|
|||||
|
[EN] | ||||||||||||||
| ||||||||||||||
Uimhir 33 de 1995 | ||||||||||||||
[EN] |
AN tACHT DEOCHANNA MEISCIÚLA, 1995 | |||||||||||||
[An tiontú oifigiúil] | ||||||||||||||
RIAR NA nALT | ||||||||||||||
| ||||||||||||||
| ||||||||||||||
Uimhir 33 de 1995 | ||||||||||||||
AN tACHT DEOCHANNA MEISCIÚLA, 1995 | ||||||||||||||
[An tiontú oifigiúil] | ||||||||||||||
ACHT DO LEASÚ AGUS DO LEATHNÚ NA nACHTANNA CEADÚNÚCHÁIN, 1833 GO 1994, DO LEASÚ ACHTANNA CLÁRÚ NA gCLUBANNA, 1904 GO 1988, AGUS DO DHÉANAMH SOCRÚ I dTAOBH NITHE COMHGHAOLMHARA. [21 Nollaig, 1995] | ||||||||||||||
ACHTAÍTEAR AG AN OIREACHTAS MAR A LEANAS: | ||||||||||||||
[EN] |
Mínithe. |
1. —San Acht seo— | ||||||||||||
[EN] | ciallaíonn “Acht 1927” an tAcht Deocha Meisciúla, 1927 ; | |||||||||||||
[EN] | ciallaíonn “Acht 1988” an tAcht Deochanna Meisciúla, 1988 . | |||||||||||||
[EN] |
Leasú ar alt 2 (tráthanna toirmiscthe i gcoitinne) d'Acht 1927. |
2. —Leasaítear leis seo alt 2 (a cuireadh isteach le halt 25 d'Acht 1988) d'Acht 1927 tríd an gcoinníoll seo a leanas a chur isteach i bhfo-alt (1): | ||||||||||||
[EN] | “Ar choinníoll, más rud é aon bhliain áirithe gur Domhnach é an 23ú nó an 24ú lá de Nollaig, ansin, maidir leis na forálacha den fho-alt seo a bhaineann le dálach i rith tréimhse nach tréimhse ama samhraidh, go mbeidh feidhm acu maidir le Domhnach den sórt sin amhail is dá mba dhálach den sórt sin é.”. | |||||||||||||
[EN] |
Leasú ar alt 3 (trádáil mheasctha) d'Acht 1927. |
3. —Leasaítear leis seo alt 3 (arna leasú le halt 8 den Acht Deocha Meisciúla, 1960 , agus le halt 3 den Acht Deochanna Meisciúla, 1962 ) d'Acht 1927, i bhfo-alt (1), tríd an méid seo a leanas a chur in ionad mhíreanna (i) agus (ii): | ||||||||||||
[EN] | “(i) i gcás áitreabh lena ngabhann ar-cheadúnas, idir leathuair tar éis a seacht a chlog agus leathuair tar éis a deich a chlog maidineacha dálach agus maidin Domhnaigh arb é an 23ú nó an 24ú lá de Nollaig é aon bhliain áirithe, agus | |||||||||||||
[EN] | (ii) i gcás áitreabh lena mbaineann eis-cheadúnas, idir a naoi a chlog agus leathuair tar éis a deich a chlog maidineacha dálach agus maidin Domhnaigh arb é an 23ú nó an 24ú lá de Nollaig é aon bhliain áirithe.”. | |||||||||||||
[EN] |
Leasú ar alt 13 (díolúintí d'óstáin agus do bhialanna) d'Acht 1927. |
4. —Leasaítear leis seo alt 13 (a cuireadh isteach le halt 28 d'Acht 1988) d'Acht 1927 tríd an gcoinníoll seo a leanas a chur isteach san alt sin: | ||||||||||||
[EN] | “Ar choinníoll, más rud é aon bhliain áirithe gur Domhnach é an 23ú nó an 24ú lá de Nollaig, ansin, maidir leis na forálacha den alt seo a bhaineann le dálach i rith tréimhse nach tréimhse ama samhraidh, go mbeidh feidhm acu, ach amháin i gcás ceadúnais sé lá, maidir le Domhnach den sórt sin amhail is dá mba dhálach den sórt sin é.”. | |||||||||||||
[EN] |
Leasú ar alt 56 (tráthanna toirmiscthe i gclubanna) d'Acht 1927. |
