|
|||||
|
An Chéad Lch. | Lch. Roimhe Seo (CUID 2 Cumann Cógaiseoirí na hÉireann ) | Ar Aghaidh (CUID 4 Córas Clárúcháin Cógaisíochta ) |
TODO
[EN] | ||
[EN] |
CUID 3 Comhairle an Chumainn | |
[EN] |
Comhairle an Chumainn. |
10 .— (1) Beidh Comhairle ag an gCumann. |
[EN] | (2) 21 duine a bheidh sa Chomhairle ar daoine iad a bheidh ceaptha ag an Aire. | |
[EN] | (3) Maidir leis an 21 duine sin— | |
[EN] | (a) ainmneoidh Bord Leigheasra na hÉireann duine díobh mar ionadaí do bhainistíocht rialáil táirgí íocshláinte, | |
[EN] | (b) ainmneoidh Feidhmeannacht na Seirbhíse Sláinte duine díobh mar ionadaí do bhainistíocht na hearnála sláinte poiblí, | |
[EN] | (c) beidh duine amháin díobh ina dhuine nó ina duine ar dealraitheach don Aire é nó í a bheith ionadaitheach do sholáthar na forbartha gairmiúla leanúnaí i ndáil le cógaisíocht, | |
[EN] | (d) beidh 3 díobh ina ndaoine ag a bhfuil cibé cáilíochtaí, saineolas, leasanna nó taithí (nó cibé teaglaim de chinn díobh) a chuirfeadh ar a gcumas, i dtuairim an Aire, fónamh go substaintiúil do chomhlíonadh fheidhmeanna an Chumainn, | |
[EN] | (e) beidh 11 díobh (lena n-áirítear na daoine dá dtagraítear i míreanna (a) go (d)) ina ndaoine nach bhfuil agus nach raibh riamh— | |
[EN] | (i) cláraithe mar chógaiseoirí ná (roimh theacht i ngníomh do Chuid 4) mar phoitigéirí cógaisíochta ná mar phoitigéirí agus drugadóirí urghnaimh, ná | |
[EN] | (ii) cláraithe lasmuigh den Stát, nó cáilithe ansin ar shlí eile, mar chógaiseoirí, | |
[EN] | (f) beidh 9 díobh ina gcomhaltaí, de réir rialachán arna ndéanamh faoi alt 11(2)(b), den Chumann arna roghnú ag a chomhaltaí, agus | |
[EN] | (g) beidh duine díobh ina chomhalta nó ina comhalta den Chumann arna roghnú mar ionadaí do bhunachais oideachais tríú leibhéal a sheolann oideachas, oiliúint nó taighde sa chógaisíocht— | |
[EN] | (i) ag déin scoileanna cógaisíochta na mbunachas sin (lena n-áirítear, i gcás nach mbeidh aon déan den sórt sin ann, ag an duine arb ionann a fheidhmeanna nó a feidhmeanna agus feidhmeanna a d’fhéadfadh déan a chomhall, nó arb iad a fheidhmeanna nó a feidhmeanna is mó a d’fhreagródh dóibh siúd a d’fhéadfadh déan a chomhall), agus | |
[EN] | (ii) ag cinn na mbunachas sin. | |
[EN] | (4) Le linn— | |
[EN] | (a) ainmniúcháin a dhéanamh faoi fho-alt (3)(a) agus (b), déanfaidh na comhlachtaí dá dtagraítear ansin, agus | |
[EN] | (b) ceapacháin a dhéanamh a dhéanamh de bhun fho-alt (3)(c), (d) agus (e), déanfaidh an tAire, | |
[EN] | aird a thabhairt ar a inmhianaithe a bheidh sé a chinntiú go mbeidh na daoine a ainmneofar nó, de réir mar a bheidh, a cheapfar ionadaitheach do leas an phobail freisin. | |
[EN] | (5) I ndáil leis an gcéad Chomhairle a cheapfar i ndiaidh bhunú an Chumainn, is comhaltaí de Chomhairle an tsean-Chumainn iad an 9 nduine dá dtagraítear i bhfo-alt (3)(f) arna roghnú chun críocha an ailt seo ag comhaltaí Chomhairle an tsean-Chumainn roimh a urscaoileadh. | |
[EN] | (6) Beidh feidhm ag Sceideal 1 i ndáil leis an gComhairle agus lena cuid comhaltaí agus le fostaithe an Chumainn. | |
[EN] | (7) Ní ceadmhach don Aire diúltú duine a cheapadh chun na Comhairle is duine a ainmníodh faoi mhír (a) nó (b) d’fho-alt (3) nó faoi mhír (f) (arna léamh le fo-alt (5)) nó (g) d’fho-alt (3). | |
[EN] |
Feidhmeanna na Comhairle agus iad a tharmligean. |
11 .— (1) Faoi réir an Achta seo, is í an Chomhairle a chomhlíonfaidh feidhmeanna an Chumainn thar a cheann. |
[EN] | (2) Féadfaidh an Chomhairle rialacha a dhéanamh— | |
