[EN]
| |
[EN] | |
SCEIDEAL 1
Leasú Iarmhartach ar Achtanna Áirithe
|
[EN]
| |
Alt 4(2).
|
| |
CUID 1
Leasú ar an Acht Radio-Thelegrafaíochta 1926
|
| |
Ítim
|
An fhoráil a cuireadh isteach nó dá ndéantar difear
|
An Leasú
|
1.
|
Alt 2
|
In alt 2, na mínithe seo a leanas a chur isteach roimh an míniú ar “an tAire”:
“ach amháin mar a fhoráiltear le halt 9, ciallaíonn an focal ‘an t-údarás iomchuí’―
(a) i ndáil le gléas teilifíse a úsáid, an tAire Cumarsáide, Mara agus Acmhainní Nádúrtha, agus
(b) i ndáil le gaireas raidió-theileagrafaíochta a bhaineann le sábháilteacht, slándáil agus oibriú long agus soithí (lena n-áirítear na deimhnithe inniúlachta chun gaireas le haghaidh raidió-theileagrafaíochta ar longa agus soithí a oibriú), an tAire Iompair, agus
(c) i ndáil le haon ábhar eile, an Coimisiún;
ciallaíonn an abairt ‘an Coimisiún’ an Coimisiún um Rialáil Cumarsáide a bhunaítear le Cuid 2 den Acht um Rialáil Cumarsáide 2002;”.
|
2
|
Alt 2A
|
An méid seo a leanas a chur isteach i ndiaidh alt 2:
“An tAire Iompair do dhul i gcomhairle le húdaráis eile sula ndéanfaidh sé nó sí rialacháin nó orduithe.
2A.—(1) Ní ceadmhach don Aire Iompair rialacháin nó orduithe a dhéanamh faoin Acht seo ach amháin tar éis dó nó di dul i gcomhairle leis an gCoimisiún agus leis an Aire Cumarsáide, Mara agus Acmhainní Nádúrtha.
(2) Ní bheidh aon éifeacht le rialacháin nó orduithe a dhéanfar de shárú ar fho-alt (1).”.
|
3.
|
Alt 3(6)
|
“an údarás iomchuí” a chur in ionad “an Aire”.
|
4.
|
Alt 5
|
(a) I bhfo-alt (1) “an t-údarás iomchuí” a chur in ionad “an tAire”.
(b) An fo-alt seo a leanas a chur in ionad fho-alt (1B):
“(1B) Féadfaidh an tAire, le hordú, a dhearbhú go gcomhlíonfaidh Radio Telefís Éireann na feidhmeanna arb éard iad ceadúnais maidir le gléas chun glactha amháin a dheonú faoin Acht seo, agus chun táillí a bhailiú i leith na gceadúnas sin thar ceann an Aire. Fad a fhanfaidh aon ordú den sórt sin i bhfeidhm, beidh feidhm ag na forálacha seo a leanas:
(a) Radio Telefís Éireann amháin a chomhlíonfaidh na feidhmeanna sin;
(b) beidh ag Radio Telefís Éireann na cumhachtaí go léir is gá chun alt 3(1) a fhorfheidhmiú i ndáil le gléas is gléas chun glactha amháin, agus féadfaidh sé iad a fheidhmiú;
(c) beidh éifeacht le hailt 7 agus 8 i ndáil le gléas chun glactha amháin amhail is dá bhfolódh gach tagairt don údarás iomchuí tagairt do Radio Telefís Éireann;
(d) féadfaidh an tAire nó Radio Telefís Éireann nó duine éigin eile a bheidh údaraithe le dlí chun cionta a ionchúiseamh ionchúisimh faoi alt 3(3) i ndáil le gléas chun glactha amháin, agus ionchúisimh faoi alt 7(3) i ndáil le fógra a rinne Radio Telefís Éireann a sheirbheáil, a ionchúiseamh, d’ainneoin alt 13.
Féadfaidh an tAire, aon tráth, ordú atá i bhfeidhm faoin bhfo-alt seo a leasú nó a chúlghairm.”.
(c) I bhfo-alt (2), “an t-údarás iomchuí” a chur in ionad “an tAire”.
|
5.
|
Alt 6
|
(a) I bhfo-alt (1), “an t-údarás iomchuí” a chur in ionad “an tAire”.