5. —(1) Leasaítear leis seo alt 56 (a cuireadh isteach le halt 26 d'Acht 1988) d'Acht 1927— | ||||||||||||
[EN] | (a) trí “i bhfo-ailt (1A), (2) agus (3)” a chur in ionad “i bhfo-ailt (2) agus (3)” i bhfo-alt (1), agus | |||||||||||||
[EN] | (b) tríd an bhfo-alt seo a leanas a chur isteach i ndiaidh fho-alt (1): | |||||||||||||
[EN] | “(1A) Más rud é aon bhliain áirithe gur Domhnach é an 23ú nó an 24ú lá de Nollaig, ansin, maidir leis na forálacha d'fho-alt (1) den alt seo a bhaineann le dálach i rith tréimhse nach tréimhse ama samhraidh, beidh feidhm acu maidir le Domhnach den sórt sin amhail is dá mba dhálach den sórt sin é.”, | |||||||||||||
[EN] | agus | |||||||||||||
[EN] | (c) tríd an gcoinníoll seo a leanas a chur isteach i bhfo-alt (2): | |||||||||||||
[EN] | “Ar choinníoll, más rud é aon bhliain áirithe gur Domhnach é an 23ú nó an 24ú lá de Nollaig, ansin, maidir leis na forálacha den fho-alt seo a bhaineann le dálach i rith tréimhse nach tréimhse ama samhraidh, go mbeidh feidhm acu maidir le Domhnach den sórt sin amhail is dá mba dhálach den sórt sin é.”. | |||||||||||||
[EN] | (2) (a) Chun críocha Achtanna Clárú na gClubanna, 1904 go 1988, measfar, ar feadh na hidirthréimhse, rialacha club a bheidh cláraithe faoi na hAchtanna sin ar dháta rite an Achta seo a bheith ar comhréir le forálacha alt 56, arna leasú leis an alt seo, d'Acht 1927. | |||||||||||||
[EN] | (b) San fho-alt seo ciallaíonn “idirthréimhse” an tréimhse dar tús dáta rite an Achta seo agus dar críoch an tráth a éagfaidh an deimhniú cláraitheachta maidir leis an gclub a bheidh i bhfeidhm dhá mhí tar éis an dáta sin, nó, más túisce a tharlóidh sin, an dáta a chuirfear rialacha an chlub ar comhréir le halt 56, arna leasú leis an alt seo, d'Acht 1927. | |||||||||||||
[EN] |
Leasú ar alt 14 (tráthanna toirmiscthe in áitribh a bhfuil ceadúnas bialainne speisialta acu) d'Acht 1988. |
6. —Leasaítear leis seo alt 14 d'Acht 1988, i bhfo-alt (1)— | ||||||||||||
[EN] | (a) trí “,nó aon Domhnach arb é an 23ú nó an 24ú lá de Nollaig é aon bhliain áirithe” a chur isteach i mír (i) i ndiaidh “aon dálach”, agus | |||||||||||||
[EN] | (b) trí “seachas Domhnach lena mbaineann mír (i) den fho-alt seo” a chur isteach i mír (ii) i ndiaidh “aon Domhnach”. | |||||||||||||
[EN] |
Gearrtheideal, comhlua agus forléiriú. |
7. —(1) Féadfar an tAcht Deochanna Meisciúla, 1995 , a ghairm den Acht seo. | ||||||||||||
[EN] | (2) (a) Féadfar na hAchtanna Ceadúnúcháin, 1833 go 1995, a ghairm de na hAchtanna Ceadúnúcháin, 1833 go 1994, agus den Acht seo, seachas alt 5 (2), le chéile, agus forléireofar le chéile iad mar aon ní amháin. | |||||||||||||
[EN] | (b) Féadfar Achtanna Clárú na gClubanna, 1904 go 1995, a ghairm d'Achtanna Clárú na gClubanna, 1904 go 1988, agus d'alt 5 (2) den Acht seo, le chéile, agus forléireofar le chéile iad mar aon ní amháin. |