[EN] | (a) chun aon rud a rialáil nó a fhorordú, is rud a fhéadfar a fhorordú de réir aon fhorála den Acht seo, | |
[EN] | (b) chun cibé foráil is cuí léi a dhéanamh chun comhlíonadh a cuid feidhmeanna faoin Acht seo a éascú. | |
[EN] | (3) Déanfaidh an Chomhairle rialacha chun aon rud a bhaineann le hoideachas nó le hoiliúint agus a bheidh le forordú de réir an Achta seo a rialáil nó a fhorordú. | |
[EN] | (4) Ní ceadmhach don Chomhairle rialacha a dhéanamh faoi fho-alt (2) nó (3) chun aon chríche dá bhféadfaidh an tAire rialacháin a dhéanamh faoi alt 18 . | |
[EN] | (5) Beidh rialacha arna ndéanamh faoi fho-alt (2) nó (3) faoi réir thoiliú an Aire agus, nuair a bheidh siad déanta ag an gComhairle, déanfaidh sí— | |
[EN] | (a) iad a chur faoi bhráid an Aire lena leagan faoi bhráid gach Tí den Oireachtas, agus | |
[EN] | (b) iad a fhoilsiú ar cibé modh a chinnfidh sí. | |
[EN] | (6) Déanfaidh an Chomhairle, ar an modh forordaithe— | |
[EN] | (a) dréacht a fhoilsiú de na rialacha a bheartaíonn sí a dhéanamh faoin alt seo, agus | |
[EN] | (b) mar aon leis an dréacht, iarraidh a fhoilsiú don phobal chun go ndéanfaidís trácht ar an dréacht faoi cibé dáta a shonraítear san iarraidh. | |
[EN] | (7) Beidh cibé feidhmeanna breise ag an gComhairle a shanntar di leis an Acht seo nó faoi. | |
[EN] | (8) Féadfaidh an Chomhairle aon cheann dá feidhmeanna a tharmligean chuig aon cheann dá coistí nó chuig an gcláraitheoir nó chuig aon fhostaí eile den Chumann agus, i gcás go dtarmligfidh sí feidhm do choiste, leathnófar sainchúram an choiste faoin Acht seo dá réir sin. | |
[EN] |
Cóid iompair: tagairt don Údarás Iomaíochta agus do thoiliú an Aire. |
12 .— (1) Le linn an fheidhm dá dtagraítear in alt 7 (2)(a)(iii) a chomhlíonadh, déanfaidh an Chomhairle— |
[EN] | (a) sula dtabharfaidh sí éifeacht do chód iompair, dréacht de a chur faoi bhráid an Údaráis Iomaíochta chun a thuairim a fháil faoin dóigh go ndéanfaí iomaíocht a chosc, a shrianadh nó a shaobhadh de thoradh aon fhorála den dréachtchód, dá dtabharfaí éifeacht di, agus | |
[EN] | (b) a iarraidh go dtabharfar an tuairim i scríbhinn don Chomhairle roimh an dáta a bheidh sonraithe san iarraidh. | |
[EN] | (2) Más rud é, roimh an dáta sin, go bhfaigheann an Chomhairle tuairim scríofa ón Údarás Iomaíochta gur dóigh go mbeadh an toradh dá dtagraítear i bhfo-alt (1) ar fhoráil den dréachtchód, dá dtabharfaí éifeacht di, déanfaidh an Chomhairle— | |
[EN] | (a) agus an tuairim á cur i gcuntas, an dréachtchód a athrú ionas go gcuirfear an toradh sin ar ceal, nó | |
[EN] | (b) mura n-athraíonn siad an dréachtchód amhlaidh, cóip den tuairim, agus ráiteas scríofa ar na cúiseanna a bhí aici gan an dréachtchód a athrú faoi mhír (a), a sholáthar don Aire nuair a bheidh sé á chur faoi bhráid an Aire le haghaidh a thoilithe nó a toilithe faoi fho-alt (3). | |
[EN] | (3) Beidh cód iompair faoi réir thoiliú an Aire. | |
[EN] | (4) Beidh feidhm freisin ag fo-ailt (1) go (3) i ndáil le leasú ar chód iompair agus (ach tagairtí do thogra chun cód iompair a chúlghairm a chur in ionad na dtagairtí sna fo-ailt sin don dréachtchód nó aon d’fhoráil a bheidh ann) i ndáil le cód iompair a chúlghairm. | |
[EN] | (5) A luaithe is indéanta tar éis éifeacht a thabhairt do chód iompair, déanfaidh an Chomhairle— | |
[EN] | (a) é a fhoilsiú ar cibé modh a chinnfidh sí, agus | |
[EN] | (b) é a chur faoi bhráid an Aire lena leagan faoi bhráid gach Tí den Oireachtas. |