Uimhir 29 de 1926.

ACHT RÓD-CHISTE (ROIMH-ÍOCANNA), 1926.

ACHTUIGHEADH OIREACHTAS SHAORSTáIT ÉIREANN MAR LEANAS:—

1. —(1) Féadfidh an tAire Airgid, fé réir na teorann a forchuirtar ina dhiaidh seo anso, suimeanna do roimh-íoc leis an Ród-Chiste amach as an bPrímh-Chiste no as a thora fáis fé mar a theastóidh o am go ham chun an Ród-Chiste do mhéadú chó fada agus is gá é chun a chur ar chumas an Ród-Chiste gach suim d'íoc 'na bhfuil anois no 'na mbeidh aon uair a muirear agus a híoc ar an Ród-Chiste.

(2) Ní raghaidh méid iomlán na suimeanna a roimh-íocfar leis an Ród-Chiste fén alt so thar suim dhá mhilleon punt.

(3) Beidh de mhuirear ar an Ród-Chiste agus beidh iníoctha amach as ar pé slí a ordóidh an tAire Airgid gach suim a roimhíocfar fén alt so maraon le hús uirthi do réir pé ráta a shocróidh an tAire Airgid.

2. —(1) Chun soláthar do dhéanamh chun suimeanna do thabhairt amach as an bPrímh-Chiste fén alt san roimhe seo, no chun gach ceann no aon chuid de sna suimeanna a tabharfar amach amhlaidh d'aisíoc leis an gCiste sin, no chun aon urrúis a tabharfar amach fén alt so d'íoc sa mhéid ná fuil aon tsocrú eile déanta chun a n-íoctha, féadfidh an tAire Airgid airgead d'fháil ar iasacht tré pé urrúis is dó leis is ceart do thabhairt amach, agus íocfar isteach sa Stát-Chiste gach suim a gheobhfar ar iasacht amhlaidh.

(2) Is ar an bPrímh-Chiste no ar a thora fáis a bheidh muirear agus íoc colna agus úis gach urrúis a tabharfar amach fén alt so.

3. —Féadfar an tAcht Ród-Chiste (Roimh-íocanna), 1926 , do ghairm den Acht so.