Uimhir 43 de 2019

AN tACHT UM DHIAMHASLA (CIONTA A CHEALÚ AGUS NITHE GAOLMHARA), 2019

[An tiontú oifigiúil]

Clár an Ábhair

Alt

1. Cionta arb éard iad diamhasla agus leabhal diamhaslach a chealú

2. Leasú ar alt 7 den Acht um Scrúdóireacht Scannán, 1923

3. Leasú ar alt 3 den Acht um Scrúdóireacht Scannán (Leasú), 1925

4. Ailt 36 agus 37 den Acht um Chlúmhilleadh, 2009 a aisghairm

5. Gearrtheideal agus tosach feidhme

Na hAchtanna Dá dTagraítear

Uimhir 43 de 2019

AN tACHT UM DHIAMHASLA (CIONTA A CHEALÚ AGUS NITHE GAOLMHARA), 2019

[An tiontú oifigiúil]

Acht do chealú na gcionta arb éard iad diamhasla agus leabhal diamhaslach; do leasú an Achta um Scrúdóireacht Scannán, 1923 agus an Achta um Scrúdóireacht Scannán (Leasú), 1925; d’aisghairm forálacha áirithe den Acht um Chlúmhilleadh, 2009; agus do dhéanamh socrú i dtaobh nithe gaolmhara.

[21 Nollaig 2019]

Achtaítear ag an Oireachtas mar a leanas:

Cionta arb éard iad diamhasla agus leabhal diamhaslach a chealú

1. Aon riail dlí ar dá bua is cion é—

(a) diamhasla, nó

(b) leabhal diamhaslach,

cealaítear í.

Leasú ar alt 7 den Acht um Scrúdóireacht Scannán, 1923

2. Leasaítear alt 7(2)(a)(ii) den Acht um Scrúdóireacht Scannán, 1923 trí “mígheanasach nó graosta” a chur in ionad “mígheanasach, graosta nó diamhaslach”.

Leasú ar alt 3 den Acht um Scrúdóireacht Scannán (Leasú), 1925

3. Leasaítear alt 3(2) den Acht um Scrúdóireacht Scannán (Leasú), 1925 trí “mígheanasach nó graosta” a chur in ionad “nea-náireach, draosta, no naomhaithiseach”.

Ailt 36 agus 37 den Acht um Chlúmhilleadh, 2009 a aisghairm

4. Aisghairtear ailt 36 agus 37 den Acht um Chlúmhilleadh, 2009.

Gearrtheideal agus tosach feidhme

5.(1) Féadfar an tAcht um Dhiamhasla (Cionta a Chealú agus Nithe Gaolmhara), 2019 a ghairm den Acht seo.

(2) Tiocfaidh an tAcht seo i ngníomh cibé lá nó laethanta a cheapfaidh an tAire Dlí agus Cirt agus Comhionannais le hordú nó le horduithe i gcoitinne nó faoi threoir aon chríoch nó foráil áirithe agus féadfar laethanta éagsúla a cheapadh amhlaidh chun críoch éagsúil nó le haghaidh forálacha éagsúla.