|
|||||
|
An Chéad Lch. | Lch. Roimhe Seo (CUID 2 Mál ) | Ar Aghaidh (CUID 4 Dleachtanna Stampa ) |
TODO
[EN] | ||
[EN] |
CUID 3 Cáin Bhreisluacha | |
[EN] |
Léiriú (Cuid 3). |
92 .— Sa Chuid seo ciallaíonn “Príomh-Acht” an tAcht Cánach Breisluacha 1972. |
[EN] |
Leasú ar alt 1 (léiriú) den Phríomh-Acht. |
93 .— (1) Leasaítear alt 1 den Phríomh-Acht i bhfo-alt (1)— |
[EN] | (a) tríd an méid seo a leanas a chur isteach i ndiaidh an mhínithe ar “seirbhís talmhaíochta”: | |
[EN] | “ciallaíonn ‘soláthar coimhdeach’ soláthar, is cuid de sholáthar ilchodach, nach bhfuil indealaithe go fisiciúil agus go heacnamaíoch ó phríomhsholáthar agus nach féidir a sholáthar ach amháin i gcomhthéacs an príomhsholáthar sin a theachtadh níos fearr;”, | |
[EN] | (b) tríd an méid seo a leanas a chur isteach i ndiaidh an mhínithe ar “Comhphobal”: | |
[EN] | “ciallaíonn ‘soláthar ilchodach’ soláthar arna dhéanamh ag duine inchánach do chustaiméir arb éard atá ann dhá sholáthar earraí nó seirbhísí nó níos mó nó aon teaglaim díobh, arna soláthar i dteannta a chéile, ar príomhsholáthar ceann acu;”, | |
[EN] | (c) tríd an méid seo a leanas a chur isteach i ndiaidh an mhínithe ar “allmhairiú earraí”: | |
[EN] | “ciallaíonn ‘soláthar aonair’ soláthar earraí nó soláthar seirbhísí ar comhchuid é d’ilsoláthar agus atá indealaithe go fisiciúil agus go heacnamaíoch ó na hearraí eile nó na seirbhísí eile ar cuid den ilsoláthar sin iad, agus ar féidir é a sholáthar mar earra ann féin nó mar sheirbhís inti féin;”, | |
[EN] | (d) tríd an méid seo a leanas a chur isteach i ndiaidh an mhínithe ar “earraí sochorraithe”: | |
[EN] | “ciallaíonn ‘ilsoláthar’ dhá sholáthar aonair nó níos mó arna ndéanamh ag duine inchánach le custaiméir i gcás go ndéanfar na soláthairtí sin i dteannta a chéile ar chomaoin iomlán a chuimsíonn na soláthairtí aonair sin go léir, agus i gcás nach soláthar ilchodach na soláthairtí aonair sin;”, | |
[EN] | agus | |
[EN] | (e) tríd an méid seo a leanas a chur isteach i ndiaidh an mhínithe ar “duine a bheidh cláraithe i leith cánach breisluacha”: | |
[EN] | “ciallaíonn ‘príomhsholáthar’ an soláthar earraí nó seirbhísí arb éard atá ann an phríomhghné de sholáthar ilchodach agus ar coimhdeach leis aon soláthar eile is cuid den soláthar ilchodach sin;”. | |
[EN] | (2) Tagann fo-alt (1) i ngníomh cibé lá a cheapfaidh an tAire Airgeadais le hordú. | |
[EN] |
Leasú ar alt 5 (seirbhísí a sholáthar) den Phríomh-Acht. |
94 .— Leasaítear alt 5 den Phríomh-Acht i bhfo-alt (3) tríd an méid seo a leanas a chur in ionad mhíreanna (a) go (d): |
[EN] | “(a) earraí is cuid de shócmhainní gnó a úsáid— | |
[EN] | (i) chun úsáide príobháidí duine inchánach nó fhoireann an duine sin, nó | |
[EN] | (ii) chun aon chríocha seachas críocha ghnó an duine inchánach, | |
[EN] | i gcás go bhfuil an cháin ar na hearraí sin inasbhainte go hiomlán nó go páirteach, | |
[EN] | (b) seirbhísí a sholáthar a thug duine inchánach in aisce chun úsáide príobháidí an duine sin féin nó fhoireann an duine sin nó chun aon chríocha seachas críocha ghnó an duine sin, | |
[EN] | (c) duine inchánach do sholáthar seirbhísí chun críocha ghnó an duine sin i gcás nach mbeadh an cháin ar na seirbhísí sin, dá mba dhuine inchánach eile a sholáthair iad, inasbhainte go hiomlán.”. | |
[EN] |
Leasú ar alt 8 (daoine inchánach) den Phríomh-Acht. |