(b) I bhfo-alt (1)(d) agus (g), “an t-údarás sin” a chur in ionad “an tAire” agus “don údarás sin” a chur in ionad “don Aire”.
(c) I bhfo-alt (2), “a shásóidh an t-údarás iomchuí maidir leis an duine” a chur in ionad “a chuirfidh ina luighe ar an Aire”.
(d) I bhfo-alt (2A) (a cuireadh isteach le halt 17(2) den Acht Craolacháin 1990), “Má cheapann an t-údarás iomchuí é a bheith fóirsteanach déanamh amhlaidh féadfaidh sé” a chur in ionad “Má cheapann an tAire é bheith fóirsteanach féadfaidh sé”.
(e) I bhfo-alt (2A), “an údarás sin” a chur in ionad “an Aire” sa dara háit a bhfuil sé.
|
6.
|
Alt 7
|
(a) An méid seo a leanas a chur in ionad fho-alt (1):
“(1) Féadfaidh an t-údarás iomchuí, aon tráth is dóigh leis gur ceart é a dhéanamh, fógra speisialta, a mbeidh foirm dearbhaithe ag gabháil leis nó ann, a sheirbheáil ar dhuine á cheangal ar an duine―
(a) cibé ní amháin nó níos mó de na nithe a shonraítear i bhfo-alt (2) agus atá sonraithe san fhógra a rá ar an bhfoirm dearbhaithe, agus
(b) an dearbhú a chomhlánú agus a shíniú, agus
(c) an dearbhú comhlánaithe a thabhairt d’oifigeach údaraithe don údarás sin nó a sheoladh chuige nó chuici tríd an bpost.
Ní foláir an fógra speisialta a bheith i scríbhinn agus é a chur tríd an bpost cláraithe.”.
(b) I bhfo-alt (3), “laistigh de na 14 lá tar éis é a sheirbheáil” a chur in ionad “laistigh den aimsir roimhráite”.
|
7.
|
Alt 8
|
(a) I bhfo-alt (1), “don údarás iomchuí” a chur in ionad “don Aire” sa chéad áit a bhfuil sé.
(b) I bhfo-alt (1), “don údarás sin” a chur in ionad “don Aire” sa dara háit a bhfuil sé agus “an údaráis sin” a chur in ionad “an Aire”.
(c) I bhfo-alt (2), “oifigeach don údarás iomchuí” a chur in ionad “oifigeach don Aire”.
(d) I bhfo-alt (3)(a), “oifigeach don údarás iomchuí” a chur in ionad “oifigeach don Aire”.
(e) I bhfo-alt (3)(a), “an t-údarás iomchuí” a chur in ionad “an tAire”, sa dara agus sa tríú hait a bhfuil sé.
(f) I bhfo-alt (3)(b), “an t-údarás iomchuí” a chur in ionad “an tAire”.
|
8.
|
Alt 9
|
(a) I bhfo-alt (1), “an t-údarás iomchuí” a chur in ionad “an tAire”.
(b) I bhfo-alt (1)(e), “an údarás iomchuí” a chur in ionad “an Aire”.
(c) An fo-alt seo a leanas a chur isteach i ndiaidh fho-alt (6):
“(7) San alt seo, ciallaíonn ‘údarás iomchuí’―
(a) i ndáil le gaireas le haghaidh raidió-theileagrafaíochta ar longa, an tAire Iompair, agus
(b) i ndáil le gaireas le haghaidh raidió-theileagrafaíochta ar aerárthaigh, an Coimisiún.”.
|
9.
|
Leasú ar alt 10A(2) (a cuireadh isteach le halt 12 (1)(e) den Acht Craolacháin agus Raidió-Theileagrafaíochta 1988)
|
“an údarás iomchuí” a chur in ionad “an Aire”.
|
10.
|
Alt 13
|
An t-alt seo a leanas a chur ina ionad:
“Cionta a ionchúiseamh.
