|
|||||
|
An Chéad Lch. | Lch. Roimhe Seo (CUID V Clubanna Cláraithe) | Ar Aghaidh (AN SCEIDEAL) |
AN tACHT DEOCHANNA MEISCIÚLA, 1988
[EN] | ||
[EN] |
CUID VI Ilghnéitheach | |
[EN] |
Forálacha i ndáil le deochanna meisciúla a dhíol in ollmhargaí, etc. |
47. —(1) Beidh feidhm ag an alt seo i ndáil le haon áitreabh nach ndéantar deochanna meisciúla a dhíol ann lena n-ól san áitreabh, ach ina ndéantar deochanna meisciúla a dhíol lena n-ól in áit nach san áitreabh ar scór eischeadúnais nó ar scór ar-cheadúnais fíona agus ina ndéantar tráchtearraí seachas deochanna meisciúla a mhiondíol. |
[EN] | (2) Ní bheidh feidhm ag an alt seo i ndáil le haon áitreabh arb é an t-aon ghnó amháin a dhéantar ann deochanna meisciúla a dhíol lena n-ól in áit nach san áitreabh chomh maith le tráchtearraí a dhíol a fhoghabhann leis an ngnó sin, fearacht toitíní, tobac, todóga, lasán, milseogra agus deochanna seachas deochanna meisciúla. | |
[EN] | (3) Ní dhéanfar, in aon áitreabh lena mbaineann an t-alt seo, deochanna meisciúla a dhíol ar mhodhanna féinseirbhíse agus ní dhíolfar san áitreabh iad ar bhealach seachas ó chuntar le haghaidh deochanna meisciúla. | |
[EN] | (4) Más rud é, in aon áitreabh lena mbaineann an t-alt seo, go ndéanfar sárú ar fhorálacha an ailt seo, beidh an sealbhóir ceadúnais i leith an áitribh ciontach i gcion agus dlífear, ar é a chiontú go hachomair, fíneáil nach mó ná £500 a chur air agus measfar, chun críocha Chuid III (a bhaineann le formhuiniú ceadúnas) d'Acht 1927, gur cion é lena mbaineann an Chuid sin den Acht sin. | |
[EN] | (5) San alt seo— | |
[EN] | ciallaíonn “modhanna féinseirbhíse” aon mhodh díola a ligeann do chustaiméir an rud atá á dhíol a fháil dó féin nuair a íocfaidh sé as nó sula n-íocfaidh sé as; | |
[EN] | ciallaíonn “cuntar le haghaidh deochanna meisciúla” cuntar, nó cuid ar leithligh den áitreabh ceadúnaithe lena mbaineann, nach ndíoltar tráchtearraí seachas deochanna meisciúla uaidh nó nach n-íoctar as na tráchtearraí sin aige. | |
[EN] | (6) Tiocfaidh an t-alt seo i ngníomh cibé lá a cheapfaidh an tAire le hordú. | |
[EN] |
Leasú ar alt 12 d'Acht 1927 (deimhnithe tighe bhidh). |
48. —Leasaítear leis seo alt 12 d'Acht 1927 tríd an bhfo-alt seo a leanas a chur isteach i ndiaidh fho-alt (1A) (a cuireadh isteach le halt 8 den Acht Deocha Meisciúla, 1943 ): |
[EN] | “(1B) Más rud é, tar éis iarratas a dhéanamh de bhun alt 4 d'Acht na gCúirteanna (Uimh. 2), 1986 , chuig oifigeach de chuid na gCoimisinéirí Ioncaim ar athnuachan ar-cheadúnais gan deimhniú ón gCúirt Dúiche a bheith tugtha ar aird, go n-iarrfaidh an t-iarratasóir ar an gCúirt a dheimhniú gur tigh bidh chun críocha an Achta seo an t-áitreabh a bhfuiltear ag iarraidh an archeadúnas a athnuachan ina leith, beidh feidhm agus éifeacht le forálacha fho-alt (1) den alt seo ionann is dá mba iarratas de réir an fho-ailt sin ar dheimhniú tighe bhidh an t-iarratas sin chun na Cúirte.”. | |
[EN] |
Leasú ar alt 18 d'Acht 1962 (ceadúnais do rásrianta cúnna). |
49. —Leasaítear leis seo alt 18 (2) d'Acht 1962 trí “tríocha nóiméad tar éis an ama a thosóidh an rás deireannach den chruinniú” a chur in ionad “an t-am a thosóidh an rás deireannach den chruinniú” i bhfomhír (ii). |
[EN] |
“Ceadúnas” in alt 4 d'Acht na gCúirteanna (Uimh. 2), 1986 . |
50. —Leasaítear leis seo alt 4 d'Acht na gCúirteanna (Uimh. 2), 1986 , trí “agus folaíonn sé ceadúnas arna dheonú faoi alt 13 den Refreshment Houses (Ireland) Act, 1860” a chur isteach i ndiaidh “chun go ndeonófar é” sa mhíniú ar “ceadúnas”. |
[EN] |
Fíneálacha a mhéadú. |
51. —Déantar leis seo gach foráil a luaitear i gcolún (2) den Sceideal a ghabhann leis an Acht seo den achtachán a luaitear i gcolún (1) den Sceideal sin os coinne lua na forála sa cholún sin (2) a leasú mar a shonraítear i gcolún (3) den Sceideal sin os coinne lua na forála sa cholún sin (2). |