95 .— Leasaítear alt 8 den Phríomh-Acht— |
[EN] | (a) i bhfo-ailt (3), (3A) agus (9), le héifeacht ón 1 Bealtaine 2006, trí “€27,500” a chur in ionad “€25,500” agus trí “€55,000” a chur in ionad “€51,000” cibé áit a bhfuil sé, agus | |
[EN] | (b) i bhfo-alt (8) mír (a) trí “más dóigh leo gur gá nó gur cuí chun críche riaradh éifeachtach agus éifeachtúil na cánach, lena n-áirítear í a bhailiú, sin a dhéanamh,” a chur in ionad “go mbeadh sé fóirsteanach, ar mhaithe le riaradh éifeachtúil na cánach sin a dhéanamh”. | |
[EN] |
Leasú ar alt 10 (an méid ar ar inmhuirearaithe cáin) den Phríomh-Acht. |
96 .— Leasaítear alt 10 den Phríomh-Acht i bhfo-alt (4)— |
[EN] | (a) trí “chun críocha mhír (a) nó (b) d’alt 5(3)” a chur in ionad “chun críocha alt 5(3)”, agus | |
[EN] | (b) trí “, agus is é margadhluach oscailte na seirbhísí a sholáthrófar an méid ar ar inmhuirearaithe cáin i ndáil le soláthar seirbhísí de bhua rialachán arna ndéanamh chun críocha alt 5(3)(c)” a chur isteach i ndiaidh “de réir mar a bheidh”. | |
[EN] |
Leasú ar alt 11 (rátaí cánach) den Phríomh-Acht. |
97 .— (1) Leasaítear alt 11 den Phríomh-Acht — |
[EN] | (a) i bhfo-alt (1B) tríd an méid seo a leanas a chur in ionad mhír (c): | |
[EN] | “(c) Beidh éifeacht le cinneadh faoin bhfo-alt seo chun críocha uile an Achta seo— | |
[EN] | (i) i ndáil le duine inchánach a dhéanfaidh iarratas ar an gcinneadh, amhail ar agus ón dáta a shonrófar chun na críche sin sa chinneadh a chuirfear in iúl don duine inchánach de réir mhír (e)(i), agus | |
[EN] | (ii) i ndáil le haon duine eile, amhail ar agus ón dáta a shonrófar chun na críche sin sa chinneadh arna fhoilsiú san Iris Oifigiúil.”, | |
[EN] | agus | |
[EN] | (b) tríd an méid seo a leanas a chur in ionad fho-alt (3): | |
[EN] | “(3) (a) Faoi réir alt 10(8)— | |
[EN] | (i) i gcás soláthair ilchodaigh, maidir leis an gcáin is inmhuirearaithe ar an gcomaoin iomlán a mbeidh an duine inchánach i dteideal a fháil i leith an tsoláthair ilchodaigh sin, beidh sí de réir an ráta arna shonrú i bhfo-alt (1) is cuí don phríomhsholáthar, ach más gníomhaíocht dhíolmhaithe an príomhsholáthar sin, ní bheidh cáin inmhuirearaithe i leith an tsoláthair ilchodaigh sin, | |
[EN] | (ii) i gcás ilsoláthair, maidir leis an gcáin is inmhuirearaithe ar gach soláthar aonair san ilsoláthar sin, beidh sí de réir an ráta arna shonrú i bhfo-alt (1) is cuí do gach soláthar aonair den sórt sin agus, d’fhonn an méid inchánach is inchurtha i leith gach soláthair aonair a fháil amach chun an ráta cuí a chur chun feidhme i ndáil leis an méid sin, déanfar an chomaoin iomlán a mbeidh an duine inchánach i dteideal a fháil i leith an ilsoláthair sin a chionroinnt idir na soláthairtí aonair sin ar shlí a léireoidh i gceart an cóimheas atá idir luach gach soláthair aonair den sórt sin agus iomlán na comaoine i leith an ilsoláthair sin. | |
[EN] | (b) I gcás ina bhfaighidh duine soláthar ilchodach nó ilsoláthar trína fháil laistigh den Chomhphobal, beidh feidhm ag forálacha an fho-ailt seo maidir leis an bhfáil sin. | |
[EN] | (c) Féadfaidh na Coimisinéirí Ioncaim rialacháin a dhéanamh de réir mar is gá ina sonrófar na nithe seo a leanas— | |
[EN] | (i) na himthosca nó na coinníollacha a bhféadfar nó nach bhféadfar déileáil fúthu le soláthar mar sholáthar coimhdeach, mar sholáthar ilchodach, mar sholáthar aonair, mar ilsoláthar nó mar phríomhsholáthar, | |