13.—Ní ceadmhach ionchúiseamh mar gheall ar chion achomair faoin Acht seo a thionscnamh ach amháin ag an údarás iomchuí, ag duine a mbeidh na feidhmeanna de chuid an údaráis sin tarmligthe chuige nó chuici nó ag duine éigin eile atá údaraithe le dlí chun cionta a ionchúiseamh.”.
|
11.
|
An tAcht go léir
|
“an Stát” a chur in ionad “Saorstát Éireann”, gach áit a bhfuil sé.
|
|
| |
CUID 2
Leasú ar an Acht um Oifig an Phoist (Leasú) 1951
|
| |
Ítim
|
An fhoráil dá ndéantar difear
|
An Leasú
|
1.
|
Alt 13
|
An t-alt seo a leanas a chur in ionad:
“Cionta i dtaca le teileafóin.
13.—(1) Aon duine—
(a) a dhéanfaidh aon teachtaireacht atá ró-ghráiniúil nó atá mígheanasach, graosta nó bagrach, a chur le teileafón, nó
(b) d'fhonn aon duine eile a chrá, nó ceataí a dhéanamh dó, nó imní gan ghá a chur air nó uirthi―
(i) a dhéanfaidh aon teachtaireacht is eol don seoltóir a bheith bréagach a chur le teileafón, nó
(ii) a leanfaidh de bheith ag déanamh glaonna teileafón gan chúis réasúnach chuig duine eile,
tá cion déanta aige nó aici.
(2) Maidir le haon duine a chiontófar i gcion faoi fho-alt (1), ar é nó í a chiontú―
(a) má dhéantar é nó í a thriail ar díotáil, dlífear fíneáil nach mó ná €75,000 nó príosúnacht ar feadh tréimhse nach faide ná 5 bliana, nó iad araon, a chur air nó uirthi, nó
(b) má dhéantar é nó í a thriail go hachomair, dlífear fíneáil nach mó ná €5,000 nó príosúnacht ar feadh tréimhse nach faide ná 12 mhí, nó iad araon, a chur air nó uirthi.
(3) Is cion faoin Post Office Act 1908 an t-alt seo a shárú.
(4) Ar dhuine a chiontú mar gheall ar chion faoi fho-alt (1), féadfaidh an chúirt, i dteannta aon phionóis eile a fhorchuirfear mar gheall ar an gcion, a ordú go bhforghéillfear don Stát aon ghaireas, trealamh nó rud eile a úsáideadh i gcúrsa an cion a dhéanamh.
(5) San alt seo folaíonn ‘teachtaireacht; téacsteachtaireacht arna cur le saoráid seirbhíse gearrtheachtaireachta (SGT)”.
|
|
| |
CUID 3
Leasú ar an Acht um Údarás Craolacháin 1960
|
| |
Ítim
|
An fhoráil dá ndéantar difear
|
An Leasú
|
1.
|
Alt 16(3)
|
An mhír seo a leanas a chur in ionad mhír (a):
“(a) Ní bheidh na cumhachtaí a thugtar don Údarás le fo-alt (2)(a) agus (b) infheidhmithe ach amháin faoi cheadúnas arna eisiúint ag an gCoimisiún um Rialáil Cumarsáide agus de réir aon choinníollacha a bhfuil an ceadúnas faoina réir.”.
|
|
| |
CUID 4
Leasú ar an Acht Raidio-Theileagrafaíochta 1972
|
| |
Ítim
|
An fhoráil dá ndéantar difear
|
An Leasú
|
1.
|
Alt 1
|
I bhfo-alt (1), an míniú seo a leanas a chur isteach i ndiaidh an mhínithe ar “an lá ceaptha”:
“ciallaíonn ‘Coimisiún’ an Coimisiún um Rialáil Cumarsáide arna bhunú le Cuid 2 den Acht um Rialáil Cumarsáide 2002;”.
|
2.
|
Alt 5
|
(a) I bhfo-alt (1), trí “an Coimisiún um Rialáil Cumarsáide” a chur in ionad “an tAire”,
(b) I bhfo-alt (1), trí “don Choimisiún sin” a chur in ionad “don Aire”.
|
3.
|
Alt 6
|
(a) An fo-alt seo a leanas a chur in ionad fho-alt (1):
“(1) Ceanglaítear gur i scríbhinn agus san fhoirm fhorordaithe (más ann) a bheidh fógra a bheidh le tabhairt don Aire nó don Choimisiún faoin Acht seo.”.
