Uimhir 8 de 1969

AN tACHT UM DHEONTAIS TIONSCAIL (LEASÚ), 1969

(An tiontú oifigiúil.)

ACHTAÍTEAR AG AN OIREACHTAS MAR A LEANAS:

1. —(1) Ní rachaidh comhiomlán na ndeontas a thabharfaidh an tÚdarás Forbartha Tionscail faoin Acht um Dheontais Thionscail, 1956 , agus na ndeontas (seachas deontais faoi alt 12 den Acht um Limistéirí Neamhfhorbartha, 1952 ) ón bhForas Tionscal agus ón Aire Tionscail agus Tráchtála faoi na hAchtanna um Limistéi Neamhfhorbartha, 1959 go 1968, agus faoi na hAchtanna un Dheontais Tionscail, 1959 go 1968, agus na n-íocaíochtaí ón bhFora Tionscal agus ón Aire sin ar scór ráthaíochtaí a thug an Foras Tionscal agus an tAire sin faoin Acht um Dheontais Tionscail, 1959 , thar chaoga milliún punt.

(2) Ní rachaidh comhiomlán na ndeontas faoi alt 12 den Acht um Limistéirí Neamhfhorbartha, 1952 , agus faoi alt 3 den Acht um Dheontais Thionscail, 1956 , thar chaoga milliún punt.

2. —Aisghairtear leis seo alt 3 den Acht um Dheontais Tionscail (Leasú), 1966 , agus alt 1 den Acht um Dheontais Tionscail (Leasú) (Uimh. 2), 1968 .

3. —(1) Féadfar an tAcht um Dheontais Tionscail (Leasú), 1969 a ghairm den Acht seo.

(2) Féadfar na hAchtanna um Limistéir Neamhfhorbartha, 1952 go 1969, a ghairm de na hAchtanna um Limistéir Neamhfhorbartha, 1952 go 1968, agus den Acht seo (a mhéid a leasaíonn sé na hAchtanna sin) le chéile agus féadfar na hAchtanna um Dheontais Tionscail, 1959 go 1969, a ghairm de na hAchtanna um Dheontais Tionscail, 1959 go 1968, agus den Acht seo (a mhéid a leasaíonn sé na hAchtanna sin) le chéile.