[EN] | (ii) na modhanna cionroinnte a fhéadfar a chur chun feidhme chun críocha mhíreanna (a) agus (b), | |
[EN] | (iii) méid íosta, nó gné de sholáthar, a bhféadfar neamhshuim a dhéanamh de nó di chun an fo-alt seo a chur chun feidhme.”. | |
[EN] | (2) Tagann mír (b) d’fho-alt (1) i ngníomh cibé lá a cheapfaidh an tAire Airgeadais le hordú. | |
[EN] |
Leasú ar alt 12 (asbhaint i leith cáin a iompraíodh nó a íocadh) den Phríomh-Acht. |
98 .— Leasaítear alt 12 den Phríomh-Acht i bhfo-alt (1)(b)— |
[EN] | (a) trí “lasmuigh den Chomhphobal,” a chur in ionad “lasmuigh den Chomhphobal, agus” i bhfomhír (ii)(II), agus | |
[EN] | (b) tríd an méid seo a leanas a chur isteach i ndiaidh fhomhír (ii): | |
[EN] | “(iia) seirbhísí arb éard iad an duine inchánach d’eisiúint stoic nua, scaireanna nua, bintiúir nua nó urrúis nua eile a mhéid go ndéanfar an eisiúint sin d’fhonn caipiteal a chruinniú chun críocha soláthairtí inchánach an duine inchánach, agus”. | |
[EN] |
Leasú ar alt 32 (rialacháin) den Phríomh-Acht. |
99 .— (1) Leasaítear alt 32 den Phríomh-Acht— |
[EN] | (a) tríd an méid seo a leanas a chur in ionad fho-alt (1)(e): | |
[EN] | “(e) (i) an tslí ina bhféadfar aon mhéid áirithe a chionroinnt, lena n-áirítear na modhanna cionroinnte a fhéadfar a chur chun feidhme chun críocha mhíreanna (a) agus (b) d’alt 11(3), | |
[EN] | (ii) na himthosca nó na coinníollacha a bhféadfar nó nach bhféadfar déileáil fúthu le soláthar mar sholáthar coimhdeach, mar sholáthar ilchodach, mar sholáthar aonair, mar ilsoláthar nó mar phríomhsholáthar, | |
[EN] | (iii) méid réasúnta beag, nó gné de sholáthar, a bhféadfar neamhshuim a dhéanamh de nó di chun alt 11(3) a chur chun feidhme;”, | |
[EN] | agus | |
[EN] | (b) tríd an méid seo a leanas a chur isteach i ndiaidh fho-alt (2A): | |
[EN] | “(2B) Féadfaidh cibé forálacha teagmhasacha, forlíontacha agus iarmhartacha a bheith i rialacháin faoin Acht seo is dóigh leis na Coimisinéirí Ioncaim a bheith riachtanach chun lánéifeacht a thabhairt— | |
[EN] | (a) do Threoir Uimh. 77/388/CEE an 17 Bealtaine 1977 ón gComhairle 19 , | |
[EN] | (b) do Threoir Uimh. 79/1072/CEE an 6 Nollaig 1979 ón gComhairle 20 , | |
[EN] | (c) do Threoir Uimh. 86/560/CEE an 17 Samhain 1986 ón gComhairle 21 .”. | |
[EN] | (2) Tagann mír (a) d’fho-alt (1) i ngníomh cibé lá a cheapfaidh an tAire Airgeadais le hordú. | |
[EN] |
Leasú ar an gCéad Sceideal a ghabhann leis an bPríomh-Acht. |
100 .— Leasaítear an Chéad Sceideal (a cuireadh isteach leis an Acht Cánach Breisluacha (Leasú) 1978) a ghabhann leis an bPríomh-Acht |
[EN] | (a) i mír (i)(a), trí “seachas stoic nua, scaireanna nua, bintiúir nua nó urrúis nua a eisiúint chun go gcruinneofar caipiteal,” a chur isteach i ndiaidh “a eisiúint,”, agus | |
[EN] | (b) i mír (i)(b), trí eisiúint stoc, scaireanna, bintiúr nó urrús eile, seachas doiciméid a shuíonn teideal chun earraí,” a chur in ionad “eisiúna a shonraítear i bhfomhír (a),”. | |
[EN] |
Leasú ar an Séú Sceideal a ghabhann leis an bPríomh-Acht. |
101 .— Le héifeacht ón 1 Bealtaine 2006, leasaítear an Séú Sceideal a ghabhann leis an bPríomh-Acht i míreanna (viib) agus (viic) trí “€27,500” a chur in ionad “€25,500”. |
19 OJ Uimh. L145 an 13.6.1977, lch. 1 |