Ar Aghaidh (SCEIDEAL. ORDU CHUAN SHLIGIGH, 1936.)

1 1937


Uimhir 1 (Príobháideach) de 1937.


ACHT DAINGNITHE ORDUITHE SHEALADAIGH UM PIARA AGUS CUAN, 1937.


ACHT CHUN ORDÚ CHUAN SHLIGIGH, 1936, DO DHAINGNIÚ. [25adh Feabhra, 1937.]

DE BHRÍ go bhfuil an tAire Oideachais, agus é ag gníomhú mar Ghníomhaire don Aire Tionnscail agus Tráchtála, tar éis Ordú Chuan Shligigh, 1936, atá leagtha amach sa Sceideal a ghabhann leis an Acht so, do dhéanamh go cuibhe fén General Pier and Harbour Act, 1861, agus fén General Pier and Harbour Act, 1861, Amendment Act, mar do hoiriúnuíodh iad san leis an Acht um Oiriúnú Achtanna, 1922 (Uimh. 2 de 1922):

AGUS DE BHRÍ fé fhorálacha na nAchtanna san ná beidh aon dleathacht ná feidhm ar bith ag an Ordú san mara ndeinidh ná go dtí go ndéanfaidh an tOireachtas é do dhaingniú:

ACHTUIGHEADH OIREACHTAS SHAORSTáIT ÉIREANN AR AN ÁBHAR SAN MAR LEANAS:—

An tOrdú sa Sceideal do dhaingniú.

1. —Daingnítear leis seo an tOrdú atá leagtha amach sa Sceideal a ghabhann leis an Acht so agus beidh lán-dleathacht agus lánfheidhm ag á fhorálacha uile.

Gearr-theideal.

2. —Féadfar an tAcht Daingnithe Orduithe Shealadaigh um Piara agus Cuan, 1937 , do ghairm den Acht so.