(b) An méid seo a leanas a chur fho-ailt (4) agus (5):
“(4) Más rud é go gcreideann oifigeach údaraithe ar fhorais réasúnacha gur in áit áirithe a choimeádtar taifead a cheanglaítear a choimeád faoin alt seo, féadfaidh an t-oifigeach, aon tráth réasúnach, dul isteach san áit agus a iarraidh ar an duine is dealraitheach a bheith i bhfeighil na háite an taifead a thabhairt ar aird lena iniúchadh ag an oifigeach. Ar cheangal a bheith curtha air nó uirthi amhlaidh, déanfaidh an duine sin de réir na hiarrata, gan mhoill, a mhéid is indéanta déanamh amhlaidh.
(5) Féadfar aon fhógra a cheanglaítear a thabhairt don Aire nó don Choimisiún leis an Acht seo nó faoi, a thabhairt trína sheachadadh go pearsanta nó trína chur leis an bpost cláraithe agus ní ar aon mhodh eile.
(6) I bhfo-alt (4), ciallaíonn ‘oifigeach údaraithe’ duine atá ar fostú sa Roinn Cumarsáide, Mara agus Acmhainní Nádúrtha, is duine a bheidh údaraithe i scríbhinn ag an Aire chun an chumhacht a thugtar le fo-alt (4) a fheidhmiú.”.
|
4
|
Alt 8
|
I bhfo-ailt (1), (2), (3) agus (5), “an Coimisiún um Rialáil Cumarsáide” a chur in ionad “an tAire” gach áit a bhfuil sé agus “ag an gCoimisiún um Rialáil Cumarsáide” a chur in ionad “ag an Aire” i bhfo-alt (1).
|
|
| |
CUID 5
Leasú ar an Acht Seirbhísí Poist agus Teileachumarsáide 1983
|
| |
Ítim
|
An fhoráil dá ndéantar difear
|
An Leasú
|
1.
|
Alt 2
|
I bhfo-alt (1), tríd an míniú seo a leanas a chur isteach i ndiaidh an mhínithe ar “Achtanna na gCuideachtaí”:
“ciallaíonn ‘Coimisiún’ an Coimisiún um Rialáil Cumarsáide arna bhunú le Cuid 2 den Acht um Rialáil Cumarsáide 2002;”.
|
2.
|
Alt 2
|
I bhfo-alt (1), mír (e) a scriosadh.
|
3.
|
Alt 70 (arna leasú le Rialachán 4 de Rialacháin na gComhphobal Eorpach (Seirbhísí Poist) 2000)
|
I bhfo-alt (2), “comhthoiliú an Choimisiúin” a chur in ionad “comhthoiliú an Stiúrthóra”
|
|
| |
CUID 6
Leasú ar an Acht Craolacháin agus Raidió-Theileagrafaíochta 1988
|
| |
Ítim
|
An fhoráil dá ndéantar difear
|
An Leasú
|
1.
|
Alt 1
|
(a) An míniú seo a leanas a chur isteach i ndiaidh an mhínithe ar “gaireas le haghaidh raidió-theileagrafaíochta”:
“ciallaíonn ‘údarás cuí’—
(a) an tAire, i gcás ní a bhaineann le ceadúnais le haghaidh gléis teilifíse, agus
(b) an tAire Iompair, i gcás ní a bhaineann le gaireas le haghaidh raidió-theileagrafaíochta atá bainteach le sábháilteacht, slándáil agus oibriú long agus soithí (lena n-áirítear deimhnithe inniúlachta chun gaireas le haghaidh raidió-theileagrafaíochta a oibriú ar longa agus soithí), agus
(c) an Coimisiún, i gcás ní ar bith eile.”.
(b) An míniú seo a leanas a chur isteach i ndiaidh an mhínithe ar “scannán cineamatagrafach”:
“ciallaíonn ‘Coimisiún’ an Coimisiún um Rialáil Cumarsáide a bunaíodh le Cuid 2 den Acht um Rialáil Cumarsáide 2002 (Uimh. 20. de 2002);”.
|
2.
|
Alt 3.
|
I bhfo-alt (1), “ag an gCoimisiún” a chur in ionad “ag an Aire”.
|
3.
|
Alt 6
|
I bhfo-alt (2)(b), “an Coimisiún” a chur in ionad “an tAire”.
|
4.
|
Alt 7
|
(a) “leis an gCoimisiún” agus “an Coimisiún” a chur in ionad “leis an Aire” agus “an tAire”, faoi seach, gach áit a bhfuil siad.
