairt d'fho-alt, do mhír nó d'fhomhír is tagairt í don fho-alt, don mhír nó don fhomhír den fhoráil (lena n-áirítear Sceideal) ina bhfuil an tagairt, mura gcuirtear in iúl gur tagairt d'fhoráil éigin eile atá beartaithe. |