(b) “soláthraí seirbhíse cumarsáide leictreonaí” a chur in ionad “Bord Telecom Éireann”, gach áit a bhfuil sé.
|
5.
|
Alt 13
|
“ag an údarás cuí” a chur in ionad “ag an Aire”.
|
6.
|
Alt 14
|
“an Coimisiún” a chur in ionad “an tAire”.
|
7.
|
Alt 20
|
“an t-údarás cuí” a chur in ionad “an tAire”.
|
|
| |
CUID 7
Leasú ar an Acht Raidió agus Teilifíse 1988
|
| |
Ítim
|
An fhoráil dá ndéantar difear
|
An Leasú
|
1.
|
Alt 2
|
I bhfo-alt (1), an míniú seo a leanas a chur isteach i ndiaidh an mhínithe ar “cuideachta”:
“ciallaíonn ‘ComReg’ an Coimisiún um Rialáil Cumarsáide a bunaíodh le Cuid 2 den Acht um Rialáil Cumarsáide 2002;”.
|
2.
|
Alt 4
|
I bhfo-ailt (3), (5) agus (6), “ag ComReg” agus “le ComReg” a chur in ionad “ag an Aire” agus “leis an Aire”, faoi seach, gach áit a bhfuil siad.
|
3.
|
Alt 5
|
“do ComReg”, “ComReg” agus “ag ComReg” a chur in ionad “don Aire”, “an tAire” agus “ag an Aire”, faoi seach, gach áit a bhfuil siad.
|
4.
|
Alt 7
|
“le ComReg”, “ComReg”, “ag ComReg” “chuig ComReg”, “cinneadh ComReg” agus “chinneadh ComReg” a chur in ionad “leis an Aire, “an tAire”, “ag an Aire”, “chuig an Aire”, “cinneadh an Aire” agus “chinneadh an Aire”, faoi seach, gach áit a bhfuil siad.
|
|
| |
CUID 8
Leasú ar an Acht Craolacháin 1990
|
| |
Ítim
|
An fhoráil dá ndéantar difear
|
An Leasú
|
1.
|
Alt 1
|
I bhfo-alt (1), an míniú seo a leanas a chur isteach i ndiaidh an mhínithe ar “an tÚdarás”:
“ciallaíonn ‘Coimisiún’ an Coimisiún um Rialáil Cumarsáide arna bhunú le Cuid 2 den Acht um Rialáil Cumarsáide 2002;”.
|
2.
|
Alt 9(1)
|
“oifigeach cuí-údaraithe don Choimisiún” a chur in ionad “oifigeach cuí-údaraithe don Aire”.
|
3.
|
Alt 12
|
I bhfo-alt (1), “don Choimisiún” a chur in ionad “don Aire” agus “an Coimisiún” a chur in ionad “an tAire” i bhfo-ailt (2) agus (3).
|
4.
|
Alt 16
|
“an Coimisiún” a chur in ionad “an tAire”, cibé áit a bhfuil sé.
|
5.
|
Alt 17
|
(a) I bhfo-alt (1), “an Coimisiún” a chur in ionad “an tAire”.
(b) Fo-alt (2) a aisghairm.
|
|
| |
CUID 9
Leasú ar an Acht um Údarás Eitlíochta na hÉireann 1993
|
| |
Ítim
|
An fhoráil dá ndéantar difear
|
An Leasú
|
1.
|
Alt 70
|
An t-alt seo a leanas a chur ina ionad:
“Feidhmeanna áirithe faoin Acht Radio-Thelegrafaíochta 1926 a aistriú chuig an gcuideachta.
70.—(1) Féadfaidh an Coimisiún, le hordú―
(a) feidhmeanna an Choimisiúin faoi alt 5 den Acht Radio-Thelegrafaíochta 1926 a aistriú chuig an gcuideachta, nó
(b) feidhmeanna de chuid an Choimisiúin faoi alt 7 den Acht sin a shannadh don chuideachta a mhéid a bhaineann siad, i ngach cás, le gaireas le haghaidh raidió-theileagrafaíochta in aerárthaí.
(2) Má tá ordú faoi fho-alt (1) i bhfeidhm maidir le feidhmeanna faoi alt 7, leanfaidh na feidhmeanna sin de bheith dílsithe don Choimisiún ach i gcomhthráth leis an gcuideachta agus sin sa chaoi go mbeidh siad inchomhlíonta, de réir mar a chinnfeadh an Coimisiún, ag an gCoimisiún nó ag an gcuideachta.
(3) Déanfaidh an chuideachta aon táillí a íocfar léi faoi alt 5 den Acht Radio-Thelegrafaíochta 1926 a chur ar aghaidh chuig an gCoimisiún, faoi réir aon asbhaint de mhéideanna a chinnfeadh an chuideachta agus an Coimisiún i leith caiteachas a thabhóidh an chuideachta faoin alt sin.
(4) Tabharfaidh an chuideachta faisnéis don Choimisiún i ndáil le cibé nithe a bhaineann le comhlíonadh na bhfeidhmeanna a aistrítear chuici nó a shanntar di faoin alt seo a shonróidh an Coimisiún i scríbhinn.
(5) San alt seo, ciallaíonn ‘an Coimisiún’ an Coimisiún um Rialáil Cumarsáide.”.
|
|
| |
CUID 10
Leasú ar an Acht Teileachumarsáide (Forálacha Ilghnéitheacha) 1996
|
| |
Ítim
|
An fhoráil dá ndéantar difear
|
An Leasú
|
1.
|
Alt 1
|
(a) I bhfo-alt (1), an míniú seo a leanas a chur isteach i ndiaidh an mhínithe ar “an chuideachta”:
“ ciallaíonn ‘Coimisiún’ an Coimisiún um Rialáil Cumarsáide arna bhunú le Cuid 2 den Acht um Rialáil Cumarsáide 2002;”.
(b) I bhfo-alt (1), tríd an míniú ar “an Stiúrthóir” a aisghairm.
|
2.
|
Alt 7
|
(a) I bhfo-alt (1), (2) agus (4) “an Coimisiún” a chur in ionad “an tAire” agus “an gCoimisiún” a chur in ionad “an Aire” i bhfo-alt (3).
(b) Fo-ailt (5) go (7) a aisghairm.
|
3.
|
Alt 12
|
An t-alt seo a leanas a chur ina ionad:
“Oifigigh údaraithe.
12.―(1) Féadfaidh an Coimisiún daoine a cheapadh chun bheith ina n-oifigigh údaraithe chun críocha an ailt seo.
(2) Tabharfaidh an Coimisiún deimhniú ceapacháin do gach duine a cheapfar faoi fho-alt (1).
(3) Le linn feidhm a thugtar leis an alt seo a fheidhmiú, déanfaidh oifigeach údaraithe, má iarrann an duine a mbeidh an chumhacht á feidhmiú i ndáil leis nó léi amhlaidh, an deimhniú a thabhairt ar aird don duine sin lena iniúchadh.
(4) Féadfaidh oifigeach údaraithe, chun faisnéis a fháil is gá chun feidhmeanna an Choimisiúin faoin Acht seo a chomhlíonadh, gach ceann nó aon cheann de na nithe seo a leanas a dhéanamh:
(a) dul isteach aon tráth in áitreabh soláthraí seirbhísí teileachumarsáide chun cumhachtaí a thugtar leis an alt seo a fheidhmiú;
(b) a cheangal ar aon soláthraí seirbhísí teileachumarsáide taifid a thabhairt ar aird a bhaineann le seirbhísí teileachumarsáide a sholáthar ar a bhfuil cumhacht nó rialú ag an soláthraí agus cibé faisnéis a theastóidh le réasún ón oifigeach a thabhairt don oifigeach i ndáil le haon iontrálacha sna taifid;
(c) aon taifid den sórt sin nó aon chuid dá n-inneachar a iniúchadh nó cóipeanna a dhéanamh díobh;
(d) a cheangal ar sholáthraí seirbhísí teileachumarsáide a luaitear i mír (a) cibé faisnéis a theastóidh le réasún ón oifigeach a thabhairt don oifigeach maidir le soláthar seirbhísí teileachumarsáide;
(e) cibé iniúchtaí a dhéanamh, cibé tástálacha a chur i gcrích agus cibé tomhais a thógáil is cuí leis an oifigeach maidir le hinnealra, gaireas agus trealamh eile san áitreabh.”.
|
|